Acts 2:27 - Sa Ugud Apudyus

²⁷ Te adimpun iwaḻang ḵalidodwaḵ ad Hades we igaw da natoy. Ḵad adimpun os iyunud loposon long-ag ni mismu we sammilum.

Acts 2:27 Referans Kwoze

Acts 2:31

Pun inigammuna ya imbagana ummuliyan Kristu we adinapun iwwaḻang ad Hades we igaw da natoy ya adipun maḻpos long-agna. Siya ibagabagana Kristu we ibuun Apudyus.

Revelation 1:18

ya saḵon matattagu. Natoyaḵ yaḵon ilam ḵad saḵon, matataguwaḵ aḵ inggana. Saḵon os asi ḵigad atte ḵatoy ya anna ḵan saḵon tuḻbiḵe amuḵat ad Hades we igaw da natoy.

1 Corinthians 15:55

Ḵad ḵanan os Apudyus, “Siḵa ḵatoy, naippun ogon angngogam ḵad siḵa ḵatoy dimman ḵabooḻame amaḵaḻam?”

1 Corinthians 15:52

Angganase maḵwa sanae isun di sinḵispayan, nu guminga maudi ye tangguyub Apudyus ya umuli da nanḵaḵatoye namati ya mapasantan da long-agda, adidapun paat matoy. Ḵad ditaḵu we matattagu, mapasantan os da long-ag taḵu'tte baru,

John 11:39

Ḵanan Jesus, “Ḵaanonyu sanate batu.” Ḵanan Martha we sunud Lazarus, “Apu! Ambuyuḵ te ḵapat aḻgawnae nilibon.”

Revelation 3:7

Ḵanana bos, “Annaya isuḻatnu'tte anghel we angayyuwan atta namati ye magimugimung ad Philadelphia, ‘Saḵon abus aḵ gattoḵe nasantuwan ḵan ḵatuttuwaan. Saḵon aangdon si tuḻbiḵ Ari David we piona ḵanan, sa ḵaḻabbongan atte ampangatan Apudyus. Ngaimane iyunudḵu we lumnoḵ atte ampangataḵ, naippun maḵatupod. Ḵad ngaimane adiḵpun iyunud, tuttuwae adipun maḵaḻnoḵ! Annaya ibagaḵ ḵan diḵayu.

1 John 2:20

Yaḵon awad ḵan diḵayu Ispiritu Santu we innatod Kristu, siya gapunae igammuyu losan ḵatuttuwaan.

Luke 4:34

“Anii! Jesus we iNazareth, ngaipaḵa umali ḵan diḵani? Ummaliḵa ḵamman ta dadailom diḵani? Igammuḵe siḵa Nasantuwane imbuun Apudyus.”

Luke 1:35

Ḵanan ni anghel, “Umali Ispiritu Santu ḵan siḵa ḵad mabugiḵa gapu si ḵabooḻan ni Ḵangatuwane Apudyus. Ḵade sadi mibuḵnag ngannonda nasantuwane Abeng Apudyus.

Mark 1:24

“Anii! Jesus we iNazareth, ngaipaḵa umali ḵan diḵani? Ummaliḵa ḵamman ta dadailom diḵani? Igammuḵe siḵa Nasantuwane imbuun Apudyus.”

Matthew 11:23

“Diḵayu ḵade iCapernaum, sosomḵonyu ḵad aine midayaw ḵayu'd langit? Naid! Sa maḵwa, aaddi ye miballu ḵayu'd Hades, sa igaw da natoye madusaanyu! Te nu ad Sodom oḵyan nangwaaḵ atte nakaskasdaawe isun da ḵingwaḵ atta iliyu, dagus nine nambabawida'tta basuḻda ya adimpun nin oḵyan Apudyus dinadail ilida ḵad awad oḵyane sissiya'd Sodom sina inggana sinsadi.

Acts 4:27

Sadi imbagan Ari David te da Herod ḵan Pontius Pilate ya da Gentil ya da ganaḵ Israel nadagupda'd Jerusalem ta antutuḻagdae gongatonda'ḵ Jesus we nasantuwane sammilume dinutuḵam.

Acts 3:14

Yaḵon indiyanyu gattoḵe abus aḵ nasantuwan ya naun-unan woḵ siya ḵindawyu ḵan Pilate we puḵayana pumappatoy.

Luke 16:23

woḵ ummoy ad Hades we igaw da natoy. Pun ummamdan ampaḵaḻamana. Nantangad ḵad, innilana'ḵ Abraham atte adayu ya aḵ Lazarus atte daḻnigna.

Luke 24:44

Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

Acts 2:26

Sana gapunae lumayad pusuḵ ya andaydayaw delaḵ. Ḵad taḵon ay nu matoy long-agḵu, namnamaoḵe matagu.

Acts 2:28

Impaigammum ḵan saḵon daḻane umoy si mataguwan ḵad paḻayadom saḵon si annaam.’ ” Sadi inggilin Ari David.