Acts 2:22 - Sa Ugud Apudyus

²² Pinagatupan Peter woḵ ḵanana, “Susunude ganaḵ Israel, dongngonyu annae ibagaḵ ḵan diḵayu. Aḵ Jesus we iNazareth, pinanoḵnoḵan Apudyus ḵan diḵayu we imbuunna mipagapu'tta nakaskasdaaw ya da sinyale ḵingwan Apudyus ḵan diḵayu mipagapu ḵan siyae iniiggammuyu.

Acts 2:22 Referans Kwoze

John 3:2

Sillabiyan ḵad, ummoy ḵan Jesus woḵ ḵanana, “Mistulu, igammuni ye siḵa imbuun Apudyus we umoy antuttudu ḵan diḵani te naippun maḵaḵwa'tta nakaskasdaawe sinyale ḵoom nu maid aḵ Apudyus ḵan siya.”

Acts 4:10

dongngonyu ta ipaigammuḵ ḵan diḵayu ya da losane ganaḵ Israel. Sa annae tataḵdog si sinagungyu, nanaddaḻan gapu'tte ḵabooḻan Jesu Kristu we iNazareth. Siya sadi ye impattoḻyu'tte kros yaḵon tinagun Apudyus ḵasin.

Luke 11:20

Te sa ḵatuttuwaan, aḵ Apudyus nangitod atte ḵabooḻaḵe amaḻyaw atta aḻan ya sadi amanoḵnoḵe sinsadi gattoḵe awad ḵan diḵayu ampangatan Apudyus.

Matthew 12:28

Te sa ḵatuttuwaan, sa Ispiritu Santu nangitod atte ḵabooḻaḵe amaḻyaw atta aḻan ya sadi amanoḵnoḵe sinsadi gattoḵe awad ḵan diḵayu ampangatan Apudyus.”

Matthew 9:8

Innilan ḵad da losane tagu we ḵinaan Jesus saḵitna, naḵimtanda woḵ indaydayawda'ḵ Apudyus we nangitod si ḵaḻabbongane isun ni sanat atte tagu.

Hebrews 2:4

Ḵad aḵ Apudyus we mismu pinanoḵnoḵana si tuttudunae tuttuwa gapu si nangittana si sinyal ni ḵabooḻana ya da nansabasabali ye miraculu. Ḵad innatodna'tta namati ḵabooḻane iwaḻas ni Ispiritu Santu sigun atte piniona.

2 Corinthians 12:12

Te sa inniinggawaḵ ḵan diḵayu, inanusaḵ da losane ampaḵaḻaman atte nangipail-aḵ atta sinyal ya da udume nakaskasdaawe angipaila si ḵabooḻan Apudyus ya sana da amanoḵnoḵ si ḵinaapostolḵu.

Acts 26:26

Te igammuḵe inabus Ari Agrippa inigammu losan da sana te daḵampun aḵ nitaḻuda. Pun igammuḵe maḵwa ibabaggaḵ ḵan siya.

Acts 26:9

“Taḵon ay saḵon atte awe, simsimmoḵḵu we ḵasapuḻane iggaḵ ḵabooḻaḵe sumullagi'tta namati ḵan Jesus we iNazareth.

Acts 24:5

“Te indasanni annae tagu we gugulu te dam-on nanggulu'tta losane Judyu si annae lubung. Siya osa'tta pangat da grupun da mituntun-ud atte iNazareth.

Acts 22:8

“Pun ḵanaḵe nan-imus, ‘Ngaiḵa, Apu?’ “Ḵanana, ‘Saḵon aḵ Jesus we iNazareth we ampaḵapaḵaḻamom.’

Acts 21:28

pun ḵanandae simbobogga, “Diḵayu we ganaḵ Israel, bumadang ḵayu! Annaya tagu we ummoy nangituttudu'tta losane tagu'tta ḵinailin di ili ye sumullagi ḵan ditaḵu we Judyu, sa lintog taḵu ya sa templo. Ḵad amo ummoyna ḵinaissawan templo taḵu te inniyoyna da udume Gentil sidi.”

Acts 14:27

Dummatongda ḵad ad Antioch, nandaḵdaḵngonda da losane namati woḵ imbagada da losane ḵingwan Apudyus ḵan dida ya sa inonae nangitod si gundaway da Gentil ta amatida.

Acts 13:16

Pun summiḵad aḵ Paul woḵ sinyasana da tagu ta guminoḵda. Ḵanana, “Diḵayu we ganaḵ Israel ya diḵayu we Gentil we angisipog ḵan Apudyus, dongngonyu annae ibagaḵ.

Acts 6:14

Te dingngoḻni nangibag-anae dadailon Jesus we iNazareth annae templo ya baliwana bos ugali ye impatawid Moses ḵan ditaḵu.”

Acts 5:35

Pun ḵanana ḵan dida, “Susunude ganaḵ Israel, umman taḵu annadan ḵoon taḵu'tta annae tagu.

Acts 3:12

Innilan ḵad Peter dida ḵanana, “Susunudḵu we ganaḵ Israel, ngaipa ḵayu mataag si anna? Ngaipayu imumusḵoḻ diḵani? Ḵananyu ḵammane naḻpu'tte ḵabooḻanni baḵon nu ḵinabaḻuni namataddaḻan si annae tagu?

John 19:19

Inninggaw os impaigilin Pilate we impaiggana'tte kros Jesus we ḵanana, “Jesus we iNazareth, Arin da Judyu.”

John 15:24

Naippun oḵyan maḵabasuḻanda nu adiḵ ḵingwa da nakaskasdaawe naippun maḵaḵwa. Yaḵon sinsadi ye innilada, sasangngaanda diḵani ḵan Amaḵ.

John 12:17

Da amode tagu we inninggaw ḵan Jesus we nangila si namaḻawaana ḵan Lazarus atte libonna woḵ tinaguna, tinaḵdoḻanda.

John 11:47

Pun da papangat da papadi ya da Pharisee, impaayagda da ḵuḵunsisaḻ woḵ ḵananda, “Ngai ḵoon taḵu? Te adu da ḵingwan ni annae tagu we nakaskasdaawe sinyal.

John 10:37

Nu adiḵ ḵoon da ḵewaaḻ Amaḵ, adiyu saḵon patiyon.

John 9:33

Nu daḵampun aḵ naḻpu ḵan Apudyus annae tagu, ippun lamogna ḵoon.”

John 7:31

Yaḵon adu da namati ḵan siya woḵ ḵananda, “Sa annae tagu, tuttuwae adu da nakaskasdaawe sinyale ḵingwanae isun ni namnamaon taḵu we ḵoon Kristu nu umali sina.”

John 6:27

Adiyu gamgaman maḵane madadail yaḵon siya oḵyan gamgamanyu maḵane angitod si biyag aḵ inggana. Ḵad saḵone Abeng Di Tagu angitod atte sadi ye maḵan ḵan diḵayu te ummapyu'ḵ Apudyus we Amaḵ ḵan saḵon.”

John 6:14

Innilan ḵad da amode tagu da nakaskasdaawe sinyale ḵingwan Jesus ḵananda, “Sana pagay tuttuwae profeta we inkarin Apudyus we umali si annae lubung.”

John 5:36

Yaḵon awad de anaḵdoḻ ḵan saḵone nangatngatu nu aḵ John. Te da ḵooḵe impaḵwan Amaḵ, sana da anaḵdoḻe saḵon imbuunna.

John 4:48

Ḵanan Jesus ḵan siya, “Nu ippun ilanyu'ḵ nakaskasdaawe sinyal, adiḵayupun amati.”

John 1:45

Pune sadi, indasan Philip aḵ Nathanael woḵ ḵanana ḵan siya, “Indasanni tagu we inggilin Moses si lintog ya da profetan Apudyus atte awe. Siya'ḵ Jesus we abeng Joseph we iNazareth.”

Luke 24:18

Pun ḵanan ni osa ḵan didae nangngadan aḵ Cleopas, “Ngai inonae siḵa abus aḵ mangili'd Jerusalem we adi nangigammu'tta naḵwa si naḻaḵpuse aḻgaw?”

Acts 2:19

Sa umali ye aḻgaw awad da ipailaḵe nakaskasdaaw ad langit ya da sinyal ad lutae daḻa ḵan apuy ya sa angal-alliwoḵe asuḵ.

Acts 2:43

Nataag da adu we tagu te adu da nakaskasdaaw ya sinyale naḵwa mipagapu'tta apostol.

Acts 3:6

Yaḵon ḵanan Peter, “Ippun pulus pilaḵḵu yaḵon sa awad ḵan saḵon, siya ittoḵ. Mipagapu'tte ḵabooḻan Jesu Kristu we iNazareth, anaddaḻanḵa.”

Luke 18:37

Ḵanandae summongbat, “Annae lumaus aḵ Jesus we iNazareth.”