Acts 18:24 - Sa Ugud Apudyus

²⁴ Inninggaw Judyu we iyAlexandria we ummoy ad Ephesus we Apollos ngadanna. Allainge antuttudu ya adu bos inigammuna si mipanggob atte nigili ye Ugud Apudyus.

Acts 18:24 Referans Kwoze

Titus 3:13

Iggam os ḵaḻabbongame bumadang ḵan Zenas we abugadu ya aḵ Apollos nu allibbatda ta awad oḵyan da losane ḵasapuḻanda.

1 Corinthians 4:6

Susunud ḵan Kristu, inusarḵu diḵani ḵan Apollos aḵ ampaniyan para'tte bumaḻuwanyu ta adaḻonyu ḵan diḵani pion ni nigili ugudone ḵanana, “Adiyu dog-an da nigili.” Ta naippun oḵyan osa ḵan diḵayu'ḵ itaḻayagna osae tagu ya ipababana osa.

1 Corinthians 16:12

Ḵad sa mipanggob ḵan Apollos we sunud taḵu ḵan Kristu, inaḻ-aḻuḵḵu ta mibuḻun oḵyan atta udume susunud taḵu ḵan Kristu we umali sinat. Yaḵon adinapun pione umali ye sana. Asi umali nu awad wayana.

1 Corinthians 1:12

Sa pioḵ ugudon, nansabasabali ibagayu te ḵanan da udum, “Aḵ Paul unudonni,” ḵad ḵanan da udum, “Aḵ Apollos unudonni,” ya ḵanan os da udum, “Aḵ Peter unudonni.” Ḵad ḵanan da udum, “yaḵon diḵani ḵad, aḵ Kristu unudonni.”

Acts 6:9

Yaḵon da udume Judyu we naḻpu si grupu we ngannonda “Sinagogan di Napuḵayane Musassu” we iCyrene ya iyAlexandria ya da udume naḻpu'd Cilicia ya ad Asia, tummaḵdogda woḵ naḵasossongbatda ḵan Stephen.

Colossians 3:16

Ḵad pasigyu oḵyan isisimoḵ mipanggob atta tuttudun Kristu. An-asituttudu ya an-asibagbaga ḵayu we usaronyu da losane ḵinalainge innatodna. Ḵantaonyu da ḵantae naḻpu'tta de Psalm, sa udume nigili'tte Ugud Apudyus ya da udume ḵantan da namati ye andayaw ḵan Apudyus ḵad pasig oḵyane anggappiya ḵayu ḵan Apudyus atta somsomoḵyu.

2 Corinthians 10:10

Awad nin da udum ḵan diḵayu we ḵanandae antuḻodaḵe anuḻat atta pioḵ ibaga ḵan diḵayu yaḵon nu annaaḵ si sinagungyu anḵuyaaḵ ya ippun os anun da ibagaḵ.

Acts 27:6

Sidi nangdasan kapitan Julius atte bapur we naḻpu'd Alexandria we umoy ad Italy woḵ siya nallugananni.

Acts 7:22

Nituttudu ḵan Moses da losane ḵinalaing da iyEgypt woḵ nambalin aḵ nalainge an-ugud ya inggunayna.

Luke 24:19

Ḵanan Jesus, “Ngai ḵad ain da naḵwa?” Summongbatda woḵ ḵananda, “Da naḵwa ḵan Jesus we iNazareth. Siya imbelang Apudyus aḵ profetana ya ḵanan da tagu we siya bos maḵabooḻe angituttudu ya angwa'tta nakaskasdaaw.

Matthew 13:52

Ḵanan Jesus ḵan dida, “Maawatanyu ḵammane nu awad mistulun ni lintog aḵ amati si ituttuduḵ mipanggob si ampangatan Apudyus, mipani'tte sinḵuwa si boḻoye igammunae angitoḵwaḻ ya angusar atte ḵaḵḵopya ḵan dadaane ḵuḵuwanae nitataḻu si gagappotana?”

Acts 18:28

Te allainge naḵasossongbat atta Judyu woḵ illogna dida te pinanoḵnoḵana si Ugud Apudyus we aḵ Jesus siya Kristu.

Acts 18:19

Dummatongda ḵad ad Ephesus, lummogsadda'tte bapur sidi woḵ tinenana da Aquila ḵan Priscilla. Yaḵon ummunae mismu ummoy atte sinagoga ya naḵasossongbat atta Judyu.

Acts 18:21

Yaḵon anna ḵade umoyon ḵanana, “Mipauliyaḵ ḵan diḵayu nu pinion Apudyus.” Pun nambapur we ḵesan ad Ephesus.

Acts 19:1

Sa inninggawan ḵad Apollos ad Corinth, ummoy aḵ Paul ad Ephesus we naḻpu'd Phrygia we nangoy si beleg. Dummatong ḵad sidi, indasana da udume namati,