Acts 18:19 - Sa Ugud Apudyus

¹⁹ Dummatongda ḵad ad Ephesus, lummogsadda'tte bapur sidi woḵ tinenana da Aquila ḵan Priscilla. Yaḵon ummunae mismu ummoy atte sinagoga ya naḵasossongbat atta Judyu.

Acts 18:19 Referans Kwoze

2 Timothy 1:18

Inigammum os daḵoḻe badangna ḵan saḵon ad Ephesus si awe. Ḵadaguwan oḵyan Apudyus si aḻgawe anguwisana'tta tagu.

1 Timothy 1:3

Timothy, adim maliwatan imbagaḵ ḵan siḵa si ayonaḵ ad Macedonia. Ḵodawoḵ ḵan siḵae inggawḵa'd Ephesus ta bilinom da udume tagu sinat ta agaydae angituttudu si tinutuli ye tuttudu.

Ephesians 1:1

Saḵon aḵ Paul we apostol Jesu Kristu mipagapu'tte pinion Apudyus. Annaya suḻatḵu ḵan diḵayu we tagun Apudyus ad Ephesus we ipapatidae amati ḵan Jesu Kristu.

1 Corinthians 16:8

Yaḵon inggawaḵ yan sina'd Ephesus inggana'ḵ maḻaḵpus Gayagayani ye Judyu we ngannonni Pentecost.

1 Corinthians 15:32

Nu daḵampun aḵ umuli da natoy, ngai gay lawa maganabḵu we sumangu'tta ḵumane tagu we isuḵ nin maḵapatoy atta ḵumane ayam sina'd Ephesus? Nu daḵampun aḵ umuli da natoy, adi un-unnoyna unudoḵ uuggudone ḵanana, “Angaangan taḵu ya uminuinum taḵu te appigat matoy taḵu.”

Acts 20:16

Simsimmoḵ Paul we umadini ansadang ad Ephesus ta adi ḵani mataḵtaḵ sidi'tte probinsiya'd Asia te maḵamu'ḵ Paul we dumatong ad Jerusalem te nu maḵwa oḵyan, pionae sambutan Gayagayan da Judyu we ngannonda Pentecost.

Acts 19:1

Sa inninggawan ḵad Apollos ad Corinth, ummoy aḵ Paul ad Ephesus we naḻpu'd Phrygia we nangoy si beleg. Dummatong ḵad sidi, indasana da udume namati,

Acts 18:24

Inninggaw Judyu we iyAlexandria we ummoy ad Ephesus we Apollos ngadanna. Allainge antuttudu ya adu bos inigammuna si mipanggob atte nigili ye Ugud Apudyus.

Acts 18:4

Sa umillongan da Judyu, ummoy aḵ Paul si sinagoga ya naḵasossongbat ta padasona awison da Judyu ḵan Gentil ta amatida ḵan Jesus.

Revelation 2:1

Ḵanana, “Annaya isuḻatnu'tte anghel we angayyuwan atta namati ye magimugimung ad Ephesus, ‘Saḵon aangdon atta pitu we bituwon atte madawinane imaḵ ya anadtaddaḻan si gawan da pitu we buḻawane sasap-aḻan da silaw. Annaya ibagaḵ ḵan diḵayu.

Revelation 1:11

Ḵanana, “Igilim atte iblu da ilam ta idagasnu'tta pitu we gimung da namati'd Ephesus, Smyrna, Pergamum, Thyatira, Sardis, Philadelphia ya ad Laodicea.”

2 Timothy 4:12

Imbuunku'ḵ Tychicus ad Ephesus.

Acts 19:26

Ḵad innila taḵu ḵan didingngoḻ taḵu we adu da inawis Paul we tagu sina'd Ephesus ya tigangay ta losan da ili'tte probinsiya'd Asia. Ḵanana sa ḵoon di tagu, daḵampun aḵ tuttuwae apudyus.

Acts 19:17

Inigammun ḵad da losane ummili'd Ephesus, Judyu baḵon nu Gentil da naḵwa, naḵimtanda woḵ indaydayawda ngadan Apu Jesus.

Acts 18:21

Yaḵon anna ḵade umoyon ḵanana, “Mipauliyaḵ ḵan diḵayu nu pinion Apudyus.” Pun nambapur we ḵesan ad Ephesus.

Acts 18:20

Pinadasda ḵad tawidan ta inggaw ḵan dida, sinuḵnaana.

Acts 19:28

Dingngoḻ ḵad da tagu imbagan Demetrius, summangada ḵan Paul ya da buḻunna woḵ insaḻadda ḵanane simbobogga, “Madaydayaw aḵ Artemis we apudyus taḵu we iyEphesus!”

Acts 19:35

Yaḵon pinaginoḵ ḵad ni secretaryn ni siyudad da amode tagu ḵanana, “Susunude iyEphesus, awad ḵamman ossaan ḵan ditaḵu'ḵ adi angigammu we ditaḵu angay-ayyuwan atte templon ni madaydayawe Artemis ya sa sinan-Artemis we batu we naottage naḻpu'd langit?

Acts 20:17

Pun sa inninggawanni'd Miletus, nambuun aḵ Paul aḵ umoy angayag atta angipangpangu'tta namati ye magimugimung ad Ephesus.

Acts 21:29

Ḵatti imbagada te inniladae nibuḻun ḵan Paul aḵ Trophimus we iyEphesus si ummayanda si siyudad ḵad ḵanandapun nu inniyoy Paul si templo.