Acts 17:31 - Sa Ugud Apudyus

³¹ Te inḵoddongna aḻgawe anguwisana'tta losane tagu si lubung. Dinutuḵana'ḵ Jesus we naun-unane anḵuwis woḵ pinanoḵnoḵanae siya dinutuḵana si nanaguwana ḵan siya.”

Acts 17:31 Referans Kwoze

2 Peter 3:7

Sinsadi, mipagapu bos atte Ugud Apudyus, nisasaggana annae langit ḵan lutae dadailon ni apuy nu dumatong aḻgawe anguwisan Apudyus atta tagu we ḵabasbassuḻan ta madusada'ḵ inggana.

Romans 2:16

Pun sigun si annae Ambaḻu we Damag we iwwaḻagawagḵu, ḵaḵna maḵwa si aḻgawe anguwisan Apudyus mipagapu ḵan Jesu Kristu atta losane somsomoḵ da tagu ya da ḵingwadae nitataḻu.

2 Corinthians 5:10

Te ḵasapuḻane losan taḵu sumangu ḵan Kristu we maḵuwis ta sa sin-ossaossa ḵan ditaḵu, awatona gungunae maatod ḵan siya sigun atte ḵingwana si natattaguwana, ambaḻu man baḵon nu lawweng.

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.

Romans 2:5

Yaḵon gapu ta tummungitong da somsomoḵyu ya adiḵayupun ambabawi, amo dog-adog-anyu ḵadusaanyu'tte aḻgawe angipail-an Apudyus atte sangana ya mipaila naun-unane anḵuḵuwisna'tta tagu.

Acts 4:10

dongngonyu ta ipaigammuḵ ḵan diḵayu ya da losane ganaḵ Israel. Sa annae tataḵdog si sinagungyu, nanaddaḻan gapu'tte ḵabooḻan Jesu Kristu we iNazareth. Siya sadi ye impattoḻyu'tte kros yaḵon tinagun Apudyus ḵasin.

2 Timothy 4:1

Annaya ibilinḵu ḵan siḵa Timothy si sinagung Apudyus ya aḵ Jesu Kristu we ḵasin umali ampangat ḵan anguwis atta losane tagu we matattagu ḵan natoy.

Matthew 10:15

Ibagaḵ ḵan diḵayu ḵatuttuwaan, nu dumatong anguwisan Apudyus atta losane tagu, nadagdagson dusan da tagu si sadi ye ili nu sa dusan da iSodom ḵan iGomorrah.”

Acts 2:32

Sa annae Jesus tinagun Apudyus ḵasin ḵad losanni tinaḵdoḻan.

Acts 17:18

Inninggaw os da udume mimistulun da Epicurean ya da Stoic we naḵasossongbat ḵan siya. Ḵanan da udum, “Ngai ibagabagan ni annate aginlalaing?” Ḵanan os da udum, “Siya nin iwaḻagawagna sabali ye apudyus.” Imbagada ḵaḵna te iwwaḻagawag Paul mipanggob ḵan Jesus ya sa ummuliyana.

Matthew 24:14

Ḵad sa Ambaḻu we Damag mipanggob si ampangatan Apudyus, ḵasapuḻane miwaḻagawag atta losane ili si lubung ta dongngon da tagu ḵatuttuwaan. Ḵad asiyot dumatong anungus ni lubung.”

Luke 22:22

Saḵone Abeng Di Tagu, ḵasapuḻane matoyaḵe mibatay si planun Apudyus atte awe. Yaḵon ḵaddagu tagu we angituyuḵ ḵan saḵon.”

John 5:27

Innatodna bos ḵaḻabbongaḵe anḵuwis te saḵon Abeng Di Tagu.

John 12:48

Sa angidiyan ḵan saḵon ya adipun anuttuwa'tte ugudḵu awad de anguwis. Sa inugudḵu siya anguwis ḵan siya si anungus ni aḻgaw.

John 16:10

Nankamalida mipanggob si naun-unaḵ te sana amanoḵnoḵ si tuttuwae naun-unanaḵe mipauli ḵan Amaḵ ya adiyupun ogon saḵon ilan.

Acts 17:6

Yaḵon adidapun ḵad naḵaodas ḵan da Paul ḵan Silas, binutbutda'ḵ Jason ya da udume susunud ḵan Kristu woḵ inniyoyda dida'tta papangat atte siyudad woḵ ḵanandae simpopoḵaw, “Da annae tagu guguluda'tta losane ili, annae ummalida bos sina.

Acts 17:32

Dingngoḻda ḵad imbagan Paul mipanggob atte umuliyan da natoy, inang-angyag da udum yaḵon da udum ḵananda, “Pionni ye dongngon ḵasin mipanggob si sana.”

Hebrews 6:2

Adiyupun ḵasapuḻan da mapagapagatupane tuttudu mipanggob si bonyag ya sa angipatayan atte ima ya sa ḵasine umuliyan da natoy ḵan annanayune anguwisan Apudyus atta losane tagu.