Acts 16:15 - Sa Ugud Apudyus

¹⁵ Pun nampabonyag aḵ Lydia ya da ḵabaḻyanna. Pun inayagana diḵani woḵ ḵanana, “Nu ibelangyu saḵone tuttuwae namati ḵan Apu, umali ḵayu'ḵ ḵuwani.” Pun impatutna intallay diḵani si boḻoyda.

Acts 16:15 Referans Kwoze

Acts 11:14

Siya angibaga ḵan siḵa ya da losane ḵabaḻyannu'tte inonyu we matagu.’

Hebrews 13:2

Adiyu maliwatane ammangili'tta mangili ye umali'tte boḻoyyu te inggaw da nammangili'tta ḵaili ye adidapun igammu we anghel da minangilida.

Acts 16:33

Sa sadi ye gawallabi, impuyut ni guwaḻda dida si igaw ni danum ta baḻbaḻana da sugatda. Nagangput ḵad, daguse nampabonyag ya da losane ḵabaḻyanna.

Luke 24:29

yaḵon ḵanandae nanawid, “Umiyan taḵu sina te annan lumabi.” Pun nibuḻun ḵan dida.

3 John 1:8

Pun ditaḵu we namati ḵasapuḻan ose badangan taḵu dida ta maḵabillay taḵu si ḵewaaḻdae angipaigammu si ḵatuttuwaan.

3 John 1:5

Ay-ayatoḵe sunudḵu, ambaḻubaḻu ḵingwam atta susunud taḵu ḵan Kristu we ummiyan sinat te taḵon ay nu ḵailida, imbagadae inayyuwaname ustu dida.

1 Peter 5:12

Inggiliḵ anna gapu si badang Silas we imbelangḵu'ḵ mataḻgodane sunud taḵu ḵan Kristu. Inggiliḵ annae abobbae suḻat ḵan diḵayu ta papigsaoḵ pammatiyu ḵan panoḵnoḵaḵ ḵan diḵayu annae tuttuwae ḵinabaḻun Apudyus. Sosomḵonyu we ustu sadi ye ḵinabaḻuna ta adiyu an-awidan.

Philemon 1:17

Pun nu ibelangnu saḵon aḵ buḻunnu si pammati, awatom nu mipauli ye isun ni an-aawatnu oḵyan ḵan saḵon.

Philippians 1:7

Ḵad ambaḻu bos nu ḵatti sosomkoḵ atte mipanggob ḵan diḵayu te ummamdan ayatḵu ḵan diḵayu. Ḵad nidoga ḵayu ḵan saḵone nangipadas si ḵinabaḻun Apudyus si inninggawaḵ atte babaḻḻudan ya siya bos naḵwa si dam-oḵ namanoḵnoḵan ya tinaḵdoḻaḵe tuttuwa Ambaḻu we Damag mipanggob ḵan Kristu.

Ephesians 1:1

Saḵon aḵ Paul we apostol Jesu Kristu mipagapu'tte pinion Apudyus. Annaya suḻatḵu ḵan diḵayu we tagun Apudyus ad Ephesus we ipapatidae amati ḵan Jesu Kristu.

Galatians 6:10

Pun nu mawayaan taḵu pagatupan taḵu we angwa si ambaḻu'tta losane tagu, amod ay da susunud taḵu we namati.

2 Corinthians 12:11

Isuḵ nin nadong-og gapu'tta sanae inugudḵu si mipanggob atte long-agḵu. Yaḵon diḵayu nangipatut ḵan saḵon te diḵayu oḵyan angitaḵdog ḵan saḵon. Taḵon ay nu ippun patogḵu, daḵampun aḵ nababbabaaḵ nu da ngannonda ḵangatuwane apostol sinat.

2 Corinthians 5:14

Te sa ayat Kristu angituray ḵan diḵani ye angwa'tta losane ḵoonni. Te igammuni ye sa os-ossaane tagu we aḵ Kristu, natoy para'tta losane tagu ḵad mibelange naḵaḵatoy da losane tagu ḵan siya.

Romans 16:23

Aḵ Gaius we niḵamboḻoyaḵ, pakumustaona diḵayu. Sa boḻoyna dam-on da namati ye magimugimung andaydayawan. Ḵad aḵ Erastus we treasurer ni annae siyudad ya aḵ Quartus we sunud taḵu pakumustaonda diḵayu.

2 John 1:10

Pun nu awad umali ḵan diḵayu'ḵ sabali tuttuduna, adiyu paḻonḵon atte boḻoyyu. Adiyu bos pakumustaon.

Acts 18:8

Inggaw aḵ Crispus we pangat atte sinagoga ya namatida losan da ḵabaḻyanna ḵan Apu Jesus. Adu bos da iCorinth we namati si dingngoḻda iwwaḻagawag Paul woḵ nampabonyagda.

Acts 8:38

Pun pinaginoḵna kalesa woḵ ummoydae duwa si danum woḵ binonyagan Philip.

Acts 8:12

Yaḵon namatida ḵad atte Ambaḻu we Damag mipanggob atte ampangatan Apudyus ya sa ngadan Jesu Kristu we iwwaḻagawag Philip, nampabonyag da laḻaḵi ḵan da bubai.

Luke 14:23

Ḵanan ni apuna, ‘Inḵa'tta baḻangnae daḻan ḵan lugar ta inḵa ayagan da udum aḵ umali midoga maḵaḵan ta mapnu boḻoyḵu.

Matthew 10:41

Ḵad ngaimane mangiliyona profeta gapu ta profetaḵ, maittan aḵ gungunana'ḵ isuna gungunan ni profeta. Ngaiman ose ammangili si naun-unane tagu, maittan aḵ gungunanae isuna gungunan ni naun-unane tagu.

Matthew 3:6

Imbabaggada da basuḻda pun binonyagan John dida'tte tawwang Jordan.

Acts 16:31

Ḵananda, “Amatiḵa ḵan Apu Jesus woḵ mataguḵa ya da ḵabaḻyannu.”

Acts 16:34

Intallayna da Paul ḵan Silas aḵ ḵuwada woḵ pinaḵanana dida. Pun amod de layad da simbaḻyan gapu'tte namatiyanda ḵan Apudyus.