Acts 16:13 - Sa Ugud Apudyus

¹³ Sa aḻgaw ḵade umillongan da Judyu, ummoy ḵani si lasin ni siyudad atte taḻantag ni tawwang te ḵanannipun nu siya dam-on da Judyu alluwaḻuwan. Tummuḵdu ḵani woḵ naḵaug-uggud ḵani'tta bubai ye nadagup sidi.

Acts 16:13 Referans Kwoze

Acts 13:14

Yaḵon tinenanda'd Perga woḵ pinagatupandae ummoy ad Antioch atte saḵubna'd Pisidia. Sa umillongan da Judyu, ummoyda si sinagoga woḵ naḵatuḵduda ḵan dida.

Colossians 1:23

Yaḵon ḵasapuḻane pagatupanyu we amapigsa'tta pammatiyu ya adiyu ipyode mayugayug namnamayu we ginanabyu si nandongoḻanyu si Ambaḻu we Damag we niwaḻagawag si intero we lubung. Ḵad sana gapunae saḵon aḵ Paul, nambalinaḵ aḵ anserbi ḵan Kristu.

Galatians 3:28

Ḵad nu ḵatti, sa antotollong Apudyus, naippun mangadanan aḵ Judyu baḵon nu Gentil, musassu baḵon nu daḵampun, laḻaḵi baḵon nu bubai te os-ossaan ḵayu gapu si niyossaananyu ḵan Jesu Kristu.

Acts 21:5

Yaḵon naḻaḵpus ḵad aḻgawe inninggawanni sidi, nallibbat ḵani ta pagatupanni baatni. Pun losan da ḵabaḻyan da namati intuḻud diḵani inggana'ḵ niduum ḵani si lasin ni siyudad. Pun losan ḵani nanalluḵu'tte taḻantag woḵ nalluwaḻu ḵani.

Acts 20:7

Sa mabigat ḵade nagangputan ni umillongane imbelangdae umunae aḻgaw ni sindumingguwan, nandatdatong ḵani ye namati'd Troas ta ḵanonni tinapaye angiḵagasmoḵanni si natoyan Jesus. Nantuttudu'ḵ Paul atta tagu inggana'ḵ gawallabi te ḵananapun nu umoyon si mabigat.

Acts 18:4

Sa umillongan da Judyu, ummoy aḵ Paul si sinagoga ya naḵasossongbat ta padasona awison da Judyu ḵan Gentil ta amatida ḵan Jesus.

Acts 17:2

Sa ugalin Paul dam-on umoy si sinagoga. Sa tuḻun aḻgawe umillongan da Judyu naḵasossongbat atta tagu sidi mipanggob atte Ugud Apudyus.

Acts 16:6

Pun ummoy da Paul atte probinsiya'd Phrygia ya sa probinsiya'd Galatia te adimpun ni Ispiritu Santu iyyunud didae umoy angiwaḻagawag atte Ugud Apudyus si probinsiya'd Asia.

Acts 13:42

Lummawa ḵad da Paul ḵan Barnabas atte sinagoga, nandagdagu da tagu ḵan dida ta mipaulida ḵasin atte umillongan da Judyu ta pagatupandae an-ugud mipanggob atta annae banag.

John 8:2

Pummadda ḵad, nipauli'ḵ Jesus atte paway ni templo. Nandatdatong os da adu we tagu pun tummuḵdu woḵ insaḻadnae nantuttudu ḵan dida.

Luke 13:10

Sin-aḻgawan ḵade sa umillongan, nantuttudu'ḵ Jesus atte sinagoga.

Mark 16:15

Pun ḵanana ḵan dida, “Inḵayu'tte losane lubung ta iwaḻagawagyu Ambaḻu we Damag atta losane tagu.

Matthew 13:2

Gapu ta amoamod da tagu we nangaligummu ḵan siya, ummoy tummuḵdu'tte bangka woḵ inggaw da tagu'tte taḻantag.

Acts 9:20

Pun ummoy atta sinagogan da Judyu woḵ daguse insaḻadnae nangiwaḻagawage aḵ Jesus Abeng Apudyus.

Acts 16:16

Sin-aḻgawan ḵad atte ayanni si luluwaḻuwan, inabotni babaḻasange musassu we allainge ampadtu te ambubuyun. Gapu'tte laingnae ampadtu, adu pilaḵe maaḻan da apuna.