Acts 15:28 - Sa Ugud Apudyus

²⁸ Te sa pionni ye ibaga ḵan diḵayu, siya bos pion ni Ispiritu Santu te impaspasmoḵna ḵan diḵani ye umadini ampaḵaḻamon diḵayu gapu'tte ipatutni ye unudonyu da ugalini. Abus da annae bilin aḵ ḵasapuḻane tuttuwaonyu.

Acts 15:28 Referans Kwoze

John 16:13

Nu umali Ispiritu Santu we angituttudu si ḵatuttuwaan mipanggob ḵan Apudyus, idaḻanna diḵayu ta maawatanyu da losane ḵatuttuwaan te adipun an-ugud atte ḵuwanae ḵaḻabbongan yaḵon ngaimane dongngona siya ugudona. Ḵad ipaigammuna ḵan diḵayu da maḵwa si umali ye aḻgaw.

Matthew 11:30

Te da biline ittoḵ ḵan diḵayu we tuttuwaonyu, allasu ya allangpaw.”

Revelation 2:24

“ ‘Yaḵon diḵayu we udum ad Thyatira, adiḵayupun nampaidaḻan si annae lawwenge tuttuduna ya naippun inadaḻyu si ḵanandae naadaḻome tuttudun Satan. Pun adiḵpun ogon dog-an biline unudonyu.

1 Peter 1:12

Ḵad impaigammun Apudyus atta profetanae da sanae imbagada, daḵampun aḵ bumaḻuwanda yaḵon sa bumaḻuwanyu. Te sadi bos imbagabagan da nangiwaḻagawag sinsadi si Ambaḻu we Damag ḵan diḵayu mipagapu si Ispiritu Santu we nibuune naḻpu'd langit. Sana da banage taḵon ay da anghel, pionda maawatane ustu.

1 Corinthians 14:37

Pun nu awad osa ḵan diḵayu'ḵ ḵananae naittan aḵ ḵabooḻane angipaigammu si pinion Apudyus baḵon nu awad ḵabooḻana'ḵ innatod ni Ispiritu Santu, ḵasapuḻane bigbigona annae insuḻatḵu ḵan diḵayu we imbilin Apu.

1 Corinthians 7:40

Yaḵon sa somsomoḵḵu, unnoyna nu adi ḵasin angasawa. Ḵad igammuḵe miyunud atte somsomoḵ ni Ispiritun Apudyus.

Acts 15:19

Pinagatupan James woḵ ḵanana, “Sa ḵasomsomḵaḵ, adi taḵu oḵyan ampaḵaḻamon da Gentil we ansagung ḵan Apudyus.

Acts 15:8

Aḵ Apudyus we angigammu si awad atte somsomoḵ da tagu, impailanae inawatna da Gentil we namati si nangattana'tte Ispiritu Santu ḵan didae isun ni nangattana ḵan ditaḵu.

Acts 5:32

Diḵani da anaḵdoḻ atta sana ya sa Ispiritu Santu we innatod Apudyus atta anuttuwa ḵan siya.”

1 Thessalonians 4:8

Pun da ngaimane angidiyan atte annae bilin, daḵampun aḵ tagu idiyanna yaḵon aḵ Apudyus we nangitod atte Ispiritu Santu ḵan diḵayu.

1 Corinthians 7:25

Sa mipanggob atta daampun angasawa, naippun bilinḵu ḵan diḵayu'ḵ naḻpu ḵan Apu. Yaḵon ibagaḵ ḵasomsomḵaḵ te mataḻgodanaḵ mipagapu'tte ḵadaguna ḵan saḵon.

Acts 15:25

Pun nammiting ḵani woḵ nan-uunudanni ye pumili ḵani'ḵ ibuunni ḵan diḵayu'ḵ mibuḻun ḵan da Paul ḵan Barnabas we ay-ayatonni,

Matthew 23:4

Ipabuḵudda'tta tagu andagsone mabuḵud yaḵon adidapun pione bumadang ḵan dida taḵon ay aḵit.

Acts 16:4

Nanggaḵayda ḵad atta ḵinailin di ili, impaigammuda nan-uunudan da apostol ya da angipangpangu'tta namati'd Jerusalem ta tuttuwaon da tagu.