Acts 15:25 - Sa Ugud Apudyus

²⁵ Pun nammiting ḵani woḵ nan-uunudanni ye pumili ḵani'ḵ ibuunni ḵan diḵayu'ḵ mibuḻun ḵan da Paul ḵan Barnabas we ay-ayatonni,

Acts 15:25 Referans Kwoze

2 Peter 3:15

Sosomḵonyu we sa gapunae naanus Apu taḵu, pionae awad wayan da tagu ta taguwona dida. Sadi da insuḻat Paul we ay-ayaton taḵu we sunud taḵu ḵan Kristu ḵan diḵayu sigun si lainge innatod Apudyus ḵan siya.

Acts 15:22

Pune sadi, nan-uunudan da apostol, da angipangpangu ya da losane namati ye pumilida ḵan dida'ḵ maḵaoy ḵan da Paul ḵan Barnabas ad Antioch. Pun pinilida da duwae angipangpangu'tta susunud ḵan Kristu, aḵ Judas we nangngadan aḵ Barsabbas ya aḵ Silas.

Acts 15:2

Yaḵon da Paul ḵan Barnabas, amo naḵasossongbatda ḵan dida. Pun siya dinutuḵanda da Paul ḵan Barnabas ya da udume namati'ḵ umoy ad Jerusalem maḵaugud atta apostol ya da angipangpangu'tta namati atte mipanggob si sadi ye tuttudu.

Acts 1:14

Sana nan-os-ossaanandae nangipapati ye alluwaḻu we nidoga da udume bubbubai ya aḵ Mary ye inan Jesus ya da sunudna.

Luke 1:3

Saḵon ḵad, ummaḵ pinanoḵnoḵan da sadi'tte nabayage timpu ya simsimmoḵḵu bose ambaḻu on-ontagoḵ igili da losan para ḵan siḵa madaydayawe Theophilus.

Philemon 1:16

Yaḵon inggana sinsadi, daḵampun ogon aḵ musassu lawa, nu adi amo napatpatog nu sa musassu. Siya ampatoge sunud ḵan Apu Jesus. Amo ampatog ḵan saḵon! Ḵad amo dallu we napatpatog ḵan siḵa sinsadi ye musassum ḵan sunudnu ḵan Apu.

Colossians 4:9

Maḵaoy aḵ Onesimus ḵan siya, sa ay-ayaton ya mataḻgodane sunud taḵu ḵan Kristu we osa ḵan diḵayu. Sana da duwae umoy angibaga ḵan diḵayu'tta losane maḵmaḵwa sina.

Colossians 4:7

Aḵ Tychicus angipaigammu ḵan diḵayu'tta losane naḵwa ḵan saḵon. Ḵad siya osa'tta sunud taḵu ḵan Kristu we ay-ayatoḵ ya buḻunḵu we mataḻgodane sammilun Apu.

Ephesians 6:21

Ibuunku'ḵ Tychicus ḵan diḵayu ta ipaigammuna da losane maḵmaḵwa ḵan saḵon. Siya osa'tta sunud taḵu ḵan Kristu we ay-ayatoḵ ya mataḻgodane sammilu ḵan Apu.

Galatians 2:9

Binigbig da James ḵan Peter ya aḵ John we mibelange angipangpangu we intaḻgod Apudyus ḵan saḵon annae ḵewaaḻ gapu'tte ḵinabaḻuna. Sana gapunae nilamanuwanda'ḵ Barnabas ya saḵon ta angipaila si ambuḻbuḻunanni. Nan-uunudanni ye iwaḻagawagni Ambaḻu we Damag atta Gentil ya dida angiwaḻagawag atta Judyu.

1 Corinthians 1:10

Susunudḵu ḵan Kristu, gapu'tte ngadan Apu taḵu we Jesu Kristu, an-uunud oḵyan da losane ugudonyu ya adi ḵayu magoggogwa yaḵon an-os-ossaanonyu somsomoḵyu ya sa panggobyu.

Romans 16:12

Pakumustaonyu da Tryphaena ḵan Tryphosa we anserbi ḵan Apu Jesus, isuna bos ḵan Persis we ay-ayatoḵe pummangog nanserbi ḵan Apu.

Acts 15:35

Yaḵon da Paul ḵan Barnabas, inninggawda'd Antioch we nangituttudu ya nangiwaḻagawag atte Ugud Apu Jesus. Binadangan da adu we namati dida'tte ḵewaaḻda.

Acts 15:6

Pune sadi, nammimiting da apostol ya da angipangpangu'tta namati ta an-uugudanda sanae banag.

Acts 2:46

Inaḻgawe andatdatongda ya an-os-ossaandae andayaw atte templo we boḻoy Apudyus. Ḵad sillalaylayaddae anḵaḵaḵan atte tinapay atta boḻoyda ya sipupusu layadda.

Acts 2:1

Dummatong ḵad aḻgaw ni Gayagayan da Judyu we ngannonda Pentecost, nandatdatong da namati si osae boḻoy.

Matthew 11:26

On, ḵingwam ḵaḵna te siya piniom.”