Acts 13:33 - Sa Ugud Apudyus

³³ Siya nituttuwa ḵan ditaḵu we ganaḵda te tinaguna'ḵ Jesus. Siya bos nigili si ḵumagwae Psalm we ḵanana, “ ‘Siḵa Abengḵu, inggana sinsadi saḵon Amam.’

Acts 13:33 Referans Kwoze

Hebrews 5:5

Isuna bos ḵan Kristu we daḵampun aḵ intaḻayagna long-agna'ḵ ambalin aḵ ḵangatuwane padi. Yaḵon aḵ Apudyus dinutuḵanae mismu ya siya bos nangibaga ḵan siya ḵanane, “Siḵa Abengḵu, inggana sinsadi saḵon Amam.”

John 2:22

Pun ummuli ḵad aḵ Jesus, inḵagasmoḵ da disipuluna sanae imbagana. Pun namatida si nigili ye Ugud Apudyus mipanggob ḵan siya ya tuttuwa da imbagan Jesus.

Acts 2:24

Yaḵon aḵ Apudyus, tinaguna ḵasin ya pinuḵayana'tte ḵatoy te naippun ḵabooḻan ni ḵatoy ḵan siya.

Acts 2:32

Sa annae Jesus tinagun Apudyus ḵasin ḵad losanni tinaḵdoḻan.

Acts 9:20

Pun ummoy atta sinagogan da Judyu woḵ daguse insaḻadnae nangiwaḻagawage aḵ Jesus Abeng Apudyus.

Acts 13:30

Yaḵon tinagun Apudyus.

Acts 13:34

Nu mipanggob ḵan Jesus we ummuli ta adi ogon matoy, awad de nigili ye inkarin Apudyus atta taguna si awe ye ḵanana, ‘Ittoḵ ḵan diḵayu ḵabaḻuwan ya sa aaddi ye bindisyune inkariḵ ḵan Ari David.’

Acts 13:37

Yaḵon aḵ Jesus, adipun naḻpos long-agna te tinagun Apudyus.