Acts 13:27 - Sa Ugud Apudyus

²⁷ Te da tagu'd Jerusalem ya da papangatda, adidapun immatunane aḵ Jesus baḵon nu naawatan da imbagabagan da profetan Apudyus we basabasaonda'tta umillongan da Judyu. Pun dida nangituttuwa'tta imbagan da profetan Apudyus si nangoddonganda ḵan Jesus aḵ matoy.

Acts 13:27 Referans Kwoze

Acts 3:17

“Susunude ganaḵ Israel inigammuḵe gingngatyu ḵad aḵ Jesus, ippun igammuyu nu ngai'ḵ siya taḵon ay da papangatyu ippun os igammuda.

Romans 11:25

Susunudḵu ḵan Kristu, awad de ḵaḵ-ipaigammun Apudyus we pioḵe maawatanyu ta adi ḵayu ampasindayawe ansomsomoḵe nalaing ḵayu. Tummungitong da somsomoḵ da udume ganaḵ Israel gapu si adidapun amatiyan inggana'ḵ wadawad belang da Gentil we amati.

Acts 15:21

Te igammun da tagu si losane ili mipanggob si lintog Moses nisaḻad si awe te nibasabasa si umillongan da Judyu atta sinagoga taḵu ya niwaḻagawag da ugudna'tta ḵinailin di ili.”

Luke 24:20

Ḵad impuḻang da papangat da papadi ya da angipangat ḵan ditaḵu, indaḻumda ta maḵoddongan aḵ matoy woḵ impaipattoḻda'tte kros.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

2 Corinthians 3:14

Isun di tummungitong da somsomoḵda. Taḵon ay sinsadi nu basaonda lintog Moses atte Dadaane Tuḻag, adidapun maawatan. Te adipun maḵaan anatallingod atta somsomoḵda nu adida amati ḵan Kristu.

1 Corinthians 2:8

Naippun naḵaawat atta pangat si sanae timpu. Te nu naawatanda oḵyan, adidapun impaipattoḻ ḵangatuwane Apu atte kros.

Acts 28:23

Pun imbagada aḻgawe andaḵdaḵnganda. Dummatong ḵad sadi ye aḻgaw, aduadu da tagu we ummoy si inggawan Paul. Pun insaḻadna'tte bigbigat inggana'ḵ lummabi ye nangipaḵaawat ya nangipanoḵnoḵ si mipanggob atte ampangatan Apudyus. Impadasna inawis dida ta amatida ḵan Jesus atte nangiwaḻagawaganna'tte lintog Moses ya da inggilin da udume profetan Apudyus.

John 15:21

Yaḵon ḵoonda da anna ḵan diḵayu gapu ḵan saḵon te naippun igammuda si nangibuun ḵan saḵon.

1 Timothy 1:13

Taḵon ay nu pupaḵ nan-ugudan aḵ lawweng si awe, ininsultuḵ ya nampaḵaḻamoḵ da nitun-ud ḵan siya yaḵon ḵinadaguwanaḵ pos pagay ḵan Apudyus. Te daanaḵpun amati ḵan Jesus ya ippun igammuḵe lawweng da ḵingwaḵ.

John 16:3

Ḵoonda ḵaḵna ḵan diḵayu te adidapun inigammu'ḵ Amaḵ baḵon nu saḵon.”

John 8:28

Pun ḵanan Jesus, “Magangput ḵade itaḻayagyu saḵone Abeng Di Tagu atte kros, sadi angigammuwanyu we saḵone mismu sadi. Ḵad sadi bos angigammuwanyu we daḵampun aḵ buttungaḵ da losane ḵooḵ yaḵon da intuttudun Amaḵ da losane ibagaḵ.

Luke 22:34

Ḵanan Jesus, “Annaya ibagaḵ ḵan siḵa, daampun anullaḵuḵ ḵawitan si labi'ḵ uni, amiḵluwom puḵlitane igammum saḵon.”

Matthew 22:29

Ḵanan Jesus we summongbat, “Nankamali ḵayu te adiyupun naawatan nigili ye Ugud Apudyus ya sa ḵabooḻana.

Luke 23:13

Pun impaayag Pilate da papangat da papadi, da udume papangat da Judyu ya da tagu,

John 5:39

Adaadaḻonyu nigili ye Ugud Apudyus te ḵananyupun nu sadi angitod ḵan diḵayu si biyag aḵ inggana. Ḵad sa sanae Ugud Apudyus siya anaḵdoḻ si mipanggob ḵan saḵon.