Acts 12:7 - Sa Ugud Apudyus

⁷ Baag-en nampaila anghel Apu woḵ nasilawan kuwartu we inggawan Peter. Pineḵpeḵ ni anghel aḵ Peter we namangon woḵ ḵanana, “Ganasom! Bumangonḵa!” Pun daguse naottag da ḵawad ni imana.

Acts 12:7 Referans Kwoze

Acts 5:19

Yaḵon lummabi ḵad, binuḵtan ni anghel Apu onob ni babaḻḻudan woḵ illawana dida woḵ ḵanana,

Acts 16:26

Pune sadi baag-en inninggaw ampaḵimute lunig woḵ nayyugayug nisaadan ni babaḻḻudan pun daguse naamin nabuḵtan da onob woḵ nauḵayag lawa da ḵawad da losane baḻud.

Acts 10:30

Ḵanan Cornelius, “Opat aḻgaw ḵad naḻaḵpus si nalluwaḻuwaḵ atte sin-ag-agawan, natanaḵdog laḻaḵi ye sumilisiling silupna.

Ephesians 5:14

Ḵad pumadda da losan nu nasilawanda. Sadi piona ḵanan atte nigili ye Ugud Apudyus we ḵanana, “Bumangonḵae masusuyop, mataguḵae natoy, ta silawan Kristu somsomoḵnu.”

Acts 2:24

Yaḵon aḵ Apudyus, tinaguna ḵasin ya pinuḵayana'tte ḵatoy te naippun ḵabooḻan ni ḵatoy ḵan siya.

Luke 24:4

Sissiyada ḵade sintataag, nasaniḵad da duwae laḻaḵi si daḻnigdae sumilisiling da silupda.

Luke 2:9

Pune sadi, baag-en nampaila anghel Apudyus ḵan dida woḵ naḻangḻanganda'tte ḵinapaddan Apudyus. Pun naḵimtanda.

Acts 12:23

Pune sadi, daguse dinusan ni anghel Apu'ḵ Herod te adinapun pinadayawan aḵ Apudyus woḵ ḵinan da ogos long-agna woḵ natoy.

Acts 9:3

Sissiya ḵad si daḻan atte madam-an ad Damascus, baag-en nanguliyatyat paddae naḻpu'd langite nalliḵwos ḵan siya.

Revelation 18:1

Naabus ḵad, innilaḵ osae anghel we naḻpu'd langit. Nangatu ḵaḻabbongana ya nalangḻangan luta'tte ampigsae ḵinapaddana.

Hebrews 1:14

Ngai da anghel nu? Dida da Ispiritu we anserbi ḵan Apudyus ḵad imbuunna dida'ḵ bumadang atta tagu we umawat si mataguwan.

Acts 12:6

Sa sadi ye labi si daan Herod angilawaan ḵan Peter ta maḵuwis, nasusuyop atte boot da duwae guwaḻdae naḵawadan imana si duwae ḵawad ḵan naguwaḻdaan atta suḻdadu si sawang ni babaḻḻudan.

Matthew 2:13

Napuswidda ḵad, baag-en nampaila anghel Apudyus ḵan Joseph atte in-inop woḵ ḵanana, “Bumangonḵa! Aḻam da an-ina ta umawid ḵayu'd Egypt. Ḵad inggaw ḵayu sidi inggana'ḵ ibagaḵ te annat da ibuun Ari Herod we angngit si abeng ta pagongatna.”

Acts 12:8

Pun ḵanan ni anghel ḵan siya, “Ansilupḵa ya ansandalḵa.” Pun tinuttuwana woḵ ḵanan os ni anghel, “Iggam taḵḵop ni silupnu ya unudom saḵon.”