Acts 12:4 - Sa Ugud Apudyus

⁴ Pun nadoḵmaan ḵad aḵ Peter, impaibaḻud Herod woḵ paguwaḻdana'tta opate grupun da suḻdadu we nasin-oppatdae ampaspasani. Sa panggobna, maabus ḵad de Gayagayan da Judyu we ngannonda Nallausan, ḵuwisona'ḵ Peter si sinagung da tagu.

Acts 12:4 Referans Kwoze

Luke 22:33

Pun ḵanan Peter, “Apu, naabuse naḵasaganaaḵ taḵon ay nu midogaaḵ mibaḻud ḵan maḵaḵatoy ḵan siḵa.”

Luke 21:12

“Yaḵon sa daan da sadi maḵwaan, doḵmaanda ḵan ampaḵaḻamon diḵayu. Idaḻumda diḵayu'tta sinagoga ḵad ibaḻudda diḵayu. Gapu si pammatiyu ḵan saḵon, iyoyda diḵayu'tta ari ya da gobernor.

Acts 4:28

Ḵad ḵingwada da ngaimane simsimmoḵnu si awe mipagapu'tte ḵabooḻam ḵan piome maḵwa.

Acts 4:3

Gapu'tte sadi, dinoḵmaanda dida woḵ inniyoyda dida si babaḻḻudan te annae lumabi ta asida dida sumaḻyaon appigat.

John 21:18

Ibagaḵ ḵan siḵa ḵatuttuwaan. Sa ḵababaḻum, siḵa angigga si taḵyadnu ta maḵasaganaḵae umoy si ayam ya ummoyḵa si piom ayan. Yaḵon nu maḻaḵayḵa, andopaḵa ya awad de angigga si taḵyadnu ya ipuyutna siḵa si adimpun pione ayan.”

Matthew 26:5

Yaḵon ḵananda, “Adi taḵu iyaspuḻ si gayagaya ta adi magulu da tagu.”

Matthew 24:9

“Sa umali ye aḻgaw, doḵmaanda diḵayu ya ampaḵaḻamon ḵan gongatonda diḵayu. Ḵad sasangngaan os diḵayu'tta losane tagu gapu si pammatiyu ḵan saḵon.

Acts 8:3

Yaḵon aḵ Saul iggaigganae namaḵaḻam atta namati ye magimugimung ḵad linnoḵna da boḻoyda woḵ nalluyluy atta laḻaḵi ḵan da bubai pun impaibaḻudna dida.

Acts 5:18

Pun ummoyda dinoḵmaan da apostol woḵ imbaḻudda dida.

John 19:23

Nagangput ḵade impattoḻ da suḻdadu'ḵ Jesus atte kros, innaḻada silupna woḵ nanḵapatonda nambisbisaḵan. Innaḻada bos taḵḵop ni silupnae ippun nandaubana.

Mark 14:1

Duwan aḻgaw ya asiyot Gayagayan da Judyu we ngannonda Nallausan ya sa Gayagayae ngannonda Tinapaye Naippun Yeastna. Da papangat da papadi ya da mimistulun ni lintog, singsingngitda inondae anoḵma ḵan Jesus we adipun maigammu ta gongatonda.

Acts 12:3

Innilana ḵade nas-om da Judyu si ḵingwana, impadoḵmana bos aḵ Peter. Sana naḵwa si Gayagayan da Judyu we ngannonda Tinapaye Naippun Yeastna.

Acts 12:5

Pun aḵ Peter inninggaw si babaḻḻudan yaḵon impapatin da namati ye nangiluwaḻu ḵan siya.