Acts 12:3 - Sa Ugud Apudyus

³ Innilana ḵade nas-om da Judyu si ḵingwana, impadoḵmana bos aḵ Peter. Sana naḵwa si Gayagayan da Judyu we ngannonda Tinapaye Naippun Yeastna.

Acts 12:3 Referans Kwoze

Acts 24:27

Naḻaḵpus ḵad de duwan tawon, nipasani'ḵ Porcius Festus we gobernor ḵan Gobernor Felix. Yaḵon gapu ta piona pas-oman da Judyu, tinenana'ḵ Paul si babaḻḻudan.

John 12:43

Te pipionda anayawan da tagu ḵan dida nu sa anayawan Apudyus ḵan dida.

Acts 25:9

Yaḵon gapu ta pion Festus we mas-om oḵyan da Judyu ḵan siya, ḵanana ḵan Paul, “Piom ḵad aine intaḵu'd Jerusalem ta sidi masumaḻyaam atta annae impabasuḻda ḵan siḵa?”

Galatians 1:10

Gamgamaḵ ḵad aine dayawonaḵ atta tagu si ḵaḵnae an-uugudḵu? Daḵampun! Sa madayawan Apudyus singsingtoḵ. Nu siya panggobḵu awisoḵ da tagu, adipun maḵwae mibelangaḵ aḵ anserbi ḵan Kristu.

Acts 20:6

Naabus ḵad de Gayagayan da Judyu we ngannonda Tinapaye Naippun Yeastna, tinenanni'd Philippi woḵ nambapur ḵani ta unudonni dida. Naḻaḵpus ḵad liman aḻgaw, asiḵaniyot dummatong atta buḻunni'd Troas woḵ inninggaw ḵani'ḵ pitun aḻgaw sidi.

1 Thessalonians 2:4

Yaḵon pinanoḵnoḵan Apudyus woḵ intaḻgodna ḵan diḵani angiwaḻagawag atte Ambaḻu we Damag woḵ siya ḵingwani. Ḵad daḵampun atta tagu pappadasonni pas-oman yaḵon aḵ Apudyus we angigammu nu ngai awad atte somsomoḵni.

John 21:18

Ibagaḵ ḵan siḵa ḵatuttuwaan. Sa ḵababaḻum, siḵa angigga si taḵyadnu ta maḵasaganaḵae umoy si ayam ya ummoyḵa si piom ayan. Yaḵon nu maḻaḵayḵa, andopaḵa ya awad de angigga si taḵyadnu ya ipuyutna siḵa si adimpun pione ayan.”

John 19:11

Ḵanan Jesus, “Naippun ḵabooḻam ḵan saḵon nu adin Apudyus innatod ḵan siḵa. Pun da nangipuḻang ḵan saḵon ḵan siḵa nadagdagson da basuḻda.”

Matthew 26:17

Sa umunae aḻgaw ni Gayagayan da Judyu we ngannonda Tinapaye Naippun Yeastna, ummoy da disipulu ḵan Jesus woḵ ḵanandae nan-imus, “Dinu piome inḵani angisaganaan atte ḵanon taḵu si Gayagayae ngannon taḵu Nallausan?”

Acts 4:13

Innilan ḵad da ḵuḵunsisaḻ tuḻod da Peter ḵan John nataagda te igammudae nababa ḵasasaaddae tagu we adidapun naadaḻan. Pun immatunandae nibuḻubuḻunda ḵan Jesus.

Acts 2:14

Pune sadi, summiḵad aḵ Peter ya da nasawaḻane apostol woḵ indangsoḻnae gumminga woḵ ḵanana, “Ḵailiyaḵe Judyu ya da losane ummili'd Jerusalem, andongoḻ ḵayu ta ipaḵaawatḵu pion ni sana ḵanan.

Acts 12:4

Pun nadoḵmaan ḵad aḵ Peter, impaibaḻud Herod woḵ paguwaḻdana'tta opate grupun da suḻdadu we nasin-oppatdae ampaspasani. Sa panggobna, maabus ḵad de Gayagayan da Judyu we ngannonda Nallausan, ḵuwisona'ḵ Peter si sinagung da tagu.