Acts 11:27 - Sa Ugud Apudyus

²⁷ Sa sadi ye timpu, nan-osog da udume profetan Apudyus ad Antioch we naḻpu'd Jerusalem.

Acts 11:27 Referans Kwoze

Acts 13:1

Ad Antioch atta namati ye magimugimung, inggaw da profetan Apudyus ya da angituttudu'tte Ugud Apudyus. Dida da Barnabas, Simeon we nangadanan aḵ Ngitit, Lucius we iCyrene, Saul ya aḵ Manaen we buḻun Gobernor Herod atte probinsiya'd Galilee.

1 Corinthians 12:28

Ḵad da dinutuḵan Apudyus atte gimung da namati, ummuna da apostol, ḵumagwa da profeta we an-uuggudona, ḵumaḵlu da angituttudu'tte ugudna, asiyot da angwa'tta nakaskasdaaw, da naittan aḵ ḵabooḻane angaan atta saḵit. Awad os da naittan aḵ ḵabooḻane bumadang ya da naittan aḵ ḵabooḻane angipangpangu'tta namati. Ḵad awad os da naittan aḵ ḵabooḻane an-ugud atta nansabasabali ye ugude adidapun inadaḻ.

Ephesians 4:11

Ḵad siya bos nangitod atta nankalakalasi ye ḵabooḻan atte gimung da namati. Dinutuḵana da udum aḵ apostol ya da udum aḵ profetana. Da udum dinutuḵana'ḵ angiwaḻagawag si Ambaḻu we Damag atta ḵinailin di ili ya da udum aḵ pastor ya da udum aḵ mimistulu.

Acts 15:32

Gapu ta profetan Apudyus da Judas ḵan Silas, adu da imbagadae masoḻgaganda ḵan pumigsaan ni pammatin da susunud ḵan Kristu.

Acts 2:17

“ ‘Ḵanan Apudyus, “Sa anungus ni aḻgaw, ibuunḵu Ispirituḵ ta iinggaw atta tagu. Da aabengyu, ipadtuda da ibagaḵ ḵan dida. Da babaḻuyu, awad da mipaila ḵan didae isun di in-inop. Ḵad da anḵamaḻong-ag, an-in-inopda bos.

Matthew 23:34

Pun ibuunḵu ḵan diḵayu da profeta, da nalainge tagu ya da mimistulun ni lintog. Ḵad anggongat ḵayu'tta udum ya ipattoḻyu da udum atte kros. Da udum ḵad os, ap-aplitonyu dida'tta sinagogayu ya dinumane umawidanda, dogdogonyu dida'tta ḵinailin di ili ya ampaḵaḻamonyu dida.

1 Corinthians 14:32

Ḵad sa naittan atte ḵabooḻane angipaigammu'tta pinion Apudyus, lamognae anupod atte long-agna.

Acts 21:9

Awad da opate babaḻasange abengdae angipadpadtu atte Ugud Apudyus.

Acts 21:4

Pun indasanni da udume namati ḵan Jesus woḵ inninggaw ḵani ḵan dida'ḵ sindumingguwan. Mipagapu si Ispiritu Santu imbagada ḵan Paul we adina pagatupane umoy ad Jerusalem.

Luke 11:49

Sadi angipaila'tte ḵinalaing Apudyus we ḵanana, ‘Ibuunḵu da profetaḵ ya da apostol ḵan dida ya gongatonda da udum ḵad ampaḵaḻamonda bos da udum.’

Acts 6:5

Nas-om da losane namati si imbagan da apostol woḵ pinilida'ḵ Stephen we ampigsa pammatina ya naittan si ḵabooḻan ni Ispiritu Santu. Da udume napili, aḵ Philip, Prochorus, Nicanor, Timon, Parmenas ya aḵ Nicolaus we osae Gentil we iyAntioch we inunudna ugalin da Judyu.

Acts 11:20

Yaḵon da udume namati ye iCyprus ḵan iCyrene, ummoyda'd Antioch woḵ iwwaḻagawagda Ambaḻu we Damag mipanggob ḵan Apu Jesus atta Gentil.

Acts 11:22

Dingngoḻ ḵad da namati ye magimugimung ad Jerusalem da naḵwa, imbuunda'ḵ Barnabas ad Antioch.

Acts 14:26

Misaḻad ad Attalia, nambapurdae nipauli'd Antioch we nangitaḻgodan da namati ḵan dida si ḵinabaḻun Apudyus gapu'tte ḵewaaḻe ginangputda.

Acts 15:22

Pune sadi, nan-uunudan da apostol, da angipangpangu ya da losane namati ye pumilida ḵan dida'ḵ maḵaoy ḵan da Paul ḵan Barnabas ad Antioch. Pun pinilida da duwae angipangpangu'tta susunud ḵan Kristu, aḵ Judas we nangngadan aḵ Barsabbas ya aḵ Silas.

Acts 15:30

Naabus ḵad suḻatda, pinaḻung-udda dida woḵ nan-osogda'd Antioch. Dummatongda ḵad, nandaḵdaḵngonda da namati woḵ innatodda suḻat.

Acts 18:22

Nandissaag ḵad ad Caesarea, nanagada'd Jerusalem woḵ pinakumustana da namati ye magimugimung. Naabus ḵad, nan-osog ad Antioch.

1 Corinthians 12:10

Ḵad da udum, naittanda'ḵ ḵabooḻane angwa'tta nakaskasdaaw ya da udum naittanda'ḵ ḵabooḻane angipaigammu'tta ngaimane pinion Apudyus ipaigammu. Ḵad awad os da naittan aḵ ḵabooḻane angimatun nu aḵ Apudyus naḻpuwan da ngaimane ḵabooḻan baḵon nu naḻpu'tta aḻan. Ḵad da udum, naittanda'ḵ ḵabooḻane an-ugud atte sabali ye ugude adidapun inadaḻ. Ḵad naittan os da udum aḵ ḵabooḻane angipaḵaawat atta pion ni ugud ḵanan.

Galatians 2:11

Yaḵon ummali ḵad aḵ Peter ad Antioch, sinuppaḵaḵ atte sinagung da adu we tagu te nalawage daḵampun aḵ ustu ḵingwana.