Acts 10:9 - Sa Ugud Apudyus

⁹ Anna ḵade mumamatuḵ atte mabigat, da sadi ye nibuun inggawda si daḻan ya annae madam-anda'd Joppa, ummoy aḵ Peter nalluwaḻu si ampanade otop ni boḻoyda.

Acts 10:9 Referans Kwoze

Acts 6:4

ya ipapuutni ye alluwaḻu ḵan angiwaḻagawag si Ugud Apudyus.”

Mark 6:46

Ḵesanda ḵad, nanagada'ḵ Jesus atte beleg ta umoy alluwaḻu.

Mark 1:35

Sissiya ḵade anggiḵbot, bummangon aḵ Jesus woḵ ummoy atte bumbummaaw ta umoy alluwaḻu.

Matthew 27:45

Anna ḵade mumamatuḵ, gummiḵbot losane ili inggana'ḵ ummag-agaw.

Matthew 24:17

Sa tagu we awad si otop ni boḻoyna, umawid oḵyane dagus ta mataguwana ya adi mataḵtaḵe lumogsade umoy angaḻa'tta ḵuḵuwana.

Matthew 20:5

Pun ummoyda naḵaḵewaaḻ. “Anna ḵade mumamatuḵ, ummoy os nangngit aḵ matangdanan. Siya bos ḵingwana'tte ummag-agaw.

Matthew 6:6

Yaḵon nu alluwaḻu ḵayu, lumnoḵ ḵayu si kuwartuyu ya iyyonobyu sawang ḵad alluwaḻu ḵayu ḵan Ama we adipun maila. Ḵad ḵan siyae angitotollong si milammonge ḵoonyu, gungunaana diḵayu.

1 Timothy 2:8

Ḵad pioḵe da losane gimungyu we namati, alluwaḻu da laḻaḵi. Ḵasapuḻane ampoḻḵas somsomoḵda ya adidapun bumasuḻ ya ippun oḵyan summang-anda baḵon nu maḵasuboganda nu ingatuda imadae alluwaḻu.

Ephesians 6:18

Sa angiḵabotanyu'tta anna losan, pasigyu oḵyan iluwaḻu ḵan Apudyus da paipaspasmoḵ ni Ispiritu Santu ḵan diḵayu'tte ngaimane ḵasasaad. Ilanyu bos ta pasigyu iluwaḻuwan da losane tagun Apudyus.

Acts 10:3

Sin-ag-agawan ḵad, inninggaw impailan Apudyus ḵan siyae isun di in-inop. Innilana anghel Apudyus we nillumnoḵ atte boḻoyda woḵ ḵanana, “Cornelius!”