Acts 10:36 - Sa Ugud Apudyus

³⁶ Igammuyu Ambaḻu we Damag we impaigammun Apudyus ḵan diḵani ye ganaḵ Israel. Impaigammun ni Ambaḻu we Damag ḵan ditaḵu inon ni allin-awae maḵabuḻbuḻunan taḵu ḵan Apudyus mipagapu ḵan Jesu Kristu we Apun da losane tagu.

Acts 10:36 Referans Kwoze

Matthew 28:18

Pune sadi, ummadani'ḵ Jesus ḵan dida woḵ ḵanana, “Losane ḵaḻabbongan ad langit ya sina'd luta naatod ḵan saḵon.

Acts 2:36

“Pun ipaigammuḵ ḵan diḵayu we losane ganaḵ Israel we aḵ Jesus we impattoḻyu'tte kros, pinilin Apudyus aḵ Apu ya Kristu.”

Revelation 17:14

Ḵad gubatonda Ubbu we Karnero yaḵon oḻgona dida te siya ḵangatuwane Apu atta losane Apu ḵan ḵangatuwane Ari atta losane Ari. Da buḻunna ḵad, dida da naayagan ya napili ya mataḻgodane amati ḵan siya.”

Revelation 1:18

ya saḵon matattagu. Natoyaḵ yaḵon ilam ḵad saḵon, matataguwaḵ aḵ inggana. Saḵon os asi ḵigad atte ḵatoy ya anna ḵan saḵon tuḻbiḵe amuḵat ad Hades we igaw da natoy.

1 Peter 3:22

Nipauli'ḵ Kristu ad langit woḵ awad si madawinan Apudyus we maḵapangat ḵan siya ya ipangatana da losane anghel ya da udume adipun mailae ḵingwanae awad de saadda ḵan ḵabooḻanda.

1 Corinthians 15:27

Ḵad awad de nigili ye Ugud Apudyus atte awe ye ḵanana, “Impaipangat Apudyus da losane banage ḵingwana si annae lubung.” Ḵad nalawag ose daḵampun aḵ nidoga'ḵ Apudyus atta losane ipangatan Kristu te aḵ Apudyus nampaipangat ḵan Kristu atta ngaiman.

Revelation 19:16

Sa langgoyodna ya sa uḻpuna, nigili annae ngadane ḵanana, “Ḵangatuwane Ari atta losane Ari ya Ḵangatuwane Apu atta losane Apu.”

Revelation 1:5

Naḻpu bos ḵan Jesu Kristu we mataḻgodane amanoḵnoḵ atte mipanggob ḵan Apudyus. Siya ummunae natagu ḵasin atta natoy ya siya pangat da losane ari'd luta. Ay-ayatona ditaḵu ḵad pinuḵayana ditaḵu we isun di baḻud ni basuḻ mipagapu'tte daḻanae pummoy-as atte natoyana.

Hebrews 13:20

Aḵ Apudyus we maḻpuwan ni lumin-awaan, tinaguna ḵasin aḵ Jesus we Apu taḵu we ḵangatuwane angayyuwan atta karnero. Mipagapu si daḻan Jesus we pummoy-as si natoyana'tte kros, pinanoḵnoḵana annanayune tuḻag.

Philippians 2:11

Ḵananda losan, aḵ Jesu Kristu Apu. Ḵad sadi midaydayawan Apudyus we Ama.

1 Corinthians 15:47

Sa ummunae tagu iluta te luta naḻpuwana. Yaḵon sa naudi ye tagu ad langit naḻpuwana.

Romans 14:9

Te natoy ya ummuli'ḵ Jesu Kristu ta siya an-Apun da matattagu ya da natoy.

Acts 13:46

Yaḵon amo tummuḻod da Paul ḵan Barnabas woḵ ḵananda, “Ḵasapuḻane umunae mibaga Ugud Apudyus ḵan diḵayu we Judyu. Yaḵon gapu ta indiyanyu ya ḵinuwisyu long-agyu we ippun labbongyu si biyag aḵ inggana, sinsadi tenanni diḵayu ta inḵani'tta Gentil.

Acts 13:32

“Anna ḵani sina ta ibagani ḵan diḵayu Ambaḻu we Damag we inkarin Apudyus atta danaḵḵoḻ taḵu.

Acts 11:19

Sa nangongatanda ḵan Stephen, nampaḵaḻamonda da namati woḵ nabuḵaḻda. Ummoy da udum atte probinsiya'd Phoenicia, da udum ummoyda'd Cyprus we ili si gawan ni baybay ya ummoyda udum atte siyudad ad Antioch woḵ iwwaḻagawagda Ugud Apudyus atta Judyu we abus.

Acts 5:31

Intaḻayag Apudyus atte madawinanna ta siya angipangat ya anagu ḵan ditaḵu ta ittana da ganaḵ Israel aḵ wayadae angibabawi'tta basuḻda ya agaydae angwa ta mapakawanda.

Luke 24:47

Sa ambabawiyan da tagu'tta basuḻda ya agaydae angwa ya sa amakawanan Apudyus ḵan dida mipagapu ḵan saḵon, ḵasapuḻane miwaḻagawag atta losane ili si lubung misaḻad sina'd Jerusalem.

Matthew 11:27

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan laing. Iniiggammuna saḵon ya naippun udum aḵ nangigammu ḵan saḵon. Ḵaḵna bos aḵ Amaḵ we naippun angigammu ḵan siya malaksid ḵan saḵon ya da ngaimane tagu we pioḵ angipaigammuwan.”

Matthew 10:6

Yaḵon inḵayu'tta buḻun taḵu we ganaḵ Israel we da isudan nataḻaḵe karnero.

Hebrews 1:2

Yaḵon sa sanae anungus ni aḻgaw, nan-ugud aḵ Apudyus ḵan ditaḵu mipagapu si Abengna. Siya dinutuḵan Apudyus aḵ anawid atta losane anna si lubung ya mipagapu si Abengna ḵingwana lubung.

Colossians 1:20

Simsimmoḵna ḵasine mipagapu'tte sanae Abengna, losane awad ad luta ya ad langit nipaḻ-og maḵabuḻbuḻunan Apudyus ḵan dida. Ḵad gapu'tte daḻanae pummoy-as si natoyana'tte kros, maḵalin-awa taḵu ḵan Apudyus.

Luke 1:79

Dumatong ḵad, langḻangana da tagu we iinggaw si giḵbote maḵimute matoy, ya ipuyutna ditaḵu ta lumin-awa somsomoḵ taḵu.”

Acts 10:37

Inigammuyu bos da ampatoge naḵwa si intero we probinsiya'd Judea, nisaḻad atte probinsiya'd Galilee si nagangpute iwwaḻagawag John mipanggob atte bonyag.

Romans 5:1

Pun gapu ta aḵ Apudyus nangwa ḵan ditaḵu'ḵ naun-unan gapu'tte pammati taḵu, allin-awa maḵabuḻbuḻunan taḵu ḵan Apudyus mipagapu'tte ḵingwan Jesu Kristu we Apu taḵu.