Acts 10:19 - Sa Ugud Apudyus

¹⁹ Sissiya ḵade ḵuttuḵuttumon Peter nu ngai pion ni impailan Apudyus ḵanan, ḵanan ni Ispiritu Santu ḵan siya, “Peter annat da tuḻu we laḻaḵi ye singtonda siḵa.

Acts 10:19 Referans Kwoze

Acts 8:29

Ḵanan ni Ispiritu Santu ḵan Philip, “Inḵa adaniyon sanate tagu'tte kalesa ta maḵaluganḵa.”

Acts 21:4

Pun indasanni da udume namati ḵan Jesus woḵ inninggaw ḵani ḵan dida'ḵ sindumingguwan. Mipagapu si Ispiritu Santu imbagada ḵan Paul we adina pagatupane umoy ad Jerusalem.

Acts 13:2

Sin-aḻgawan ḵad atte nandaydayawanda ḵan Apudyus ya sa nallaunanda, ḵanan ni Ispiritu Santu ḵan dida, “Dutuḵanyu da Barnabas ḵan Saul. Dida piniliḵ aḵ angwa'tta ḵewaaḻ te siya nangayagaḵ ḵan dida.”

Acts 11:12

Pun ḵanan ni Ispiritu Santu ḵan saḵon, ‘Adiḵa ansuḵnae mibuḻun ḵan dida.’ Da annae onome susunud taḵu ḵan Kristu we iJoppa binuḻunanda bos saḵon woḵ ummoy ḵani'd Caesarea. Dummatong ḵani ḵad, nillumnoḵ ḵani si boḻoy da Cornelius.

1 Timothy 4:1

Nalawag imbagan ni Ispiritu Santu we sa umali ye aḻgaw, an-awidan da udume tagu ustu we pammatida. Ḵad siya patiyonda umallelawe ispiritu ya sa tuttudun da aḻan.

1 Corinthians 12:11

Losan da sanae ḵabooḻan, ossaan naḻpuwandae sa Ispiritu Santu. Ittana sin-ossaossae namati sigun si piona.

John 16:13

Nu umali Ispiritu Santu we angituttudu si ḵatuttuwaan mipanggob ḵan Apudyus, idaḻanna diḵayu ta maawatanyu da losane ḵatuttuwaan te adipun an-ugud atte ḵuwanae ḵaḻabbongan yaḵon ngaimane dongngona siya ugudona. Ḵad ipaigammuna ḵan diḵayu da maḵwa si umali ye aḻgaw.

Acts 10:3

Sin-ag-agawan ḵad, inninggaw impailan Apudyus ḵan siyae isun di in-inop. Innilana anghel Apudyus we nillumnoḵ atte boḻoyda woḵ ḵanana, “Cornelius!”

Acts 10:18

woḵ inimusda nu awad aḵ Simon we ngannonda Peter.

Acts 15:7

Nagangput ḵade nabayag nansosongbatanda, summiḵad aḵ Peter woḵ ḵanana, “Susunud ḵan Kristu, inigammuyu we sa awe, saḵon pinilin Apudyus ḵan ditaḵu'ḵ umoy angiwaḻagawag si Ambaḻu we Damag atta Gentil ta dongngonda ya amatida.