Acts 10:14 - Sa Ugud Apudyus

¹⁴ Yaḵon ḵanan Peter, “Naid Apu! Naippun paat nanganaḵ atte ibelangni ye Judyu aḵ ḵaissaw.”

Acts 10:14 Referans Kwoze

Acts 10:28

woḵ ḵanana ḵan dida, “Iniiggammuyu we sa ugalini ye Judyu, miyadi mitimpuyug ḵan maḵabuḻbuḻun ḵani'tta Gentil. Yaḵon impaigammun Apudyus ḵan saḵone ḵasapuḻane umadiḵ ibelang ngaimane tagu'ḵ ḵaissaw.

Acts 9:5

Ḵanan Saul, “Ngaiḵa, Apu?” Pun ḵanana, “Saḵon aḵ Jesus we ampaḵaḻamom.

Luke 1:60

Yaḵon ḵanan ni inana, “Naid! Sa ngadanna ḵad John!”

Matthew 25:9

“Yaḵon ḵanan da nalainge limae babaḻasang, ‘Naid! Adinipun paat ḵoon ḵaḵnat! Te adinipun lamog. Inḵayu'tte tendaan ngumina'ḵ ḵuwayu.’

Matthew 16:22

Ḵingwan ḵad Peter, imbattawana'ḵ Jesus woḵ insaḻadnae anuppaḵ ḵan siya. Ḵanana, “Apu, adin oḵyan Apudyus iyunud sadi ye imbagam! Adipun oḵyan maḵwa da anna ḵan siḵa.”

Matthew 8:2

Baag-en ummadani ḵan siya laḻaḵi ye naleprosy woḵ ḵananae nanalluḵu, “Apu, nu piom, lamognu ḵaanon saḵitḵu.”

Matthew 15:11

Sa mibelang aḵ angaissaw atte tagu si antotollong Apudyus, daḵampun atte lumnoḵ si sungadna yaḵon sa tumoḵwaḻ atte sungadna.”

Mark 7:2

Innilada da udume disipulunae nangan yaḵon adidapun inunud ugali si inondae ambuḻu we intuttudun da Pharisee aḵ mibelang aḵ ampoḻḵas.

John 4:11

Ḵanan ni bubai, “Apu, adaddaḻoman annae bubun ḵad ippun gagaudnu. Dinu ḵad ain angaḻ-am atte danume angitod si biyag?

Acts 10:13

Pun dingngoḻna gingae ḵanana, “Peter, sumiḵadḵa ta angisidaḵa si piom ḵanon.”

Acts 22:8

“Pun ḵanaḵe nan-imus, ‘Ngaiḵa, Apu?’ “Ḵanana, ‘Saḵon aḵ Jesus we iNazareth we ampaḵapaḵaḻamom.’