Acts 1:25 - Sa Ugud Apudyus

²⁵ aḵ mipasani si ḵinaapostol Judas. Te nan-awidana nanserbiyanae ḵinaapostolna woḵ ummoy si ḵuwanae lugar.”

Acts 1:25 Referans Kwoze

1 Corinthians 9:2

Ḵad taḵon ay nu adimpun da udum saḵon ibelang aḵ apostol, ibelangyu oḵyan saḵon te diḵayu amanoḵnoḵ si ḵinaapostolḵu te amati ḵayu ḵan Apu.

Romans 1:5

Mipagapu ḵan Jesu Kristu, impailan Apudyus ḵinabaḻuna ḵan saḵon woḵ nambalinaḵ aḵ apostol ta awisoḵ da tagu'tta losane ili ta tumuttuwada gapu si amatiyanda ḵan Jesus.

John 17:12

Sa inninggawaḵ ḵan dida, inayyuwanaḵ dida mipagapu'tte ḵabooḻame innatodnu ḵan saḵon. Naippun nataḻaḵ ḵan dida abus sadi ye tagu we naḵoddongan aḵ mataḻaḵ ta mituttuwa nigili ye Ugud Apudyus.

Galatians 2:8

Naawatandae aḵ Apudyus nangitod si ḵabooḻan ḵan Peter we anserbi ye an-apostol atta Judyu, siya bos nangitod ḵan saḵon si ḵabooḻane anserbi ye an-apostol atta Gentil.

John 13:27

Innaḻan ḵad ay Judas tinapay, nillumnoḵ aḵ Satan ḵan siya. Pun ḵanan Jesus ḵan siya, “Angganasome angwa si piom ḵoon.”

Matthew 26:24

Saḵone Abeng Di Tagu, ḵasapuḻane matoyaḵ te siya impaigilin Apudyus atte awe. Yaḵon ḵaddagu tagu we angituyuḵ ḵan saḵon. Unnoyna gay adi niyanaḵ.”

Matthew 25:46

Pune sadi ḵanan Jesus we nangiyanungus, “Da annae tagu, madusada'ḵ inggana yaḵon da naun-unane tagu, mataguda ḵan Apudyus aḵ inggana.”

Matthew 25:41

“Ḵad ibagaḵ atta tagu si madawigiḵ ḵanane, ‘Diḵayu we naḵoddongan aḵ madusa, inḵayun! Inḵayu si annanayune apuye nisasaggana ḵan Satan ya da bubuḵ-unona.