Acts 1:11 - Sa Ugud Apudyus

¹¹ woḵ ḵananda, “Diḵayu we naḻpu'tte probinsiya'd Galilee, ngaipa ḵayu sisiḵad sinae tatangngadonyu'd langit? Aḵ Jesus we innilayu we nipangatu'd langite naḻpu ḵan diḵayu, mipauli bose iissuna nangil-anyu si ḵesanana'd langit.”

Acts 1:11 Referans Kwoze

Revelation 1:7

Sosomḵonyu anna, umali'ḵ Jesus we midoga'tta libuu ḵad ilan da losane tagu. Taḵon ay da nanuy-uḵ ḵan siya, ilanda ya da losane tagu sina'd luta sin-iibilda gapu'tte ogyatda. Tuttuwa da anna. Amen.

1 Thessalonians 4:16

Te aḵ Apu Jesus we mismu, dumoḻae maḻpu'd langite iyipḵawna bilin ḵad midisan poḵaw ni ḵangatuwane anghel ya guminga tangguyub Apudyus. Ḵad umuna umuli da natoye namati ḵan Kristu.

Mark 13:26

Ḵad ilanda saḵone Abeng Di Tagu we umali ye midoga'tta libuu. Ḵad ilanda bos ummamdane ḵabooḻaḵ ḵan ḵinapaddan ni ḵinaapudyusḵu.

John 14:3

Ḵad nu iyyaḵ isagana inggawanyu, mipauliyaḵ ḵasin ta aḻaḵ diḵayu ta sa igawḵu siya bos inggawanyu.

Matthew 25:31

Pun pinagatupan Jesus woḵ ḵanana, “Nu umaliyaḵe Abeng Di Tagu, maila nakaskasdaawe ḵinaapudyusḵu ya buḻunḵu da adu we anghel ḵad tumuḵduwaḵ atte tronoḵe an-ari.

Matthew 24:30

Ḵade sadi, awad de maila'd langite sinyal ni madam-an umaliyaḵe Abeng Di Tagu ya da losane grupun da tagu sina'd luta umibilda gapu'tte ogyatda. Ḵad ilanda saḵone Abeng Di Tagu we umali ye midoga'tta libuu ya ilanda bos ummamdane ḵabooḻaḵ ya sa ummamdane ḵinapaddan ni ḵinaapudyusḵu.

Matthew 16:27

Te sa Abeng Di Tagu, umali ye buḻunna da anghelna ḵad ipailana bos dayaw Amana. Ḵad gungunaana sin-ossae tagu sigun atta ḵingwada.

1 Thessalonians 1:10

Ḵad imbagada bose anusanyu uuwayon Abengna we maḻpu'd langit. Siya'ḵ Jesus we impaulin Apudyus ya siya angiligsi ḵan ditaḵu'tte ummamdane sangan Apudyus we dumatong.

Luke 21:27

Ḵad ilanda saḵone Abeng Di Tagu we umali ye mibuḻun atta libuu. Ḵad ilanda bos ummamdane ḵabooḻaḵ ḵan ummamdane ḵinapaddan ni ḵinaapudyusḵu.

Acts 13:31

Pun nampaila si adu we aḻgaw atta nibuḻubuḻun ḵan siyae naḻpu'tte probinsiya'd Galilee inggana'd Jerusalem. Sinsadi, dida anaḵdoḻ atta tagu.

Luke 24:5

Pun ummobaob da sanae bubbubai gapu'tte ḵimutda yaḵon ḵanan da duwae laḻaḵi ḵan dida, “Ngaipayu sington matattagu si igaw da natoy?

Acts 3:12

Innilan ḵad Peter dida ḵanana, “Susunudḵu we ganaḵ Israel, ngaipa ḵayu mataag si anna? Ngaipayu imumusḵoḻ diḵani? Ḵananyu ḵammane naḻpu'tte ḵabooḻanni baḵon nu ḵinabaḻuni namataddaḻan si annae tagu?

Acts 2:7

Sintataagda woḵ ḵananda, “Daḵampun ḵamman aḵ losanda naḻpu'tte probinsiya'd Galilee da annae nan-ugud?

Mark 14:70

Pinuḵlitan pagay os Peter ḵasin. Napanos ḵad, ḵanan da ataḵtaḵdog, “Tuttuwae siḵa osa ḵan dida te naḻpuḵa'tte probinsiya'd Galilee.”

Matthew 16:28

Ibagaḵ ḵan diḵayu ḵatuttuwaan, awad da udum ḵan diḵayu sinsadi ye adidapun yan matoy inggana'ḵ ilanda saḵone Abeng Di Tagu we umali ampangat.”

Mark 16:19

Nagangput ḵad da imbagan Apu Jesus ḵan dida, nipangatu'd langit woḵ tummuḵdu'tte madawinan Apudyus.

Acts 1:2

inggana si aḻgawe nipangatuwana'd langit. Yaḵon sa daanna mipangatuwan ad langit, innatodna bilinna mipagapu'tte Ispiritu Santu atta apostol we pinilina.

Acts 1:9

Inabus ḵad Jesus imbaga da sana, nipangatu'd langite tatangngadonda inggana'ḵ natalingdan atte libuu.

Acts 3:21

Ḵasapuḻane inggaw aḵ Jesus ad langit inggana'ḵ dumatong timpu we pabaruwon Apudyus da losan te siya inkarina mipagapu'tta profetanae nanserbi ḵan siya si awe.

Hebrews 9:28

Isuna bos ḵan Kristu, namingpingsane indatunna long-agna ta ḵaanona da basuḻ da adu we tagu. Ḵad nu umali ḵasin, daḵampun aḵ gapu'tta basuḻ yaḵon taguwona da anguuway ḵan siya.