3 John 1:8 - Sa Ugud Apudyus

⁸ Pun ditaḵu we namati ḵasapuḻan ose badangan taḵu dida ta maḵabillay taḵu si ḵewaaḻdae angipaigammu si ḵatuttuwaan.

3 John 1:8 Referans Kwoze

3 John 1:10

Pun nu umaliyaḵ sinat, ibagaḵ ḵan diḵayu da ḵingwana ya da ibagabagana mipanggob ḵan diḵani te ippun ḵinatuttuwaan ni ipappabasuḻna ḵan ditaḵu. Ḵad daḵampune abus da sanae banag aḵ dam-ona ḵingwa te adinapun os mangiliyon da susunud taḵu ḵan Kristu we umoy si iliyu. Ḵad iyadina bos da ammangili ḵan dida ya paḻyawona dida'tta namati ye magimugimung.

Philemon 1:24

Isuna bos atta buḻunḵu we anḵewaaḻe da Mark, Aristarchus, Demas ya aḵ Luke.

Philemon 1:2

Ipaoyni bos atta namati ye magimugimung si boḻoyyu, isun da Apphia we bubai ye buḻunni ya aḵ Archippus we angitaḵdoḻ atte Ambaḻu we Damag atta sumullagi.

1 Thessalonians 3:2

Ḵad ibuunni'ḵ Timothy ye sunud taḵu ḵan Kristu ta siya umali ḵan diḵayu. Buḻunni ye anserbi ḵan Apudyus we angiwaḻagawag atte Ambaḻu we Damag mipanggob ḵan Kristu. Imbuunni ta papigsaona ya soḻgagona da pammatiyu,

Colossians 4:11

Aḵ Jesus we nangngadan aḵ Justus pakumustaona bos diḵayu. Abus da annae tuḻu we namati ye Judyu aḵ bummadang ḵan saḵon atte nangiwaḻagawaganni si mipanggob atte ampangatan Apudyus. Ḵad dida amapigsa'tte somsomoḵḵu.

Philippians 4:3

Siḵa ḵad ose mataḻgodane buḻunḵu, badangam ḵappos da sanae bubai ta an-asipakawanda ya mipaḻ-og an-ossaananyu. Te pummangogdae naḵaḵewaaḻ ḵan saḵon atte nangiwaḻagawagaḵ si Ambaḻu we Damag, nidoga da Clement ya da udume naḵaḵewaaḻ ḵan saḵone awad da ngadanda si iblu we nigiliyan da ngadan da awad biyagda'ḵ inggana.

2 Corinthians 8:23

Aḵ Titus, siya buḻunḵu ḵan bumadang ḵan saḵone anserbi ḵan diḵayu. Ḵad da annae susunud taḵu ḵan Kristu we mitun-ud ḵan siya, dida nibuune angitaḵdoḻ atta gimung da namati. Ḵad gapu ḵan dida, madayaw ḵinangatun Kristu.

2 Corinthians 6:1

Pun diḵani ye maḵaḵewaaḻ ḵan Apudyus, ḵodawonni ḵan diḵayu ta sa ḵinabaḻun Apudyus we inawatyu, awad oḵyan ustu'ḵ ambanagana si antataguyu.

Luke 11:7

Ḵanana, ‘Adiyaḵpun bumangon te asngaaḵ, annan innumbog ḵani ya nidaḵig. Umadiḵ angitod!’

Matthew 10:40

Ḵanan os Jesus, “Ngaimane ammangili ḵan diḵayu, saḵon minangilina. Ḵad sa ammangili ḵan saḵon, minangilina bos nangibuun ḵan saḵon.

Matthew 10:14

Nu awad tagu'ḵ adinapun mangiliyon diḵayu baḵon nu adi dumngoḻ atta ituttuduyu, tenanyu sadi ye ili. Ḵad nu inḵayun, ipaḻpagyu da gabu'tta dapanyu ta igammuwondae dida asi ḵigad si madusaanda.

3 John 1:7

Te ummoyda ta iwaḻagawagda mipanggob ḵan Apu Jesus woḵ adidapun inawat badange naḻpu'tta adipun namati.

3 John 1:9

Nanuḻataḵ atta namati ye magimugimung sinat yaḵon adimpun Diotrephes binigbig ḵaḻabbonganni. Pionae siya angipangpangu sinat.