2 Timothy 4:1 - Sa Ugud Apudyus

¹ Annaya ibilinḵu ḵan siḵa Timothy si sinagung Apudyus ya aḵ Jesu Kristu we ḵasin umali ampangat ḵan anguwis atta losane tagu we matattagu ḵan natoy.

2 Timothy 4:1 Referans Kwoze

Acts 10:42

Binilinna diḵani ye iwaḻagawagni Ambaḻu we Damag mipanggob ḵan siya ya taḵdoḻanni ye siya dinutuḵan Apudyus aḵ anguwis atta matattagu ya da natoy.

2 Timothy 4:8

Pun sinsadi awad de insaganan Apu we para ḵan saḵone gungunae ittona'tta losane naun-unane tagu. Ittona anna si umali ye aḻgawe anguwisana'tta losane tagu sigun si ustu we anḵuḵuwisna. Ḵad daḵampun aḵ abusaḵ aḵ gungunaana nu adi da losane ummayu si mipauliyana.

1 Timothy 5:21

Bilinoḵ siḵa'tte sinagung Apudyus ya aḵ Jesu Kristu ya da nadutuḵane anghelna ta tuttuwaom da annae ibagaḵ. Ḵad ippun oḵyan piliyam yaḵon an-iisuwom da losane tagu.

2 Timothy 2:14

Pagatupame angipaspasmoḵ atta anna'tta namati sinat ya bagbagaam dida si sinagung Apudyus ta adida andudunggaḻan mipanggob atta ugud te ippun anuna yaḵon dadailona pammatin da andongoḻ.

Matthew 16:27

Te sa Abeng Di Tagu, umali ye buḻunna da anghelna ḵad ipailana bos dayaw Amana. Ḵad gungunaana sin-ossae tagu sigun atta ḵingwada.

Titus 2:13

Sana da ugali ye unudon taḵu oḵyan atte anguwayan taḵu'tte bindisyune namnamaon taḵu. Sa annae namnamaon taḵu, sa angipail-an si madayawan ni ḵangatuwane Apudyus ya Anagu ḵan ditaḵu we aḵ Jesu Kristu.

1 Peter 5:4

Ḵad nu ampaila'ḵ Jesu Kristu we apun ni antangḵon, awatonyu annanayun ya madaydayawe gunguna.

1 John 2:28

Pun sinsadi, diḵayu we aabengḵu, iinggaw ḵayu ḵan siya ta ippun umogyatan taḵu ḵan mabainan taḵu nu ḵasin umali.

1 Peter 4:5

Yaḵon songbatanda ḵan Apudyus we naḵasaganae anguwis atta losane tagu we matattagu ya da natoy.

1 Peter 1:7

Sa gapunae padasonyu da sanae ampaḵaḻaman, maḵwada ta mapanoḵnoḵan gattoḵe pammatiyu. Sa pammatiyu isunan buḻawane mapadas si apuy ta mapanoḵnoḵan nu tuttuwae buḻawan. Ampatog tuwa buḻawan yaḵon abuse madadail. Yaḵon amo napatpatog pammatiyu. Pun nu mapanoḵnoḵan pammatiyu, ambanag si midayaw ḵayu, mitaḻayag ḵayu ḵan mapatgan ḵayu si mipauliyan Jesu Kristu.

2 Thessalonians 2:8

Ḵad nu mipaila ḵaḻawengane sumusullagi'tta Lintog Apudyus, umali'ḵ Apu Jesus ya dadailona sadi ye ḵaḻawengan atte ampail-ana. Ḵad gongatona taḵon ay abuse pog-awana.

Romans 2:16

Pun sigun si annae Ambaḻu we Damag we iwwaḻagawagḵu, ḵaḵna maḵwa si aḻgawe anguwisan Apudyus mipagapu ḵan Jesu Kristu atta losane somsomoḵ da tagu ya da ḵingwadae nitataḻu.

Acts 17:31

Te inḵoddongna aḻgawe anguwisana'tta losane tagu si lubung. Dinutuḵana'ḵ Jesus we naun-unane anḵuwis woḵ pinanoḵnoḵanae siya dinutuḵana si nanaguwana ḵan siya.”

2 Peter 1:11

Ḵad allaylayad os aḵ Apudyus we amaḻonoḵ ḵan diḵayu si annanayune ampangatan Jesu Kristu we Apu taḵu ya Anagu ḵan ditaḵu.

Luke 23:42

Pune sadi, ḵanana ḵan Jesus, “Jesus, iḵagasmoḵnu ḵappos saḵon nu umaliḵae ampangat.”

Luke 19:15

Yaḵon siya pagay nadutuḵan aḵ an-ari woḵ angulin. “Dummatong ḵad, impaayagna da sammilunae nangittana'tta pilaḵ ta imusona nu piga nagalansiyada.

Luke 19:12

Pun ḵanana, “Inninggaw nangatu we tagu we ummoy atte adayu we ili ta umoyna awaton nadutuḵana'ḵ an-ari ya mipauli.

Revelation 1:7

Sosomḵonyu anna, umali'ḵ Jesus we midoga'tta libuu ḵad ilan da losane tagu. Taḵon ay da nanuy-uḵ ḵan siya, ilanda ya da losane tagu sina'd luta sin-iibilda gapu'tte ogyatda. Tuttuwa da anna. Amen.

2 Peter 1:17

Te diḵani da buḻunna'tte beleg Apudyus si nangidayawan ya nangipatogan Apudyus we Ama ḵan siya ya sa nangipail-ana si sumilisilinge ḵinaapudyusna. Dingngoḻni ye mismu gingan ni maḵabooḻe Apudyus we naḻpu'd langite ḵanana, “Annaya ay-ayatoḵe Abengḵu we mas-omaḵ.”

Colossians 3:4

Aḵ Kristu siya mataguwanyu ḵad nu ampaila, midoga ḵayu bos ḵan siya si madayawana ḵan ḵinangatuna.

2 Timothy 1:10

Ḵad sinsana, impaigammuna ḵan ditaḵu sadi ye ḵadaguna te ummali'ḵ Jesu Kristu we anagu ḵan ditaḵu. Ḵinaanna ḵabooḻan ni ḵatoy ḵan impaigammunae nu amati da tagu si Ambaḻu we Damag, awad ḵan dida biyage maḻpu ḵan Apudyus we ippun anungusna.

2 Timothy 4:18

Ḵad igammuḵe saḻaḵnibanaḵ ḵan Apu atta losane lawweng ya taguwona saḵon ad langit si ampangatana. Madaydayaw oḵyan aḵ Apudyus aḵ inggana. Amen.