2 Timothy 3:12 - Sa Ugud Apudyus

¹² Sa ḵatuttuwaan, losan atta pionda unudon naapudyusane biyag gapu si niyossaananda ḵan Jesu Kristu, ampaḵaḻamda.

2 Timothy 3:12 Referans Kwoze

1 Peter 3:14

Yaḵon taḵon ay nu ampaḵaḻam ḵayu gapu si angwaanyu'tte ustu, mabindisyunan ḵayu. Pun adi ḵayu maḵimut atta amaḵaḻam ḵan diḵayu ya adi ḵayu ambinsaw,

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

Matthew 16:24

Pun ḵanan Jesus atta disipuluna, “Ngaimane pionae mitun-ud ḵan saḵon, ḵasapuḻane an-awidana long-agna, buḵudona de krosna ya mitun-ud ḵan saḵon.

John 16:2

Paḻyawon diḵayu'tta sinagoga. Ḵad dumatong timpu we ngaimane angongat ḵan diḵayu, ḵananapun nu ḵoona ḵad ḵaḵna, anserbi ḵan Apudyus.

John 16:33

Imbagaḵ sana ḵan diḵayu ta mipagapu ḵan saḵon lumin-awa ḵayu oḵyan. Ampaḵaḻamon diḵayu'tta adipun amati. Yaḵon tumuḻod ḵayu te illogyu da losane lawweng si annae lubung.”

Mark 10:30

awatona si matattaguwana anginsinggasute ḵaadu nu da tinenana. Maatod da naadu we boḻoy, susunud, ina, abeng ya luta. Ḵad ampaḵaḻam os yaḵon sa umali ye timpu, maatod ḵan siya biyag aḵ inggana.

Titus 2:12

Gapu'tte sanae ḵadaguna, ituttuduna ḵan ditaḵu we an-awidan taḵu da losane ummadayuwan taḵu ḵan siya ya da losane amaamayon ta tupodon taḵu da long-ag taḵu. Ḵad unudon taḵu naun-unan ya sa naapudyusane antatagu si annae lubung.

2 Peter 3:11

Nu ḵaḵna madadailan da sanae losane banag, sa antataguyu pasig oḵyan ambaḻu ugaliyu ya naapudyusan

1 Corinthians 15:19

Ḵad nu abus biyag si annae lubung aḵ namnamaon taḵu'ḵ anaguwan Kristu ḵan ditaḵu, ditaḵu paate ḵadagdagu'tta losane tagu.

Revelation 12:4

Iwwasiwas ḵad ni dragon ipusna, niballu inḵaḵlun da bituwon ad langit atte luta. Pun tummaḵdog si sinagung ni bubai ye umaannaḵ ta ḵanona abengnae mibuḵnag.

Revelation 7:14

Ḵanaḵ ḵan siya, “Naid, Apu, siḵa angigammu.” Pun ḵanana, “Sana da nallagum atte ampaḵimute ampaḵaḻaman. Pinapoḻḵasda da langgoyodda'tte daḻan ni Ubbu we Karnero ta umitaḵda.

Titus 1:1

Saḵon aḵ Paul we dinutuḵan Apudyus aḵ anserbi ḵan siya ya osa'tta apostol Jesu Kristu. Imbuunaḵ aḵ umoy amapigsa'tta pammatin da tagu we pinilin Apudyus. Ipaigammuḵ os ḵatuttuwaane naḻpu ḵan siyae mituttuwa naapudyusane antataguda.

1 Timothy 6:3

Nu awad angituttudu si sabali ye tuttudu we adipun umanamung atte tuttuwae tuttudun Apu taḵu we Jesu Kristu, adinapun inunud tuttudu we mipaoy atte naapudyusane biyag.

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

1 Timothy 2:2

Iluwaḻuwan taḵu bos da ari ya da losane nangatu da saadda ta allin-awa biyag taḵu si anserbiyan taḵu ḵan Apudyus ya sa angunudan taḵu si ustu we ugali.

2 Corinthians 1:12

Annaya isḵaḻni, panoḵnoḵan ni somsomoḵni ye ippun nantultulliyanni'tta asintataguni si annae lubung amod ay diḵayu. Te indaḻan Apudyus diḵani ta maḻpu'tte pusu ḵan naapudyusan da losane ḵoonni ya da losane ibagani. Pun daḵampun aḵ ḵingwani da sanae mipagapu si laing di tagu yaḵon mipagapu si ḵabooḻan Apudyus gapu'tte amode ḵinabaḻuna'tta tagu.

John 17:14

Intuttuduḵ ḵan dida ugudnu woḵ sasangngaan da tagu we adipun amati ḵan saḵon da disipulu te isuda saḵone daḵampun aḵ nainlubungan ugalida.

Matthew 23:34

Pun ibuunḵu ḵan diḵayu da profeta, da nalainge tagu ya da mimistulun ni lintog. Ḵad anggongat ḵayu'tta udum ya ipattoḻyu da udum atte kros. Da udum ḵad os, ap-aplitonyu dida'tta sinagogayu ya dinumane umawidanda, dogdogonyu dida'tta ḵinailin di ili ya ampaḵaḻamonyu dida.

2 Corinthians 4:9

Ampaḵaḻamon da tagu diḵani yaḵon adimpun Apudyus diḵani iwwaḻang. Ḵad taḵon ay nu nilaw-anan diḵani adiḵanipun natoy.