2 Timothy 2:5 - Sa Ugud Apudyus

⁵ Sa osae mipaniyan ni anserbi ḵan Jesu Kristu, isuna bos athlete we maḵatodtoddaḵ. Naippun maaḻana'ḵ gungunana nu adina unudon da lintog si todtoddaḵ.

2 Timothy 2:5 Referans Kwoze

Revelation 3:11

Madam-an timpu we umaliyaḵ. Pun ipapatiyu unudon tuttuwae tuttudu ta ippun osa'ḵ angaan atte gungunayu.

James 1:12

Pian tagu we ampaḵaḻame angipapati angunud ḵan Apudyus te nu napanoḵnoḵane ampigsa pammatina, awatona gungunae inkarin Apudyus we sa biyag aḵ inggana'tta angayat ḵan siya.

Colossians 1:29

Iggaḵ losane ḵabooḻaḵ ta mituttuwa da sana'tte angusaraḵ si ampigsae ḵabooḻane innatod Kristu ḵan saḵon.

Hebrews 12:4

Te naippun pummoy-as daḻana ḵan diḵayu si nangipapattiyanyu ta adi ḵayu maḵabasuḻ.

Luke 13:24

“Iggayu ḵabooḻanyu we lumnoḵ atte ansuḻpite lewangan ad langit atte sissiyae anna gundawayyu. Te dumatong timpu we iyonob ni simboḻoy lewangan ya amod da angipadas lumnoḵ yaḵon annaya ibagaḵ ḵan diḵayu we ippun maḵaḻnoḵ. Taḵon ay nu asi ḵayu anḵugḵug ya ḵananyu, ‘Apu, buḵtam ud lewangan ta lumnoḵ ḵani.’ Asina ḵanan, ‘Ippun igammuḵ ḵan diḵayu ya sa naḻpuwanyu.’

Revelation 2:10

Adi ḵayu maḵimut atte madam-an umali ye ampaḵaḻaman. Impaibaḻud Satan da udum ḵan diḵayu ta mapadas ḵayu ḵad ampaḵaḻamon diḵayu'ḵ simpuḻu we aḻgaw. Yaḵon mataḻgodan ḵayu oḵyane ipapuutyu we amati ḵan saḵon taḵon ay nu siya gapun ni matoyanyu ta ittoḵ ḵan diḵayu koronae siya biyag aḵ inggana.

Hebrews 2:9

Inigammu taḵu we nituttuwa anna gapu ḵan Jesus. Te nipababaḵ sin-aḵitan nu da anghel ta mapadasana matoy para ḵan ditaḵu losan mipagapu si ḵinabaḻun Apudyus. Pun sinsadi gapu si nampaḵaḻamana ya natoyana, amo pinadayawam ya pinatgame isun ni patog ni ari.

Hebrews 2:7

Ḵingwam tagu'ḵ nababa'tte sin-aḵitan nu da anghel pun amo pinadayawam ya pinatgam didae isun ni patog ni ari.

Philippians 1:15

Tuttuwae annat da angiwaḻagawag si mipanggob ḵan Kristu gapu si aposda ḵan maḵaas-asselanda ḵan saḵon. Yaḵon annat pos pagay da udume ambaḻu panggobda.

1 Peter 5:4

Ḵad nu ampaila'ḵ Jesu Kristu we apun ni antangḵon, awatonyu annanayun ya madaydayawe gunguna.

Revelation 4:10

Ḵad umoy da duwampuḻu ya opate angipangpangu analluḵu si sinagung ni tutuḵdu si trono we sa matattagu'ḵ inggana ya andaydayawda bos ḵan siya. Ḵad ibadongda bos da koronada'tte sinagungna ya ḵanandae angiḵanḵanta,

Revelation 4:4

Sa nampaliḵwos atte trono, inggaw os da duwampuḻu ya opate trono we tummutuḵduwan da duwampuḻu ya opate angipangpangu. Nampassilupda'ḵ itaḵe silup ya nakoronaanda'ḵ buḻawan.