2 Timothy 1:3 - Sa Ugud Apudyus

³ Anggappiyaaḵ ḵan Apudyus we anserbiyaḵe ampoḻḵas somsomoḵḵu we isun ni nanseserbin da danaḵḵoḻ taḵu. Alluwaḻuwaḵ ḵad ḵan Apudyus atte inaḻgaw ḵan nilabi, adiḵpun maliwatane anggappiya ḵan Apudyus gapu si pammatim.

2 Timothy 1:3 Referans Kwoze

Hebrews 13:8

Aḵ Jesu Kristu adipun ambalbaliw, yaḵon sumisissiya si awe, sinsadi ya aḵ inggana.

Acts 23:1

Pune sadi, immumusḵoḻ Paul da ḵuḵunsisaḻ woḵ ḵanana, “Susunudḵu we ganaḵ Israel, iniiggammun Apudyus we ampoḻḵas somsomoḵḵu mipanggob si inoḵe nanserbi ḵan siyae nilapu si awe inggana sinsanae aḻgaw.”

Acts 24:14

Yaḵon awad de ibagaḵ ḵan siḵa. Sa unudoḵ sa tuttudun Jesus si andaydayawaḵ si Apudyus da danaḵḵoḻ taḵu ḵad ḵanandae tinutuli ye tuttudu. Yaḵon amatiyaḵ atta losane nigili ye lintog Moses ya da losane inggilin da profetan Apudyus si awe.

1 Timothy 1:19

Sa maḵagubatam atta sanae lawweng, pagatupam gogomgoman pammatim ya sa ampoḻḵase somsomoḵ. Te awad da udume tagu we iwwalinda ampoḻḵase somsomoḵ ya paate nadadail pammatida.

1 Timothy 1:5

Yaḵon sa panggob ni sanae bilin, an-asiayat ḵayu we maḻpu si ampoḻḵas ya ambaḻu we somsomoḵ ya sa gattoḵe pammati.

Acts 24:16

Pun iggaḵ losane ḵabooḻaḵe angwa'tta ambaḻu ta ampoḻḵas somsomoḵḵu'tte sinagung Apudyus ya da tagu.

Acts 22:3

“Saḵon ḵad, Judyuwaḵ we niyanaḵ ad Tarsus we osae siyudad atte Cilicia yaḵon dummaḵoḻaḵ sina'd Jerusalem. Aḵ Gamaliel mistuluḵ, ummana intuttudu ḵan saḵon da losane lintog da danaḵḵoḻ taḵu. Impapatiḵ ose nanserbi ḵan Apudyus we isuyu sinsadi.

2 Timothy 3:15

Sosomkome inggan ni ḵaban-ognu, inigammum da nigili ye Ugud Apudyus we siya nituttudu ḵan siḵa mipanggob si mataguwan gapu si pammatim ḵan Jesu Kristu.

2 Timothy 1:5

Adiḵpun os maliwatan gattoḵe pammatim, isun ni pammatin Lois we apum ya aḵ Eunice we inam ḵad aaddi ye siya annat ḵan siḵa sinsadi.

1 Thessalonians 3:10

Inaḻgaw ya nilabi ye ipapangogni ḵodawon ḵan Apudyus we an-asiila taḵu ta dog-anni da angkuranganyu'tte pammati.

Ephesians 1:16

adiḵpun iginoḵe anggappiya ḵan Apudyus gapu ḵan diḵayu ya patilayune idogaḵ diḵayu'tta luwaḻuḵ.

Galatians 1:14

Mipanggob ḵad os atte pammatini ye Judyu, intutuḻ-ayḵu'ḵ adayu'tta dogwasḵu te saḵon ḵapangogane nangunud ya nangitataḵdoḻ atta ugali ye tinawidni'tta daḵdaḵoḻni.

2 Corinthians 1:12

Annaya isḵaḻni, panoḵnoḵan ni somsomoḵni ye ippun nantultulliyanni'tta asintataguni si annae lubung amod ay diḵayu. Te indaḻan Apudyus diḵani ta maḻpu'tte pusu ḵan naapudyusan da losane ḵoonni ya da losane ibagani. Pun daḵampun aḵ ḵingwani da sanae mipagapu si laing di tagu yaḵon mipagapu si ḵabooḻan Apudyus gapu'tte amode ḵinabaḻuna'tta tagu.

Romans 9:1

Susunud, ibagaḵ ḵan diḵayu ḵatuttuwaan, adiyaḵpun antultulli te niyossaanaḵ ḵan Kristu. Taḵon ay somsomoḵḵu we indaḻan ni Ispiritu Santu, panoḵnoḵanae adiyaḵpun antultulli.

Acts 27:23

Te sa labi, nampaila anghel Apudyus we sinḵuwa ḵan saḵone siya daydayawoḵ,

Acts 26:4

“Igammun da losane ḵailiyaḵe Judyu nantataguḵ inggan ni ḵaban-ogḵu te inninggawaḵ ḵan dida'd Jerusalem.

Luke 2:37

Sissiyae baḻu inggana'ḵ nantawon aḵ waḻumpuḻu ya opat. Patilayun umoy si paway ni templo ta andayaw ḵan alluwaḻu ḵan Apudyus atte inaḻgaw ḵan nilabi. Patilayune allaun ta alluwaḻu.

1 Timothy 5:5

Sa baḻu we ippun paat osa'ḵ angayyuwan ḵan siya, namnamaonae aḵ Apudyus bumadang ḵan siya. Ḵad pagapagatupanae alluwaḻu ya anḵodaw aḵ badang atte inaḻgaw ḵan nilabi.