2 Peter 3:9 - Sa Ugud Apudyus

⁹ Sa ḵasomsomḵan da udume tagu, itaḻyan Apudyus we angituttuwa'tta inkarina yaḵon daḵampun aḵ tuttuwa. Sa ḵatuttuwaan, anuanusana diḵayu te adinapun pione awad ossaan aḵ madusa yaḵon siya piona ibabawin oḵyan da losane tagu da basuḻda ya agaydae angwa.

2 Peter 3:9 Referans Kwoze

1 Timothy 2:4

Te pionae mataguda losane tagu ya igammuwonda ḵatuttuwaan.

Romans 2:4

Adiyu potogon aḵ Apudyus atte ḵananyu we adimpun diḵayu dusaon gapu ta ḵumadagu, naattom ya amod de anusna. Adiyupun ḵamman igammu we ḵinadaguwana diḵayu ta ibabawiyu da basuḻyu ya agayyu we angwa?

Revelation 2:21

Innatodḵu ḵan siya wayanae ambabawi'tta basuḻna ya agaynae angwa yaḵon adinapun agaye miyadaḻug atte daḵampun aḵ asawana.

2 Peter 3:15

Sosomḵonyu we sa gapunae naanus Apu taḵu, pionae awad wayan da tagu ta taguwona dida. Sadi da insuḻat Paul we ay-ayaton taḵu we sunud taḵu ḵan Kristu ḵan diḵayu sigun si lainge innatod Apudyus ḵan siya.

1 Timothy 1:16

Yaḵon sadi gapunae ḵinadaguwanaḵ ta ipailan Jesu Kristu we ippun isun ni anusna ḵan saḵone paate ḵabasbassuḻan. Ḵingwana ḵatti ta ilan da tagu ya amatida bos ḵan siya ya maḵwae awatonda biyag aḵ inggana.

Hebrews 10:37

Te ḵanan ni Ugud Apudyus, “Sin-aḵitane abus ya sa awade umali, dumatonge adipun mitantan.

Romans 9:22

Isuna bos ḵan Apudyus. Taḵon ay nu piona ipaila sangana ḵan ḵabooḻanae anusa'tta labbongna'ḵ madusa yaḵon inan-anusana dida.

1 Peter 3:20

Da sanae ḵalidodwae nibabaḻud, ḵalidodwan da tagu we adipun tummuttuwa gapu si adidapun namatiyan ḵan Apudyus si timpun Noah si awe. Sa nangwaan Noah si bapur, inan-anusan Apudyus we nanguuway si amatiyan da tagu ḵan siya yaḵon adidapun tummuttuwa gapu si adidapun namatiyan, abuse waḻu we tagu da tinagun Apudyus si timpu we nalitapan ni lubung.

Romans 13:11

Ḵasapuḻane ḵoon taḵu losan da anna te igammu taḵu we ampatog timpu we mataguwan taḵu sinsadi. Ḵad sinsadi ye timpu bumangon taḵu we nasuyop te madam-an mataguwan taḵu'ḵ inggana nu sa damu we namatiyan taḵu.

Romans 13:12

Te sa ḵatuttuwaan, naḻaḵpus labi ya madam-an mabigat. Pun ḵaanon taḵu da ḵoḵoḵḵon taḵu si giḵbot ta iḵabot taḵu aggom ni padda.

2 Peter 1:4

Gapu si ḵinadayawna ḵan ḵinabaḻuna, innatodna ḵan ditaḵu da ampapatog ya ambabaḻu we inkarina ta mipagapu'tta sana, miligsi taḵu'tta amaamayon da tagu'tte lubunge anadail ḵan dida ya sa ugali taḵu miyisu ḵan Apudyus.