2 Peter 3:15 - Sa Ugud Apudyus

¹⁵ Sosomḵonyu we sa gapunae naanus Apu taḵu, pionae awad wayan da tagu ta taguwona dida. Sadi da insuḻat Paul we ay-ayaton taḵu we sunud taḵu ḵan Kristu ḵan diḵayu sigun si lainge innatod Apudyus ḵan siya.

2 Peter 3:15 Referans Kwoze

Romans 2:4

Adiyu potogon aḵ Apudyus atte ḵananyu we adimpun diḵayu dusaon gapu ta ḵumadagu, naattom ya amod de anusna. Adiyupun ḵamman igammu we ḵinadaguwana diḵayu ta ibabawiyu da basuḻyu ya agayyu we angwa?

2 Peter 3:9

Sa ḵasomsomḵan da udume tagu, itaḻyan Apudyus we angituttuwa'tta inkarina yaḵon daḵampun aḵ tuttuwa. Sa ḵatuttuwaan, anuanusana diḵayu te adinapun pione awad ossaan aḵ madusa yaḵon siya piona ibabawin oḵyan da losane tagu da basuḻda ya agaydae angwa.

1 Timothy 1:16

Yaḵon sadi gapunae ḵinadaguwanaḵ ta ipailan Jesu Kristu we ippun isun ni anusna ḵan saḵone paate ḵabasbassuḻan. Ḵingwana ḵatti ta ilan da tagu ya amatida bos ḵan siya ya maḵwae awatonda biyag aḵ inggana.

1 Peter 3:20

Da sanae ḵalidodwae nibabaḻud, ḵalidodwan da tagu we adipun tummuttuwa gapu si adidapun namatiyan ḵan Apudyus si timpun Noah si awe. Sa nangwaan Noah si bapur, inan-anusan Apudyus we nanguuway si amatiyan da tagu ḵan siya yaḵon adidapun tummuttuwa gapu si adidapun namatiyan, abuse waḻu we tagu da tinagun Apudyus si timpu we nalitapan ni lubung.

James 3:17

Yaḵon sa ḵinalainge maḻpu'd langit, pasige ambaḻu, allin-awa, an-anggom, adinapun ipatut piona, pasig ḵumadagu, pasig ambaḻu ḵoona, ippun laḵlaḵsigona'tta buḻunna ya adipun ḵapappaila.

Luke 21:15

Te saḵone mismu angitod ḵan diḵayu si laingyu we an-ugud ta ippun inon da losane ḵabusuḻyu we angngog ḵan diḵayu ya sumullagi'tta isongbatyu.

James 1:5

Nu awad osa ḵan diḵayu'ḵ angkurang atte ḵinalaing, alluwaḻu oḵyan ḵan Apudyus woḵ aaddi ye maatod. Te aḵ Apudyus allaay atta losane tagu ya adinapun dida pabainan nu anḵodawda.

Acts 15:25

Pun nammiting ḵani woḵ nan-uunudanni ye pumili ḵani'ḵ ibuunni ḵan diḵayu'ḵ mibuḻun ḵan da Paul ḵan Barnabas we ay-ayatonni,

1 Corinthians 2:13

Pun sa angituttuduwanni daḵampun aḵ somsomoḵ baḵon nu ḵinalaing di tagu naḻpuwana yaḵon sa intuttudun ni Ispiritu Santu ḵan diḵani. Ḵad ipaḵaawatni da naispirituwane ḵatuttuwaan atta tagunae inggawan ni Ispirituna.

Ephesians 3:3

Te impaigammun Apudyus ḵan saḵon planunae adipun nipaigammu si awe ḵad siya annae inggiliḵ si suḻatḵu.

1 Corinthians 12:8

Sa osae namati, ittan ni Ispiritu Santu aḵ lainge angipaigammu si Ugud Apudyus. Ḵad sa osa, ittana'ḵ ḵabooḻane maḵaawat mipanggob ḵan Apudyus.

1 Corinthians 3:10

Gapu si ḵinabaḻun Apudyus we impailana ḵan saḵon, isuḵ nalainge antaḵad aḵ boḻoy, ummaḵ ginagaaman nangisaadaḵ ḵad da udume tagu asi amagatup si sadi ye insaḻadḵu. Yaḵon awad osa ḵasapuḻane laḻamana inonae antaḵad.

Acts 7:10

woḵ inligsin Apudyus atta losane nampaḵaḻamana. Innattan Apudyus aḵ Joseph aḵ ḵinalaing ḵan ambaḻu we ugali ya sadi gapunae nas-om aḵ Pharaoh we ari'd Egypt. Pun dinutuḵan Pharaoh aḵ gobernor ya ampangat atte intero we Egypt ya siya angayyuwan atta losane ḵuḵuwana.

Acts 9:17

Pun ummoy aḵ Ananias woḵ nillumnoḵ atte boḻoye inninggawan Saul. Pun impatayna da imana ḵan siya woḵ ḵanana, “Sunudḵu we Saul, aḵ Apu Jesus we nampaila ḵan siḵa si daḻan, siya nangibuun ḵan saḵon ta maḵailaḵa ya umoy ḵabooḻan ni Ispiritu Santu ḵan siḵa.”

2 Peter 3:2

Pioḵe iḵagasmoḵyu da impadtun da profeta we nanserbi si awe ya da bilin Apu taḵu ya sa Anagu we impaigammuna ḵan diḵayu mipagapu'tta apostol we nantuttudu ḵan diḵayu.