2 Peter 2:17 - Sa Ugud Apudyus

¹⁷ Da sanae angituttudu si daḵampun aḵ tuttuwae ippun anuda, mipanida'tta nattuḵane bubun ḵan mipanida'tta libuu we abus mibibbibbide ippun udanda. Ḵad awad de ḵagiḵbotane insaganan Apudyus we inggawanda'ḵ inggainggana.

2 Peter 2:17 Referans Kwoze

Ephesians 4:14

Ḵad nu miyisu taḵu ḵan siya, aditaḵupun ogon isun di abenge allasu mabaliwan ni somsomoḵna ya maallelaw atta tinutuli ye ituttudun da tuliyan.

Jude 1:6

Sosomḵonyu ḵad os da anghel we adipun nat-op atte saaddae innatod Apudyus ḵan dida woḵ tinenanda ustu we inggawanda'd langit. Gapu si nangwaanda'tte sadi, ḵinawadan Apudyus dida'ḵ inggana woḵ imbaḻudna dida si ḵagiḵbotan inggana'ḵ dumatong aḻgawe anguwisana ḵan dida.

2 Peter 2:4

Te igammu taḵu we madusada te taḵon ay da anghel we naḵabasuḻ si awe, adimpun Apudyus ḵinadaguwan dida yaḵon intop-aḻna dida'd infiernu si ḵagiḵbotane lugar ya imbaḻudna dida sidi ta anguwayanda'tte aḻgawe anḵuwisan Apudyus.

Matthew 25:30

Ḵad sa mipanggob si annae ippun itaḵipnae sammilu, aḻanyu ya inḵayu iballu'tte lasin ni anggiḵbogiḵbote igaw da tagu we ampaḵapaḵaḻame umibiibil ya ngumalitod da babada.’ ”

Matthew 22:13

Pun ḵanan ni Ari atta sammiluna, ‘Baḻudonyu da imana ya da suḵina ya idawatyu'k lasin si anggiḵbot ta sidi ye umibiibil ḵan ngumalitod da babana te ampaḵapaḵaḻam.’ ”

Matthew 8:12

Yaḵon da Judyu ḵade midoga oḵyan si ampangatan Apudyus, miballuda'k lasin si giḵbot ḵad umibiibilda ya ngumalitod da babada sidi si sangada.”

Hebrews 12:18

Sa ummadaniyanyu ḵan Apudyus, daḵampun aḵ isun ni ummadaniyan da iyIsrael si beleg ad Sinai we inggawan ni gumilgillayabe apuy, giḵbot ḵan bali.