2 John 1:8 - Sa Ugud Apudyus

⁸ Ummanyu ta adiyu taḻaḵon da ḵinewaaḻyu yaḵon gun-udonyu da losane gunguna.

2 John 1:8 Referans Kwoze

Hebrews 10:35

Pun adiyu taḻaḵon namnamayu ya taḻgodyu te idatongna daḵoḻe gunguna.

Revelation 3:11

Madam-an timpu we umaliyaḵ. Pun ipapatiyu unudon tuttuwae tuttudu ta ippun osa'ḵ angaan atte gungunayu.

1 Corinthians 3:14

Ḵad nu adipun masgob da ḵingwan ni osa'tta nantaḵad, magungunaan.

1 Corinthians 3:8

Naippun nantoḵonan ni angimuḻa ya sa ansilug te an-isu panggobda. Ḵad sa umali ye aḻgaw, gungunaan Apudyus dida sigun atta ḵingwada.

Hebrews 12:15

Ḵasapuḻane ilanyu ta naippun oḵyan osa ḵan diḵayu'ḵ an-awidana ḵinabaḻun Apudyus gapu'tte angiyagayanae amati ḵan siya. Te ngaimane angwa ḵan diḵayu'tte ḵaḵnat isuna ampaite muḻae tumubu'ḵ madadailan da adu.

Mark 13:9

“Ummanyu te doḵmaanda ḵan idaḻum diḵayu'tta ḵuḵunsisaḻ ya aplitonda diḵayu'd daḻom atta sinagoga. Gapu'tte pammatiyu ḵan saḵon, midaḻum ḵayu bos atta gobernor ya da ari ḵad maittan ḵayu'ḵ gundawaye angiwaḻagawag atte Ambaḻu we Damag ḵan dida.

Galatians 3:4

Ippun ḵad ain anun da adu we ampaḵaḻamanyu inggan ni namatiyanyu? Awad oḵyan pos.

John 4:36

Da an-ani ḵad matangdananda, da anagup atta tagu awatonda biyag aḵ inggana. Ḵad da angimuḻae isun da angibaga'tte ugudḵu ya da an-ani ye bumadang ta awatonda ugudḵu, anggangganasda losan.

Galatians 4:11

Pun iyogyatḵu mipanggob ḵan diḵayu te ippun nin anun ni pangogḵu we nantuttudu ḵan diḵayu.

Luke 21:8

Pun ḵanana, “Ummanyu ta adi ḵayu maallelaw. Te sa umali ye aḻgaw, adu da tagu we umali ya usaronda ngadanḵu we ang-angwadae dida Kristu gapu si ḵanandae ‘Saḵon Kristu,’ ya ḵananda bos, ‘Madam-an dumaḵngan ni sadi ye aḻgawe misaḻdan ni ampangatan Apudyus.’ Yaḵon adiyu unudon dida.

Hebrews 10:32

Yaḵon iḵagasmoḵyu ḵasasaadyu'tte ḵesane timpu si nasilawan da somsomoḵyu'tte ḵatuttuwaan mipanggob ḵan Kristu, inaattomanyu ummamdane nampaḵaḻamanyu yaḵon adiyupun iyyunude paḵḵog ḵayu.

Philippians 3:16

Yaḵon taḵon ay nu ḵatti, ḵasapuḻane pagapagatupan taḵu tuttuwaon da impaigammun Apudyus ḵan ditaḵu.

Mark 13:23

Yaḵon ummanyu te inggallapuḵ binagbagaan diḵayu mipanggob atta losane banag si daanda maḵwaan.”

Matthew 24:4

Ḵanan Jesus we summongbat, “Ummanyu ta adi ḵayu maallelaw.

1 Corinthians 15:8

Anungusnapun, nampaila bos ḵan saḵon. Taḵon ay nu isuḵ uttinge nibuḵnage daampun yan aḻgawna.

Luke 19:19

Ḵanan os ni Ari, ‘Nu ḵaḵnat, ampangatoḵ siḵa'tta limae siyudad.’