2 John 1:4 - Sa Ugud Apudyus

⁴ Amod de layadḵu si inigammuḵe da udume abengnu, siya unudonda ḵatuttuwaane imbilin Apudyus we Ama ḵan ditaḵu.

2 John 1:4 Referans Kwoze

Ephesians 5:8

Te diḵayu ḵad, isun di anggiḵbot somsomoḵyu si awe yaḵon sinsana nasilawanda gapu si niyossaananyu ḵan Apu. Pun matagu ḵayu oḵyane isun da tagu we iinggaw atte padda.

Ephesians 5:2

ta miyisu oḵyan an-aayatyu si nan-aayat Kristu ḵan ditaḵu. Te innatodna long-agna'ḵ matoy para ḵan ditaḵu ya sa natoyana, isunan ambangu we datun ḵan Apudyus we mas-omana.

Philippians 4:10

Amod de layadḵu si niyossaanaḵ ḵan Apu te sinsadi nawayaan ḵayu bos ḵasine bumadang. Nabayag ḵammose ippun bummadanganyu yaḵon daḵampun aḵ gapu ta naliwatanyu saḵon te igammuḵe naippun wayayu we angipaila si layadyu we bumadang.

Galatians 2:14

Yaḵon innilaḵ sumullagi si ḵatuttuwaan ni Ambaḻu we Damag we ḵoonda, ḵanaḵ ḵan Peter si sinagung da losan, “Taḵon ay nu Judyuḵa, nalligligammuḵa si udume ugalin da Judyu we isun di daḵanḵapun aḵ Judyu. Ḵad nu ḵingwam ḵatti, ngaipam os ay ipatut paunud atta Gentil ugali taḵu?”

1 Corinthians 13:6

Sa tagu we angayat atta asintataguna, adipun allaylayad atta basuḻ yaḵon allaylayad nu angngog ḵatuttuwaan.