2 Corinthians 4:3 - Sa Ugud Apudyus

³ Ḵad taḵon ay adimpun da udume tagu maawatan Ambaḻu we Damag we iwaḻagawagni ye isun di natatallingdan, abuse natalingdan atta madusa'ḵ inggana.

2 Corinthians 4:3 Referans Kwoze

2 Corinthians 3:14

Isun di tummungitong da somsomoḵda. Taḵon ay sinsadi nu basaonda lintog Moses atte Dadaane Tuḻag, adidapun maawatan. Te adipun maḵaan anatallingod atta somsomoḵda nu adida amati ḵan Kristu.

1 Corinthians 1:18

Te sa damag mipanggob si natoyan Kristu atte kros, dinodong-og atta tagu we naḵoddongan aḵ madusa. Yaḵon ḵan ditaḵu we taguwon Apudyus, siya ḵabooḻan Apudyus we anagu ḵan ditaḵu.

Matthew 11:25

Sa sadi ye timpu, ḵanan Jesus we nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

Romans 2:16

Pun sigun si annae Ambaḻu we Damag we iwwaḻagawagḵu, ḵaḵna maḵwa si aḻgawe anguwisan Apudyus mipagapu ḵan Jesu Kristu atta losane somsomoḵ da tagu ya da ḵingwadae nitataḻu.

1 Timothy 1:11

Sa ḵatuttuwaane intuttuduḵ, mibatay si Ambaḻu we Damag we intaḻgod ni ḵangatuwan ḵan madaydayawe Apudyus ḵan saḵon.

1 Thessalonians 1:5

Te indatongni ḵad ḵan diḵayu Ambaḻu we Damag, daḵampun aḵ abuse ugud yaḵon nidoga bos ḵabooḻan ni Ispiritu Santu ḵan napanoḵnoḵane ḵatuttuwaan Ugud Apudyus. Igammuyu bos nantataguni si inninggawanni ḵan diḵayu sinat ḵan inonni ye bummadang ḵan diḵayu sinat.

2 Corinthians 2:12

Dummatongaḵ ḵad ad Troas we umoy angiwaḻagawag si Ambaḻu we Damag mipanggob ḵan Kristu, innatod Apu gundawayḵu we angiwaḻagawag sidi.

1 Corinthians 2:6

Yaḵon awad de ḵinalainge ituttuduni'tta naangsan si pammati, daḵampun aḵ naḻpu'tte ḵinalaing da tagu si sanae timpu ya ḵinalaing da pangat si sanae timpu we amungtu ḵabooḻanda.