2 Corinthians 3:2 - Sa Ugud Apudyus

² Diḵayu we mismu isun di suḻate angigammuwan da tagu'tte ḵewaaḻni. Isuyu suḻate nigili'tta pusuni gapu'tte amode ayatni ḵan diḵayu ḵad allasu we igammuwon ḵan maawatan da losane tagu.

2 Corinthians 3:2 Referans Kwoze

1 Thessalonians 1:8

Te daḵampun aḵ abus ad Macedonia ya ad Achaia aḵ nandinongoḻan ni ugud Apu we iwwaḻagawagyu. Yaḵon nandinongoḻ os pammatiyu ḵan Apudyus atta losane ili. Pun ngaipani lawa ugudon ḵan dida mipanggob atte pammatiyu?

Philippians 1:7

Ḵad ambaḻu bos nu ḵatti sosomkoḵ atte mipanggob ḵan diḵayu te ummamdan ayatḵu ḵan diḵayu. Ḵad nidoga ḵayu ḵan saḵone nangipadas si ḵinabaḻun Apudyus si inninggawaḵ atte babaḻḻudan ya siya bos naḵwa si dam-oḵ namanoḵnoḵan ya tinaḵdoḻaḵe tuttuwa Ambaḻu we Damag mipanggob ḵan Kristu.

Romans 1:8

Sa umunae pioḵ ibaga, anggappiyaaḵ ḵan Apudyus mipagapu ḵan Jesu Kristu si mipanggob ḵan diḵayu losan. Te nandinongoḻ pammatiyu si intero we lubung.

2 Corinthians 12:15

Ḵan saḵon, amo lumayadaḵ taḵon ay nu aminoḵ gastuwon pilaḵḵu ya ippun ogon ḵosdoḻḵu ḵan ngaimane awad ḵan saḵon para ḵan diḵayu. Taḵon ay nu ummaḵit ayatyu ḵan saḵon, amoamod ayatḵu ḵan diḵayu.

2 Corinthians 11:11

Ngaipaaḵ adi anḵodaw ḵan diḵayu? Pioḵ ḵamman ipailae adiḵpun diḵayu ay-ayaton? Igammun Apudyus we ay-ayatoḵ diḵayu!

2 Corinthians 7:3

Daḵampun aḵ imbagaḵ anna'ḵ pabasuḻoḵ diḵayu te tuttuwa sadi ye imbagaḵe ay-ayatonni diḵayu. Pun matagu taḵu man baḵon nu matoy taḵu, adipun paat maḵaan ayatni ḵan diḵayu.

1 Corinthians 3:10

Gapu si ḵinabaḻun Apudyus we impailana ḵan saḵon, isuḵ nalainge antaḵad aḵ boḻoy, ummaḵ ginagaaman nangisaadaḵ ḵad da udume tagu asi amagatup si sadi ye insaḻadḵu. Yaḵon awad osa ḵasapuḻane laḻamana inonae antaḵad.

2 Corinthians 3:1

Sa nangugudanni'tte sana, adiyu ḵanane idayawni long-agni. Adinipun ḵasapuḻan suḻate angidayaw ḵan diḵani ḵan diḵayu baḵon nu awad suḻat aḵ maḻpu ḵan diḵayu we idayaw diḵani'tta udume isun ni ḵoon da udum.