1 Timothy 6:12 - Sa Ugud Apudyus

¹² Iggam ḵabooḻame anaḵdoḻ si pammatim ya anserbi ḵan Apu Jesus we isun ni maḵatodtoddaḵe piona angngog ta magun-udna gungunae biyag aḵ inggana te sadi namiliyan Apudyus ḵan siḵa si timpu we nangibag-am atte sinagung da adu we tagu we namatiḵa ḵan Jesu Kristu.

1 Timothy 6:12 Referans Kwoze

1 Peter 5:10

Nu maabus sin-aḵitane ampaḵaḻamanyu, aḵ Apudyus we naḻpuwan ni losane ḵinabaḻu, pabaruwona biyagyu ya papigsaona pammatiyu ta adi mayugayug. Siya namili ḵan diḵayu we midoga si ḵabaḻuwane antatagu ḵan Apudyus ad langite ippun anungusna mipagapu si niyossaananyu ḵan Kristu.

1 Timothy 1:18

Da sanae imbilinḵu ḵan siḵa Timothy we imbelangḵu'ḵ abengḵu, mibatay atte nipadtu si awe atte mipanggob ḵan siḵa. Adim maliwatan da nipadtu si awe ta tumoḻodḵae maḵagubat atta losane lawweng.

2 Timothy 4:7

Nu ipaniḵ nanserbiyaḵ ḵan Apudyus atte todtoday, inniggaḵ ḵabooḻaḵ woḵ ḵintadḵu ḵigad ni totoddaḵan. Ummaḵ pinopotpotan ḵatuttuwaan.

Revelation 3:3

Sosomḵonyu da nituttudu ḵan inawatyu'tte awe. Ḵasapuḻane patiyonyu dida ya ibabawiyu da basuḻyu ya agayyu we angwa. Te nu adiḵayupun bumangon, umaliyaḵe mapoḵḵatane isun ni aḵḵawan ta dusaoḵ diḵayu ya adiyupun igammu timpu we umaliyaḵ.

1 Timothy 6:13

Bilinoḵ siḵa'tte sinagung Apudyus we angatod atte biyag atta losan ya aḵ Jesu Kristu we nanaḵdoḻ atte sinagung Pontius Pilate.

1 John 2:25

Ḵad sana inkarin Kristu we ittona ḵan ditaḵu biyag aḵ inggana.

Hebrews 6:18

Inggan ni nankariyan Apudyus ya pinanoḵnoḵana si sapata, igammu taḵu we mituttuwa te adipun maḵwae maobos ya adipun antultulli'ḵ Apudyus. Pun ditaḵu we ummoy ḵan siya ta masaḻaḵniban taḵu, gattoḵe masoḻgag taḵu taḵon ay nu amo popotpotan taḵu namnamae innatodna ḵan ditaḵu.

2 Timothy 1:9

Tinaguna ya pinilina ditaḵu ta ditaḵu da taguna. Sa nangwaana si sadi, daḵampun aḵ gapu'tte ḵingwa taḵu yaḵon gapu si panggobna ya ḵinabaḻuna ḵan ditaḵu. Sa daan ni lubung maḵwaan, inggallapun Apudyus simsimmoḵe ipailana ḵinabaḻuna ḵan ditaḵu mipagapu ḵan Jesu Kristu.

Colossians 3:15

Pasig oḵyan lin-awa ya sa timpuyuge innatod Kristu angituray atta somsomoḵyu te sana gapun ni namiliyan Apudyus ḵan diḵayu ta an-os-ossaan ḵayu we long-ag Kristu. Ḵad pasig ḵayu anggappiya ḵan Apudyus.

1 Timothy 6:19

Nu ḵatti ḵoonda, isunan anonsonda'ḵ binaḵnang ad langite mipani si ampagdote misaadan ni biyagda si umali ye aḻgaw ta ganabonda annanayun ya tuttuwae biyag.

Hebrews 3:14

Te buḻun taḵu'ḵ Kristu nu gogomgoman taḵu pammati taḵu si inggan ni namatiyan taḵu inggana si anungus ni timpu.

1 Thessalonians 2:12

Sinoḻgagni ya pinapigsani diḵayu ḵan insassaudni ye matagu ḵayu si biyage mas-oman Apudyus ya mibagay atte namiliyana ḵan diḵayu'ḵ midoga si ampangatana ya sa ḵinangatuna.

1 Peter 3:9

Nu awad angwa ḵan diḵayu'ḵ lawweng, adiyu ibaḻos. Nu awad os an-ugud aḵ lawweng, adiyu songbatan aḵ lawweng yaḵon iluwaḻuyu ḵan Apudyus ta bindisyunana dida. Te pinilin Apudyus diḵayu'ḵ mismu we taguna ta maḵatawid ḵayu si bindisyun.

2 Thessalonians 2:14

Pinilina diḵayu'ḵ matagu gapu'tte Ambaḻu we Damag we iwwaḻagawagni ḵan diḵayu ta midoga ḵayu'tte ḵinangatun Jesu Kristu we Apu taḵu.

2 Corinthians 9:13

Pun gapu'tte sadi ye ḵoonyu we angitod, ipanoḵnoḵna ḵatuttuwaan ni pammatiyu ya paaduwonyu da tagu we angidayaw ḵan Apudyus gapu ta mailadae uunnudonyu Ambaḻu we Damag si mipanggob ḵan Kristu we ibagayu we patiyonyu. Ḵad tuttuwae anggappiyada ḵan Apudyus gapu si laayyu we angitod si ḵasapuḻan da losane namati.

Hebrews 13:23

Pioḵe ipaigammu ḵan diḵayu we napuḵayan aḵ Timothy ye sunud taḵu ḵan Kristu atte babaḻḻudan. Ḵad nu masapa dumatong, umali ḵani sinat ta inḵani diḵayu gaggaḵayon.

2 Corinthians 6:7

Ḵad mipaila bos gapu'tte angituttuduwanni si ḵatuttuwaan ḵan ḵabooḻan Apudyus we ipailana mipagapu ḵan diḵani. Anna ḵan diḵani naun-unane antatagu gapu ḵan Kristu, siya isun di ispada ḵan ḵaḻasage usaronni ye maḵagubat atta bumusuḻ ḵan Apudyus.

Philippians 1:30

Ḵad sa ampaḵaḻamanyu we angitaḵdoḻ si ḵatuttuwaan ni Ambaḻu we Damag, isun ni nampaḵaḻamaḵe nangitaḵdoḻ si awe ye innilayu ḵan dingngoḻyu we maḵmaḵwa ḵan saḵon sinsana.

1 Timothy 1:19

Sa maḵagubatam atta sanae lawweng, pagatupam gogomgoman pammatim ya sa ampoḻḵase somsomoḵ. Te awad da udume tagu we iwwalinda ampoḻḵase somsomoḵ ya paate nadadail pammatida.

1 Timothy 4:14

Adim baybay-an ḵabooḻame innatod ni Ispiritu Santu atte nangipatayan da angipangpangu'tta namati'tta imadae nangiluwaḻu ḵan siḵa ya sa nangibag-an da profeta we an-uuggudon Apudyus mipanggob atte ḵabooḻam.

2 Timothy 2:2

Ḵad da losane dingngoḻnu we intuttuduḵ ḵan siḵa'tta sinagung da adu we tagu, itaḻgodnu'tta mataḻgodane ḵallabbong os angituttudu'tta udum.

Jude 1:3

Ay-ayatoḵe buḻbuḻun, ansagsaganaaḵe anuḻat ḵan diḵayu si mipanggob atte mataguwan taḵu losane namati. Yaḵon sinsadi, ḵasapuḻane anuḻataḵ ta bagbagaaḵ diḵayu we iggayu ḵabooḻanyu we angitaḵdog si pammati taḵu we namingpingsane intaḻgod Apudyus atta taguna.