1 Timothy 6:11 - Sa Ugud Apudyus

¹¹ Yaḵon siḵae osae tagun Apudyus, ḵasapuḻane an-awidam da sana ya iggam ḵabooḻame angunud si ustu ḵan naapudyusane biyag. Ḵad papigsaom pammatim ḵan Apudyus, sa ayatnu, sa ḵinaanusnu ya sa an-ammaye biyag atta asintatagum.

1 Timothy 6:11 Referans Kwoze

2 Timothy 2:22

Pun adayuwam da pipion ni long-ag da babaḻu ta ipapuutnu we angwa si ummun-un ya amapigsa si pammatim. Ipapuutnu bose angayat atta udume tagu ya sa allin-awae maḵabuḻbuḻunam atta anḵodaw aḵ ḵadagu ḵan Apu we ampoḻḵas da somsomoḵda.

2 Timothy 3:17

ta ippun angkurangan taḵu we anserbi ḵan Apudyus yaḵon naḵasagana taḵu we angwa'tta losane kalasin di ambaḻu.

1 Timothy 4:12

Adim iyunude potogonda siḵa gapu'tte ḵinaabengnu. Yaḵon iggam ḵabooḻame ambalin aḵ unudon da namati'tte an-uugudnu, sa ambaḻu we antatagum, sa an-aayatnu, sa angogomgomam atte pammatim ya sa ḵinapoḻḵasnu.

Hebrews 12:14

Pangganyu allin-awae maḵabuḻbuḻunanyu'tta losane tagu ya mitotoḵḵon ḵayu'ḵ taguna ta bumaḻu ugaliyu te nu adi tagu ḵaḵnat adinapun ilan aḵ Apu.

1 Corinthians 10:14

Pun ay-ayatoḵe susunud, adi ḵayu ogon andaydayaw atta sinan-apudyus.

1 Peter 3:11

Ḵasapuḻane an-awidana lawweng ya ḵoona ambaḻu, ya masapuḻ ose ipapatina sington allin-awae maḵabuḻbuḻunana'tta buḻunna.

1 Corinthians 6:18

Pun adiyu adaḻugon da daḵampun aḵ asawayu. Ḵad adayuwanyu da ḵassadi ye basuḻ te amo sillumaweng nu sa udume kalasin da basuḻ. Da udume basuḻ daḵampun aḵ dumadail si long-ag yaḵon sa angadaḻug atte daḵampun aḵ asawana, dadailona bos long-agna ya isuna bose maḵabasuḻe mismu atte long-agna.

1 Timothy 5:10

Ḵasapuḻan ose da ambaḻu we ḵingwada, nan-asidongoḻ inondae namadaḵoḻ atta abengda, ḵamamangilida ḵan impakumbabada da long-agdae nanserbi'tta tagun Apudyus, binadanganda da ampaḵaḻame tagu ya pummangogdae angwa'tta ngaimane ambaḻu.

1 Corinthians 14:1

Ipapatiyu we an-asiayat. Ḵad ipapatiyu oḵyan sington da ampapatoge ḵabooḻane itton ni Ispiritu Santu, amod ay ḵabooḻane angipaigammu'tte pinion Apudyus.

Romans 14:19

Pun ḵasapuḻane igga taḵu ḵabooḻan taḵu ta allin-awa maḵabuḻbuḻunan taḵu'tta udum ya ngaimane amapigsa'tta pammati taḵu.

1 Timothy 6:20

Ḵan siḵa Timothy, ayyuwanam da intaḻgod Apudyus ḵan siḵa. Adayuwam da ug-uggude daḵampun aḵ mipanggob atte tuttuwae Apudyus ya da misullagi ye tuttudu we ngannonda laing yaḵon niḵawasda'tte ḵatuttuwaan.

1 Timothy 1:14

Ḵad ummamdan ḵinabaḻun Apu taḵu ḵan saḵon si nangittana'tte pammati ya ayat. Ittona bos sanae pammati ya ayat ḵan ditaḵu losan gapu si niyossaanan taḵu ḵan Jesu Kristu.

2 Timothy 2:21

Isuna bos atte tagu, nu awad tagu'ḵ papoḻḵasona long-agna'tta ngaimane lawweng, ampatog angusaran Apu ḵan siya te nitotoḵḵon ya nisaganae anserbi'tta losane panggob Apudyus.

2 Timothy 3:10

Yaḵon ḵan siḵa Timothy, igammum da losane mipanggob atte intuttuduḵ, sa ugaliḵ ya sa panggobḵu si annae biyagḵu, sa pammatiḵ, anusḵu ḵan an-aayatḵu'tta buḻunḵu ya sa nangipapattiyaḵe nangunud ḵan Apudyus.