1 Timothy 4:3 - Sa Ugud Apudyus

³ Da sanae tagu, iyadida da angasawa ya da udume maḵan. Yaḵon sa ḵatuttuwaan, ḵingwan Apudyus da sanae maḵan ta ḵanon taḵu. Ditaḵu we namati ḵan Kristu ya angigammu si ḵatuttuwaan, anggappiya taḵu ta maḵwae ḵanon taḵu da ngaimane maḵan.

1 Timothy 4:3 Referans Kwoze

1 Timothy 4:4

Te ambaḻu da ngaimane ḵingwan Apudyus. Ḵad naippun paat midiyan nu anggappiya taḵu ḵan siya.

Hebrews 13:4

Ḵasapuḻane patgan taḵu nan-as-asaw-an taḵu ya ippun oḵyan ḵadellawan taḵu ya pagatupan taḵu we antaḻgod atta asawa taḵu we naippun maḵadagdagas. Te dusaon Apudyus da maḵadagdagas ya da adaḻugonda da daḵampun aḵ asawada.

Romans 14:6

Sa tagu we patgana osae aḻgaw, ḵoona ḵatti aḵ anayawana ḵan Apudyus. Isun os ni osae angan atta baḻangnae maḵan, ḵanona'ḵ anayawana ḵan Apudyus te anggappiyaana ḵan siya. Ḵad isun os ni adi angan atta baḻangnae maḵan, ḵoona ḵatti'ḵ anayawana ḵan Apudyus te anggappiyaana ḵan siya.

Colossians 2:16

Pun adiyu oḵyan tuttuwaon da anguwis ḵan diḵayu we ḵanandae ḵasapuḻane unudonyu da aduadu we lintogda mipanggob atta maḵan, mainum, gayagaya, sumaaḻan soḻag baḵon nu umillongan da Judyu we miyadi anḵewaaḻ.

1 Corinthians 8:8

Sa ḵatuttuwaan, daḵampun atte maḵan angiyadani ḵan ditaḵu ḵan Apudyus. Ḵad naippun lawwengna nu adi taḵu ḵanon ḵad ippun os maganab taḵu nu ḵanon taḵu.

Colossians 3:17

Ngaimane ḵoonyu ḵan ugudonyu, ḵoonyu mipagapu si ngadan Apu Jesus ḵad anggappiya ḵayu ḵan Apudyus we Ama mipagapu ḵan siya.

1 Corinthians 7:28

Yaḵon nu angasawa ḵayu, daḵampun aḵ basuḻ. Ḵad nu angasawa babaḻasang daḵampun aḵ basuḻ. Yaḵon sa ibagaḵ, unnoyna adi ḵayu angasawa ta adi ḵayu midoga si ampaḵaḻaman da nangasawa.

Romans 14:3

Diḵayu we angan atta baḻangnae maḵan, adiyu oḵyan dellawon da angidiyan atta udume maḵan. Ḵad diḵayu bose angidiyan atta udume maḵan, adiyu bos dellawon da angan atta baḻangnae maḵan te inawat Apudyus dida'ḵ taguna.

Hebrews 13:9

Pun ilanyu ta adi ḵayu paallelaw atta sabali ya da tinutuli ye tuttudu. Te sa ḵinabaḻun Apudyus amapigsa si somsomoḵ taḵu, daḵampun si angunudan taḵu'tta bilin mipanggob atta maḵan. Te da angunud atta sana naippun maganabda.

1 Timothy 2:4

Te pionae mataguda losane tagu ya igammuwonda ḵatuttuwaan.

1 Corinthians 6:13

Ḵanan os da udum, “Da maḵan, naḵwada ta anserbi si buwang, ḵad sa buwang naḵwa ta anserbi si maḵan.” Yaḵon dadailon Apudyus didae duwa si umali ye aḻgaw. Yaḵon sa long-ag taḵu daḵampun aḵ naḵwa ta adaḻugon taḵu daḵampun aḵ asawa taḵu. Te sa long-ag taḵu naḵwa'ḵ anserbi ḵan Apu ḵad siya angayyuwan atta long-ag taḵu.

Romans 14:17

Te sa ampangatan Apudyus atta taguna, daḵampun aḵ ampatog ḵanon taḵu ḵan inumon taḵu. Yaḵon sa ampatog, ḵoona ditaḵu'ḵ maun-unan, sa allin-awaan taḵu'tta sin-ossaossa ya sa laylayad taḵu we maḻpu si Ispiritu Santu.

Matthew 15:36

Innaḻana pitu we tinapay ya da ugadiw woḵ nanggappiya ḵan Apudyus. Naabus ḵad, binisbisaḵna dida woḵ innatodna'tta disipuluna ta iwaḻasda'tta amode tagu.

Matthew 14:19

Pun binilinna da tagu ta tumuḵduda si lullumun woḵ innaḻana limae tinapay ya sa duwae ugadiw woḵ nantangad ad langite nanggappiya ḵan Apudyus. Pun binisbisaḵna tinapay ya da ugadiw woḵ innatodna'tta disipuluna ta iwaḻasda.

Acts 27:35

Naabus ḵade imbagan Paul sadi, innaḻana tinapay woḵ nanggappiya ḵan Apudyus si sinagung da losan. Pun binisbisaḵna woḵ insaḻadnae nangan.

John 6:23

Pune sadi, dummatong da udume bangkae naḻpu'd Tiberias woḵ dummaḵaḻda'tte adani si nanganan da tagu'tte tinapay si nanggappiyaan Jesus ḵan Apudyus.

Luke 24:30

Tummuḵduda ḵade angan, innaḻan Jesus tinapay, nanggappiya ḵan Apudyus woḵ binisbisaḵna woḵ innatodna ḵan dida.

Matthew 15:11

Sa mibelang aḵ angaissaw atte tagu si antotollong Apudyus, daḵampun atte lumnoḵ si sungadna yaḵon sa tumoḵwaḻ atte sungadna.”

1 Timothy 5:14

Pun sa ḵasomsomḵaḵ, nabaḻbaḻu angasawa da ḵaḵosdoḻandae baḻu ta umanaḵda ḵan ipapuutda ilan da ḵaboḻoyda ta ippun wayan da ḵabusuḻ taḵu we angamsew ḵan ditaḵu.