1 Timothy 3:4 - Sa Ugud Apudyus

⁴ Ḵasapuḻane ustu andadaḻanna'tte baḻyanna ḵan tuttuwaon ḵan patgan da abengna.

1 Timothy 3:4 Referans Kwoze

Titus 1:6

Sa angipangpangu'tte gimung, ambaḻu oḵyan ugalinae ippun mipabasuḻ ḵan siya. Ḵasapuḻan ose ossaan asawana ya adi maḵadagdagas. Da abengna ḵad, ḵasapuḻane amatida ya naippun os paat lawweng aḵ ḵaugudanda si mipanggob atte adidapun maḵatupod atta ḵoondae lawweng ya adidapun tumuttuwa.

1 Timothy 3:12

Da ambalin aḵ deacon ḵasapuḻane ossaan asawana ya adipun maḵadagdagas ḵan igammunae angidaḻane ustu'tta abengna ya sa baḻyanna.

Titus 2:2

Da anḵamaḻong-ag ḵad, ummam dida bagbagaan ta noandae uminum si bayas ya da udume ḵoḵoḵḵonda ta mibagaye mapatganda gapu'tta ambaḻu we ugalida ya tupodonda da long-agda. Bagbagaam os dida ta ipapatida pammatida, sipupusu oḵyan ayatda ya naattomda.

Acts 10:2

Naapudyusan losan da Cornelius we simbaḻyan ya isipogda'ḵ Apudyus. Allaayda'tta ḵapus ya patilayunda alluwaḻu ḵan Apudyus.

Titus 2:7

Siḵa ḵad os, pasig oḵyane ambaḻu ugalim ta sa ḵinabaḻum, siya unudon da buḻunnu. Ilam ta sa antuttuduwam, maḻpu si naimpusuwane ḵasomsomḵam. Ḵad sa inome angibaga, mibagay os atta ampatoge ituttudum.

Philippians 4:8

Sa anungus ni ibagaḵ ḵan diḵayu we susunudḵu ḵan Kristu, siya oḵyan pasigyu sosomḵon da tuttuwa, ampatog, ustu, ampoḻḵas, ambaḻu ḵan ḵadayawan. Ḵad taḵon ay da udume ambaḻu baḵon nu nanggodonge ugud, sadi oḵyan da imumuḻayu'tta somsomoḵyu.

Ephesians 5:24

Pun diḵayu we bubbubai ye namati, ḵasapuḻan ose ampakumbaba ḵayu we ustu'tta asawayu'tta losane banage isun ni gimung da namati ye paipangat ḵan Kristu.