1 Timothy 2:10 - Sa Ugud Apudyus

¹⁰ Yaḵon sa ambaḻu oḵyane ḵoonda, ipailada pammatida te sadi ustu atta bubai ye angibagae andaydayawda ḵan Apudyus.

1 Timothy 2:10 Referans Kwoze

1 Peter 2:12

Ḵasapuḻane unudonyu ambaḻu we antatagu ta taḵon ay nu ḵanan da adipun amati ye lawweng da ḵoonyu nu ilanda da ambaḻu we ḵoonyu, idayawda'ḵ Apudyus atte umaliyana.

Revelation 2:19

Igammuḵ da ḵooḵoonyu, sa ayatyu ḵan pammatiyu ya sa anserbiyanyu ya sa angiyattomanyu'tta ampaḵaḻamanyu. Igammuḵ ose amo nabaḻbaḻu da ḵoonyu sinsana nu sa damu.

Acts 9:36

Ad Joppa inninggaw bubai ye namati ye Tabitha ngadanna. Sa ngadanna'tte Greek we ugud Dorcas, piona ḵanan ugsa. Pasig ambaḻu da ḵoona ya bumabbadang atta ḵapus.

2 Peter 3:11

Nu ḵaḵna madadailan da sanae losane banag, sa antataguyu pasig oḵyan ambaḻu ugaliyu ya naapudyusan

Titus 3:8

Tuttuwa da sadi ye imbagaḵ ya matuttuwada oḵyan. Pun pioḵe pagapagatupame antuttudu'tta namati ḵan Apudyus sinat ta ummanda ipapuute angwa'tta ambaḻu. Da sadi ye tuttudu, ambaḻubaḻu ya idaḻanna da losane tagu'tte bumaḻuwanda.

Ephesians 2:10

Te planun Apudyus we pabaruwon da biyag taḵu mipagapu si niyossaanan taḵu ḵan Jesu Kristu ta siya oḵyan ḵoon taḵu da ambaḻu we implanuna si awe ye ḵoon taḵu.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

Acts 9:39

Pun nallibbat aḵ Peter woḵ nibuḻun ḵan dida. Dummatongda ḵad, impuyutda'tte ngatu we kuwartu we igaw ni natoy. Sin-iibil da losane baḻu we sisiḵad si daḻnig Peter woḵ ipailada ḵan Peter da langgoyod ya da udume silupe ḵingwan Dorcas si inninggawana ḵan dida.

1 Timothy 2:9

Da bubai ḵad os, ḵasapuḻane ummanda ansisilupda ya naannadda oḵyan. Daḵampun oḵyan aḵ patpatgonda am-amman da buuḵda, da iḵabotdae illing, da bongoḻ ya da buḻawan. Te sa somsomḵonda oḵyan, daḵampun aḵ sadi inondae angipaila'tta ḵinabaḻuda.

1 Timothy 2:11

Gumiginnoḵ oḵyan os da bubai si an-adaḻanda'tte Ugud Apudyus ya ipakumbabada da long-agda'tte antuttudu.