1 Timothy 1:7 - Sa Ugud Apudyus

⁷ Piondae ambalin aḵ mimistulun ni Lintog Apudyus yaḵon adidapun maawatan da uguugudonda ya antaḻgodda'tta ibagabagada.

1 Timothy 1:7 Referans Kwoze

Romans 1:22

Ḵanandae nalaingda yaḵon nambalinda'ḵ dong-og.

2 Peter 2:12

Yaḵon da sanae angituttudu si daḵampun aḵ tuttuwa, an-ugudda'ḵ lawweng atte adidapun maawatan. Isudan tanane ayame miyanaḵda ta madoḵmaanda ya mapatoyda. Ḵad sa ambanagana, madadailda.

1 Timothy 6:4

Ḵad maḵwa igammuwome napasindayaw somsomoḵna yaḵon sa ḵatuttuwaan naippun igammuna. Da tagu we ḵaḵna, siya pionda maḵaduddunggaḻ ḵan maḵasubog atta banage ippun anuna. Ḵad siya ibungana apos, uḵ-usit, lilliḵud, lawwenge ansosomsomoḵ,

Galatians 3:5

Imusoḵ ḵasin ḵan diḵayu, innatod ḵamman Apudyus Ispiritu Santu ya sa angwaana'tta nakaskasdaaw ḵan diḵayu te tinuttuwayu lintog baḵon nu gapu si andongoḻanyu ya amatiyanyu si Ambaḻu we Damag?

2 Timothy 3:7

Patilayunda an-adaḻ yaḵon adidapun paat igammuwon ḵatuttuwaan.

Galatians 3:2

Imusoḵ ud anna ḵan diḵayu: Inawatyu ḵamman Ispiritu Santu gapu si nanuttuwaanyu si lintog baḵon nu sa nangngoḻanyu ya namatiyanyu si Ambaḻu we Damag?

Galatians 4:21

Ibagayu ḵan saḵon, diḵayu we maḻyade paituray atte lintog, adiḵayupun ḵamman andongoḻ si lintog?

Matthew 15:14

Sinnamaḻ da Pharisee te isudan naḵuḻape ipuyutda asinḵuḻapda. Ḵad nu ipuyut ni naḵuḻap asinḵuḻapna, aaddi ye maottagda losan si abut.”

Acts 15:1

Pun inninggaw da laḻaḵi ye dummatong ad Antioch we naḻpu'tte probinsiya'd Judea we ummoy nantuttudu'tta susunud ḵan Kristu. Ḵananda, “Adiḵayupun matagu nu adi ḵayu pasogyat sigun si intuttudun Moses.”

Matthew 21:27

Pun sa insongbatda ḵan Jesus, “Naippun igammuni.” Pun ḵanan Jesus ḵan dida, “Nu ḵaḵnat, umadiḵ os ibaga nu ngai nangitod si ḵaḻabbongaḵe angwa'tta sana.”

Luke 2:46

Ḵaḵlun aḻgawna ḵad, indasanda si paway ni templo we maḵaam-ammung atta mimistulun ni lintog ya nandodongngoḻ ḵan nan-im-imus ḵan dida.

James 3:1

Susunudḵu ḵan Kristu, ambaḻu nu aḵit oḵyan ḵan diḵayu da ambalin aḵ angituttudu si Ugud Apudyus te igammuyu we nadagdagson maḵuwisan taḵu we angituttudu nu da udum.