1 Timothy 1:20 - Sa Ugud Apudyus

²⁰ Ḵaḵna isun ni naḵwa ḵan da Hymenaeus ḵan Alexander we impuḻangḵu ḵan Satan ta adaḻondae adida an-ugud aḵ lawweng mipanggob ḵan Apudyus.

1 Timothy 1:20 Referans Kwoze

2 Timothy 2:17

Ḵad sa ituttududa, isun di saḵite allasu we umalis ya dumadail si long-ag. Ḵatti intuttudun da Hymenaeus ḵan Philetus.

1 Corinthians 11:32

Yaḵon nu dusaon Apudyus ditaḵu, madisiplina taḵu ta adi taḵu midoga si dusan da tagu we adipun amati.

2 Thessalonians 3:15

Adiyu ibelange ḵabusuḻyu sanate tagu yaḵon bagbagaanyu we isun di sunudyu ḵan Kristu.

Revelation 3:19

Suppaḵaḵ ḵan saplitaḵ da losane ay-ayatoḵ, pun ibabawiyu da basuḻyu ya agayyu we angwa ta unudonyu saḵone ustu.

Acts 19:33

Gapu'tte sadi, imbuun da Judyu aḵ Alexander si sinagung da tagu ta ipaḵaawatna oḵyane daḵampun ḵan dida gapun ni gulu. Intayag Alexander imanae amaginoḵ atta tagu ta an-ugude taḵdoḻana,

Revelation 13:1

Pune sadi, innilaḵ ḵaog-ogyate ayame tummoḵwaḻe naḻpu si baybay. Pitu uḻuna ya simpuḻu sakkudna. Naamin nakoronaan da sakkudna ḵad nigili si sin-ossaossae uḻuna angngadanda ḵan Apudyus.

2 Timothy 3:2

Te sa ugalin da tagu'tte sadi, abus aḵ ayatonda long-agda, ḵamommodda si pilaḵ, itaḻayagda da long-agda ya ansoḵaḻ da somsomoḵda. Amsewonda da buḻunda, adidapun tuttuwaon da amada ḵan inada, ippun igammudae anggappiya ya adidapun amati ḵan Apudyus.

2 Timothy 2:14

Pagatupame angipaspasmoḵ atta anna'tta namati sinat ya bagbagaam dida si sinagung Apudyus ta adida andudunggaḻan mipanggob atta ugud te ippun anuna yaḵon dadailona pammatin da andongoḻ.

2 Corinthians 10:6

Nu ipailayu we losan ḵayu tumuttuwae ustu ḵan Kristu, naḵasagana ḵani ye anusa'tta ngaimane adipun tumuttuwa ḵan siya.

Acts 13:45

Yaḵon innilan ḵad da Judyu da aduadu we tagu, amod de aposda. Pun sinullagida da imbagan Paul woḵ nan-uguugudanda'ḵ lawweng.

2 Corinthians 13:10

Siya gapunae insuḻatḵu da annae ibagaḵ si ippunaḵ ḵan diḵayu ta umaliyaḵ ḵad sinat, daḵampun oḵyan aḵ ḵasapuḻane ipailaḵ ḵaḻabbongaḵe innatod Apu Jesus ḵan saḵon si anuppaḵaḵ ḵan diḵayu. Te sa angusaraḵ oḵyan si annae ḵaḻabbongaḵ sa pumigsaan ni pammatiyu, daḵampun aḵ madadailanyu.

Matthew 18:17

Nu sissiyae adinapun dongngon da ibagada, ipaigammum atta namati ye magimugimung. Ḵad nu adinapun pagay os dongngon ibagan da namati ye magimugimung, ibelangnu'ḵ adinapun igammu'ḵ Apudyus baḵon nu sa osae andadagup atta bugis.”

1 Timothy 5:15

Ibilinḵu anna te annat da udume baḻu we naabus nan-awid ya inunudda'ḵ Satan.

Hebrews 12:5

Naliwatanyu ḵamman Ugud Apudyus we anoḻgag ḵan diḵayu we imbelangna'ḵ abengna? Ḵanana, “Abengḵu, andongoḻḵa nu disiplinaon Apu siḵa'tta maḵabasuḻam, adiḵa madismaya nu suppaḵana siḵa.