1 Timothy 1:17 - Sa Ugud Apudyus

¹⁷ Pun siya Ari aḵ inggainggana, adipun matoy, adipun maila, abus aḵ Apudyus. Siya ipatpatog taḵu ḵan daydayawon taḵu'ḵ inggainggana. Amen.

1 Timothy 1:17 Referans Kwoze

Revelation 19:1

Naabus ḵad, dingngoḻḵu andangsodangsoḻe gingae isunan gingan di ummamdane tagu'd langite ḵanandae angiḵanḵanta, “Madaydayaw aḵ Apudyus taḵu! Bigbigon taḵu we maḵabooḻe nanagu ḵan ditaḵu ya bigbigon taḵu ḵinangatuna.

Revelation 17:14

Ḵad gubatonda Ubbu we Karnero yaḵon oḻgona dida te siya ḵangatuwane Apu atta losane Apu ḵan ḵangatuwane Ari atta losane Ari. Da buḻunna ḵad, dida da naayagan ya napili ya mataḻgodane amati ḵan siya.”

Colossians 1:15

Aḵ Kristu angil-an taḵu si ḵinaapudyus Apudyus we adipun maila. Gagangaye inggaw si daan ni lubung maḵwaan ḵad siya ḵangatuwan atta losane ḵingwana.

Revelation 19:16

Sa langgoyodna ya sa uḻpuna, nigili annae ngadane ḵanana, “Ḵangatuwane Ari atta losane Ari ya Ḵangatuwane Apu atta losane Apu.”

Romans 1:23

Te adidapun nandayaw si matattagu we Apudyus. Yaḵon siya dinaydayawda da ḵingwan di tagu we sinan-apudyus, sinantatagu, sinansissiwit, sinan-ayam ya da ḵais-isun da ḵumayam.

Revelation 19:6

Pun dingngoḻḵu bos da gingae andangsodangsoḻe isunan gingan di ummamdane tagu. Isunan pagasapas di danume maḻpu si antaḵnange utu ya andangsoḻe aguduud di ḵiduḻ. Ḵanandae nangidangsoḻ, “Madaydayaw aḵ Apu taḵu we Apudyus we maḵabooḻ atta losan te siya annae angipangat atta losan.

1 John 4:12

Ippun paat tagu'ḵ nangila ḵan Apudyus. Yaḵon nu an-asiayat taḵu, iinggaw aḵ Apudyus ḵan ditaḵu ḵad maila si biyag taḵu ayat Apudyus we naippun kurangna.

John 1:18

Naippun tagu'ḵ nangila ḵan Apudyus yaḵon aḵ Jesu Kristu we os-ossaane Abengna we mibuḻubuḻun ḵan Amana, siyae mismu nangipaigammu ḵan siya.

Matthew 6:13

Ḵad adim iyunude masulisug ḵani, yaḵon iligsim diḵani si lawweng.’ ”

Revelation 15:3

woḵ nanḵanḵantada'tte ḵantan Moses we nanserbi ḵan Apudyus si awe ya sa ḵantan os ni Ubbu we Karnero. Ḵanandae nanḵanta, “Apu we Apudyus we maḵabooḻ atta losan, nangatu ḵan nakaskasdaaw da ḵingwam. Siḵa ari'tta losane ili, naun-unan ḵan tuttuwa da losane ḵoom.

Revelation 7:12

ḵananda, “Dayawon taḵu, anggappiya taḵu ḵan patgan taḵu'ḵ Apudyus we anserbiyan taḵu ya bigbigon taḵu we siya maḻpuwan ni ḵinadayaw, ḵinalaing ya ḵabooḻan ḵan ḵinapigsa. Amen!”

2 Peter 3:18

yaḵon pagatupanyu oḵyan padason amode ḵinabaḻun Jesu Kristu we Apu taḵu ya Anagu ḵan ditaḵu ḵad dogdog-anyu bos inigammuyu ḵan siya. Madaydayaw oḵyan aḵ Kristu sinsana ya aḵ inggainggana. Amen.

1 Peter 5:11

Siya maḵabooḻe ampangat aḵ inggainggana. Amen.

Hebrews 11:27

Gapu si pammati, tinenan Moses ad Egypt we adinapun iyyogyat sangan ni ari. Inanusanae nampaḵaḻam te isun di innilana'ḵ Apudyus we adipun maila.

Romans 16:27

Madaydayaw aḵ Apudyus aḵ ingganae abus aḵ tuttuwae ḵalaingan mipagapu ḵan Jesu Kristu! Amen.

Romans 11:36

Gapu ta siya nangwa'tta losan, naḵwa da losan mipagapu ḵan siya ya para'tte midayawana! Madayaw aḵ Apudyus aḵ inggainggana. Amen.

Romans 2:7

Da tagu we angipapati angwa'tta ambaḻu ta madayawanda, mapatganda ya mataguda'd langit aḵ inggainggana ya dida angittan Apudyus si biyag aḵ inggana.

Romans 1:20

Te taḵon ay nu adipun maila ḵinaapudyusna ya sa ḵabooḻanae ippun anungusna, mamaḵ-ila'tta ḵingwana inggan ni nangwaana'tte lubung. Pun ippun lasun da tagu we adi amati.

Matthew 28:20

Ḵad tuttuduwanyu dida ta tuttuwaonda da losane imbilinḵu ḵan diḵayu. Sosomḵonyu we patilayune annaaḵ ḵan diḵayu inggana'ḵ anungus ni timpu.”

Matthew 25:34

“Pun saḵone Ari, asiḵ ḵanane angibaga'tta tagu we awad si madawinanḵu, ‘Awwayyu, diḵayu we binindisyunan Amaḵ ta gangganasonyu da laḵsunyu we midog-anyu si ampangatan Apudyus we nisaganae inggawanyu inggan ni naḵwaan ni lubung.

John 5:44

Ngai inonyu we amati nu siya pionyu an-asidayaw ḵayu ḵad adiyupun sington dayawe maḻpu si ossaane Apudyus?

Romans 2:10

Yaḵon da losane tagu we angwa'tte ambaḻu, padayawan ḵan patgan Apudyus dida ya ittona lin-awan da somsomoḵda, umuna'tta Judyu isuna bos atta Gentil.

Hebrews 2:7

Ḵingwam tagu'ḵ nababa'tte sin-aḵitan nu da anghel pun amo pinadayawam ya pinatgam didae isun ni patog ni ari.