1 Timothy 1:15 - Sa Ugud Apudyus

¹⁵ Sana tuttuwae tuttudu ya labbongnae patiyon da losane tagu: Ummali'ḵ Jesu Kristu atte lubung ta taguwona da ḵabasbassuḻan. Saḵon ḵapaatan ḵan dida.

1 Timothy 1:15 Referans Kwoze

Mark 2:17

Dingngoḻ ḵad ay Jesus da inimusda, ḵananae nangipani, “Da anḵosdoḻ, adidapun ḵasapuḻan an-aagas. Yaḵon da masaḵit, ḵasapuḻanda. Isuna saḵon, adiyaḵpun ummali ta ayagaḵ da naun-unane tagu yaḵon ummaliyaḵ ta ayagaḵ da ḵabasbassuḻan ta ambabawida'tta basuḻda ta ansinagungda ḵan Apudyus.”

Luke 19:10

Te saḵone Abeng Di Tagu, ummaliyaḵ ta iyyaḵ sington ḵan taguwon da nataḻaḵe tagu.”

John 12:47

“Ḵad ngaimane angngoḻ atta ugudḵu ya adinapun tuttuwaon, adiḵpun ḵuwison te daḵampun aḵ ummaliyaḵ ta ḵuwisoḵ lubung yaḵon ummaliyaḵ ta taguwoḵ.

John 1:12

Yaḵon da losane nangawat ya namati ḵan siya, innatodna ḵan dida ḵaḻabbongane ambalin aḵ abeng Apudyus.

Luke 5:32

Te adiyaḵpun ummali ta ayagaḵ da naun-unane tagu yaḵon ummaliyaḵ ta ayagaḵ da ḵabasbassuḻan ta ambabawida'tta basuḻda ya agaydae angwa.”

1 John 3:5

Igammuyu we ummali'ḵ Kristu ta ḵaanona da basuḻ te siya ḵad naippun paat basuḻna.

1 Timothy 1:13

Taḵon ay nu pupaḵ nan-ugudan aḵ lawweng si awe, ininsultuḵ ya nampaḵaḻamoḵ da nitun-ud ḵan siya yaḵon ḵinadaguwanaḵ pos pagay ḵan Apudyus. Te daanaḵpun amati ḵan Jesus ya ippun igammuḵe lawweng da ḵingwaḵ.

Matthew 20:28

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

1 Corinthians 15:9

Te saḵon ḵababaan atta apostol, ippun oḵyan ḵaḻabbongaḵe maawagan aḵ apostol te nampaḵaḻamoḵ da magimugimunge namati ḵan Apudyus.

John 1:29

Mabigat ḵad, innilan John aḵ Jesus we annate umali woḵ ḵanana, “Ilanyu! Annaya Karneron Apudyus we innatodna'ḵ midatun ta angaan atta basuḻ da tagu'tte lubung.

Matthew 9:13

Te adiyaḵpun ummali ta ayagaḵ da naun-unane tagu yaḵon ummaliyaḵ ta ayagaḵ da ḵabasbassuḻan ta ambabawida'tta basuḻda ta ansinagungda ḵan Apudyus. Pun inḵayu adaḻon nigili ye Ugud Apudyus we ḵanana, ‘Ḵan saḵon, napatpatog ḵumadagu ḵayu'tta asintataguyu nu sa angidatun ḵayu'ḵ ayam ya da udume datun ḵan saḵon.’ ”

Matthew 1:21

Umanaḵ aḵ laḻaḵi ḵad ngadanam aḵ Jesus te taguwona da taguna ta adida madusa'tta basuḻda.”

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

1 Timothy 4:9

Tuttuwa annae imbagaḵ ya ḵaḻabbonganae matuttuwa.

Romans 5:6

Sissiyae ippun ḵabooḻan taḵu we angwa si pinion Apudyus, natoy aḵ Kristu atte ustu we timpu para'tta ḵabasbassuḻan.

1 John 3:8

Ḵad sa pagapagatupanae bumasubasuḻ, nidoga ḵan Satan te aḵ Satan ḵad bummasuḻ inggan ni laplapu. Pun siya gapun ni ummaliyan ni Abeng Apudyus sina'd luta ta dadailona da ḵoon Satan.

1 Timothy 3:1

Tuttuwa sanae ugud: Nu awad osa'ḵ piona ambalin aḵ angipangpangu'tta namati, ampatoge ḵewaaḻ gamgamana.

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.

Revelation 22:6

Pun ḵanan ni anghel ḵan saḵon, “Tuttuwa ya mataḻgodan da losane inugudḵu ḵan diḵayu. Te aḵ Apu we Apudyus angidaḻan atte somsomoḵ da profetana. Siya bos nangibuun atte anghelna ta mipaigammu ḵan diḵayu we anserbi ḵan siya da ḵasapuḻane madam-an maḵwa.”

Revelation 5:9

Ḵanandae angiḵanḵanta'tta baru we ḵanta, “Siḵa ḵallabbong angaḻa si naḻuḵube ḵopel ya alloḵta'tte maḻḵa. Te napatoyḵa woḵ sa daḻam nanubutnu'tta tagu ta ambalindae tagun Apudyus. Ḵad maḻpuda'tta losane ili ya da losane tribu ya da tagu we nansabasabali gingada ḵan naḻpuwanda.

Titus 3:8

Tuttuwa da sadi ye imbagaḵ ya matuttuwada oḵyan. Pun pioḵe pagapagatupame antuttudu'tta namati ḵan Apudyus sinat ta ummanda ipapuute angwa'tta ambaḻu. Da sadi ye tuttudu, ambaḻubaḻu ya idaḻanna da losane tagu'tte bumaḻuwanda.

2 Timothy 2:11

Tuttuwa uuggudone ḵanana, “Nu naḵaḵatoy taḵu ḵan Jesu Kristu, midoga taḵu matagu ḵan siya.

Acts 3:26

Pun ditaḵu we Judyu ummunae pinilin Apudyus ya imbuunna'ḵ Jesus we anserbi ḵan siya ta bindisyunana ditaḵu ta lamog taḵu agaye angwa'tta ḵoḵoḵḵon.”

John 3:36

Ḵad ngaimane tumuttuwa gapu si amatiyana'tte Abengna, maatod ḵan siya biyag aḵ inggana. Yaḵon sa adipun tumuttuwa gapu si adinapun amatiyan atte Abengna, ippun ḵan siya biyag aḵ inggana yaḵon sa sangan Apudyus iinggaw ḵan siya.

Revelation 21:5

Pun ḵanan ni tummuḵdu'tte trono, “Ilam, pabaruwoḵ da losane awad.” Ḵanana bos ḵan saḵon, “Igilim da annae imbagaḵ te mataḻgodanda ya tuttuwada.”

1 John 5:11

Annaya pinanoḵnoḵana: Innatod Apudyus ḵan ditaḵu biyag aḵ inggana ḵad sa Abengna maḻpuwan ni sanae biyag.

1 Timothy 1:19

Sa maḵagubatam atta sanae lawweng, pagatupam gogomgoman pammatim ya sa ampoḻḵase somsomoḵ. Te awad da udume tagu we iwwalinda ampoḻḵase somsomoḵ ya paate nadadail pammatida.

Matthew 18:10

Pinagatupan Jesus woḵ ḵanana, “Ilanyu ta adiyu am-amsewon ngaiman atta sanae amati ḵan saḵon ya ibelang da udum aḵ nababa te da anghel we anguguwaḻda ḵan dida, patilayune awadda ḵan Amaḵ ad langit.

Acts 11:18

Dingngoḻda ḵad sana, ingginoḵdae nanamḵuy ḵan siya woḵ ḵanandae nangidaydayaw ḵan Apudyus, “Innatod os Apudyus atta Gentil ta ambabawida'tta basuḻda ya agaydae angwa ta awad ḵan dida biyag aḵ inggana.”

Acts 11:1

Dingngoḻ da apostol ya da susunud ḵan Kristu si intero we probinsiya'd Judea we inawat os da Gentil Ugud Apudyus.

Luke 15:2

Pun da Pharisee ya da mimistulun ni lintog ḵanandae nallili, “Ilanyu ḵad annae tagu! Ngaipana pione maḵaug-uggud atta ḵabasbassuḻan ya taḵon ay os ḵaḵan midoga bos ḵan dida!”

Romans 11:14

ta umaposan oḵyan da udume ḵailiyaḵe Judyu ta amatida ḵan Jesu Kristu ḵad mataguda.

1 Timothy 6:13

Bilinoḵ siḵa'tte sinagung Apudyus we angatod atte biyag atta losan ya aḵ Jesu Kristu we nanaḵdoḻ atte sinagung Pontius Pilate.

Matthew 18:11

Saḵon ḵad ose Abeng Di Tagu, ummaliyaḵ ta iyyaḵ sington da tagu we naḵabasuḻ ya taguwoḵ dida ta adin Apudyus dida dusaon aḵ inggana.”