1 Peter 5:9 - Sa Ugud Apudyus

⁹ Sagangonyu'ḵ Satan mipagapu si ampigsae pammatiyu. Te igammuyu we sa mapadasanyu we ampaḵaḻam, isuna bos ampaḵaḻamane mapadasan da susunudyu ḵan Kristu si intero we lubung.

1 Peter 5:9 Referans Kwoze

James 4:7

Pun paipangat ḵayu ḵan Apudyus ya sagangonyu'ḵ Satan woḵ umawid.

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

1 Peter 2:21

Te pinilin Apudyus diḵayu ta siya unudonyu ḵaḵnate antatagu. Te nampaḵaḻam os aḵ Kristu para ḵan diḵayu ḵad impailana antatagu we unudonyu oḵyan.

1 Corinthians 10:13

Naippun impadasyu'ḵ sulisug aḵ adin os da udume tagu impadas. Yaḵon aḵ Apudyus mataḻgodan te adinapun iyunude masulisug taḵu'tta aditaḵupun lamog maattoman. Yaḵon nu awad sulisug, siyae mismu angwa si inon taḵu we miligsi ta lamog taḵu maattoman.

2 Timothy 3:12

Sa ḵatuttuwaan, losan atta pionda unudon naapudyusane biyag gapu si niyossaananda ḵan Jesu Kristu, ampaḵaḻamda.

Ephesians 6:16

Papigsaonyu taḻgodyu ḵan Apu si losane ḵasasaadyu ta masaḻaḵniban ḵayu'tta ngaimane ḵoon Satan. Sa taḻgodyu isun di ḵaḻasag da suḻdadu we patilayune awitonda ta ḵosponda da bumaḻabaḻae ipanan ni ḵabusuḻ.

1 Peter 3:14

Yaḵon taḵon ay nu ampaḵaḻam ḵayu gapu si angwaanyu'tte ustu, mabindisyunan ḵayu. Pun adi ḵayu maḵimut atta amaḵaḻam ḵan diḵayu ya adi ḵayu ambinsaw,

Hebrews 11:33

Mipagapu si pammatida, illogda da ḵagubatdae sabali ye ili, ustu inondae nampangat ya inawatda inkarin Apudyus, pinaginoḵda da lion ta adida ḵotban dida.

1 Timothy 6:12

Iggam ḵabooḻame anaḵdoḻ si pammatim ya anserbi ḵan Apu Jesus we isun ni maḵatodtoddaḵe piona angngog ta magun-udna gungunae biyag aḵ inggana te sadi namiliyan Apudyus ḵan siḵa si timpu we nangibag-am atte sinagung da adu we tagu we namatiḵa ḵan Jesu Kristu.

1 Thessalonians 3:3

ta adi ḵayu madismaya gapu'tta ampaḵaḻamanyu. Inigammuyu we niḵoddonge ampaḵaḻam taḵu.

Ephesians 4:27

ta naippun gundaway Satan we anubsub ḵan diḵayu.

Revelation 6:11

Pun naittan da sadi ye ḵalidodwa si itaḵe langgoyode silup. Ḵad nibaga ḵan didae an-illongda yan aḵ sin-aḵitan inggana'ḵ maganggangput belang da susunudda ḵan Kristu we anserbi ḵan Apudyus we patoyon da tagu we isun os ni napatoyanda.

1 Peter 4:13

Yaḵon allaylayad ḵayu oḵyan nu ampaḵaḻam ḵayu we isun ni ampaḵaḻaman Kristu ta amod de layadyu si mipail-an ni sumilisilinge ḵinaapudyusna.

1 Peter 1:6

Anggangganas ḵayu gapu'tta sana taḵon ay nu ḵasapuḻane ampaḵaḻam ḵayu'tte sin-aḵitan atta nankalakalasi ye padase mapadasanyu.

Colossians 2:5

Taḵon ay nu naippunaḵ ḵan diḵayu sinat, sosomḵoḵ diḵayu ya amod de layadḵu si dingngoḻḵu we nauḻnus ḵayu ya ampigsa da pammatiyu ḵan Kristu.

John 16:33

Imbagaḵ sana ḵan diḵayu ta mipagapu ḵan saḵon lumin-awa ḵayu oḵyan. Ampaḵaḻamon diḵayu'tta adipun amati. Yaḵon tumuḻod ḵayu te illogyu da losane lawweng si annae lubung.”

Revelation 7:14

Ḵanaḵ ḵan siya, “Naid, Apu, siḵa angigammu.” Pun ḵanana, “Sana da nallagum atte ampaḵimute ampaḵaḻaman. Pinapoḻḵasda da langgoyodda'tte daḻan ni Ubbu we Karnero ta umitaḵda.

Luke 22:32

Yaḵon illuwaḻuwaḵ siḵa Simon ta adi pammatim maabaḵ ḵad nu ansagungḵa ḵan saḵon, ḵasapuḻane papigsaom oḵyan pammatin da susunudnu we namati.”

Revelation 1:9

Saḵon aḵ John we sunudyu ḵan Kristu ya buḻunyu we nangiyattome nampaḵaḻam gapu'tte niyossaanan taḵu ḵan Jesu Kristu si ampangatana. Gapu'tte nangiwaḻagawagaḵ si Ugud Apudyus ya sa namanoḵnoḵaḵ si mipanggob ḵan Jesus, naḵoddonganaḵ aḵ madusa woḵ inniyoyda saḵon ad Patmos, sa ban-oge ili ye niliḵwos ni baybay.

2 Timothy 4:7

Nu ipaniḵ nanserbiyaḵ ḵan Apudyus atte todtoday, inniggaḵ ḵabooḻaḵ woḵ ḵintadḵu ḵigad ni totoddaḵan. Ummaḵ pinopotpotan ḵatuttuwaan.

Hebrews 12:8

Nu adin Apudyus diḵayu disiplinaone isun ni andidisiplinana'tta losane abengna, daḵanḵayupun aḵ tuttuwae abengna yaḵon sabali sin-abeng ḵan diḵayu.