1 Peter 5:11 - Sa Ugud Apudyus

¹¹ Siya maḵabooḻe ampangat aḵ inggainggana. Amen.

1 Peter 5:11 Referans Kwoze

1 Peter 4:11

Sa innattan Apudyus aḵ ḵabooḻane angiwaḻagawag, ḵasapuḻane sosomḵonae siya iwaḻagawagna Ugud Apudyus. Sa naittan aḵ ḵabooḻane anserbi'tta buḻunna, ḵasapuḻane anserbi ye usarona pigsae itton Apudyus ḵan siya ta da losane banage ḵoonyu, midaydayaw aḵ Apudyus mipagapu ḵan Jesu Kristu. Siya madaydayaw ḵan maḵabooḻe ampangat aḵ inggainggana. Amen.

Romans 11:36

Gapu ta siya nangwa'tta losan, naḵwa da losan mipagapu ḵan siya ya para'tte midayawana! Madayaw aḵ Apudyus aḵ inggainggana. Amen.

Revelation 5:13

Naabus ḵad, dingngoḻḵu imbagan da losane awad ad langit, ad luta ya ad daḻom atte lutae igaw da natoy ya sa baybay. Losan atta ḵingwan Apudyus, ḵananda, “Ḵan siyae tutuḵdu'tte trono ya sa Ubbu we Karnero, mabindisyunan, mapatgan, madaydayaw ya mabigbig ḵabooḻanda'ḵ inggainggana.”

Revelation 1:6

Ḵad indogana ditaḵu si ampangatana woḵ ḵingwana ditaḵu'ḵ papadi ye anserbi ḵan Apudyus we Apudyusna ya Amana. Aḵ Jesu Kristu oḵyan madaydayaw ya ampangat aḵ inggainggana. Amen.