1 Peter 3:8 - Sa Ugud Apudyus

⁸ Annaya mungimung ni ibagabagaḵ. Ḵasapuḻane an-os-ossaan ḵayu losan atte somsomoḵ ḵan maḵagiḵna ḵayu'tta buḻunyu. An-asiayat ḵayu we isun di mismu we ansusunud, an-asiḵadagu ḵayu ya ipakumbabayu da long-agyu.

1 Peter 3:8 Referans Kwoze

Romans 12:10

An-asiayat ḵayu we isun ni an-aayat da mismu we ansusunud. Ḵad ibelangyu da bubuḻunyu'ḵ napatpatog nu diḵayu.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

Ephesians 4:31

Pun ḵasapuḻane ḵaanonyu da losane lawweng atta somsomoḵyu, busut ya sanga'tta buḻunyu. Adi ḵayu bos maḵasubog ya maḵasossongbat ya an-ugud aḵ lawweng atta asintataguyu. Naippun oḵyan somsomoḵyu'ḵ amaḵaḻam atta buḻunyu,

James 3:17

Yaḵon sa ḵinalainge maḻpu'd langit, pasige ambaḻu, allin-awa, an-anggom, adinapun ipatut piona, pasig ḵumadagu, pasig ambaḻu ḵoona, ippun laḵlaḵsigona'tta buḻunna ya adipun ḵapappaila.

Ephesians 4:2

Patilayun oḵyane napakumbaba ḵayu, naanus ḵayu ya an-anggom ḵayu'tta buḻunyu we mipagapu si ayat.

Colossians 3:12

Gapu ta diḵayu da pinilin Apudyus we taguna ya inay-ayatna, unudonyu oḵyan da sanae ug-ugali: Ḵumadagu ḵayu ya bumadang ḵayu, ipakumbabayu da somsomoḵyu ya somsomḵonyu oḵyan bumaḻuwan da udum ya pasig ḵayu oḵyan naanus.

1 Corinthians 12:26

Pun nu awad ansigab si osae ḵamangay ni long-ag, giḵnaon da losane ḵamangay ni long-ag. Ḵad nu madayaw osa, maḵalaylayad da losan.

Matthew 18:33

Ḵinadaguwam oḵyan pos dogame sammilu we isun ni nandadaguḵ ḵan siḵa.’

1 John 3:14

Igammu taḵu we aditaḵupun ogon misina ḵan Apudyus we isun ni awe, pun sinsadi anna ḵan ditaḵu biyag aḵ inggana. Ḵad igammu taḵu ḵatuttuwaan te ay-ayaton taḵu da susunud taḵu ḵan Kristu. Sa tagu we adipun angayat atta asintataguna, isun di sissiyae natoy.

1 Corinthians 1:10

Susunudḵu ḵan Kristu, gapu'tte ngadan Apu taḵu we Jesu Kristu, an-uunud oḵyan da losane ugudonyu ya adi ḵayu magoggogwa yaḵon an-os-ossaanonyu somsomoḵyu ya sa panggobyu.

Acts 4:32

Losan atta namati nan-os-ossaan ḵasomsomḵanda. Adidapun ibelange ḵuwada da ḵuḵuwada yaḵon siya ḵoonda nan-aḵ-atodda.

1 Peter 5:5

Diḵayu ḵad ose bagbagu, ḵasapuḻane paipangat ḵayu'tta angipangpangu. Pun diḵayu losane namati, ḵasapuḻane ipakumbabayu da long-agyu'tta buḻunyu ta anserbi ḵayu'tte sin-ossaossa. Te ḵanan ni nigili ye ugudna, “Sullagiyon Apudyus da ngaimane ampasindayaw, yaḵon ipailana ḵinabaḻuna'tta ngaimane napakumbaba.”

Hebrews 13:1

Pagatupanyu we an-asiayate isun di ansusunud ḵan Kristu.

2 Peter 1:7

Losan atta sanat, sa naapudyusane antatagu dog-anyu ayat atta susunudyu we namati ya sa ayat os atta ngaimane tagu.

1 Peter 2:17

Patganyu oḵyan da losane tagu, ay-ayatonyu da susunudyu ḵan Kristu ya isipogyu'ḵ Apudyus ya patganyu bos ari.

James 5:11

Ḵanan taḵu we pian da tagu we nangiyattom. Dingngoḻyu ḵinaanus Job ya innilayu ambaḻu we panggob Apudyus ḵan siya si anungusna. Te aḵ Apudyus, impailana ḵan siya ummamdane ḵadaguna ya ḵinaanggomna.

James 2:13

Te nu anḵuwis aḵ Apudyus, adinapun ḵadaguwan da adipun ḵumadagu. Yaḵon ḵadaguwana da ḵumadagu ta adida umogyat nu anḵuwis.

Philippians 3:16

Yaḵon taḵon ay nu ḵatti, ḵasapuḻane pagapagatupan taḵu tuttuwaon da impaigammun Apudyus ḵan ditaḵu.

Romans 15:5

Sa iluwaḻuḵ ḵan Apudyus we anoḻgag atta somsomoḵ taḵu, antitimpuyugona oḵyan ditaḵu ta unudon taḵu ugalin Jesu Kristu,

Acts 28:7

Adani si sanate taḻantag lutae ḵuwan Publius we pangat da tagu si annae ili si gawan ni baybay. Nisagawe nammangili ḵan diḵani si tuḻun aḻgaw.

Acts 27:3

Mabigat ḵad, nansadang ḵani'd Sidon. Pun ḵinadaguwan kapitan Julius aḵ Paul woḵ iyyunudnae umoy atta boḻoy da buḻbuḻunna ta ittanda'tta ḵasapuḻana.

Acts 2:1

Dummatong ḵad aḻgaw ni Gayagayan da Judyu we ngannonda Pentecost, nandatdatong da namati si osae boḻoy.

Luke 10:33

Unipun, dummatong os iSamaria woḵ innilana ḵad ay sadi ye matoyan, ḵinadaguwana.

Ephesians 4:32

yaḵon an-asianggom ḵayu, an-asibadang ḵayu, an-asiḵadagu ḵayu ḵan an-asipakawan ḵayu we isun ni namakawanan Apudyus ḵan diḵayu gapu ḵan Kristu.

Philippians 2:3

Sa panggobyu oḵyane angwa'tta ngaiman, daḵampun oḵyan atte maḵaas-asselanyu ya mitaḻayaganyu yaḵon siya oḵyan ḵoonyu ipakumbabayu da somsomoḵyu ta ibelangyu we nangatu da buḻunyu nu da long-agyu.