1 Peter 3:22 - Sa Ugud Apudyus

²² Nipauli'ḵ Kristu ad langit woḵ awad si madawinan Apudyus we maḵapangat ḵan siya ya ipangatana da losane anghel ya da udume adipun mailae ḵingwanae awad de saadda ḵan ḵabooḻanda.

1 Peter 3:22 Referans Kwoze

Hebrews 9:24

Te adipun nillumnoḵ aḵ Kristu si Ḵasantuwane Kuwartu we ḵingwan di tagu ḵan abuse ladawan ni tuttuwae igaw Apudyus. Yaḵon siyae mismu nillumnoḵ ad langit ya awad sinsadi ye angitaḵdoḻ ḵan ditaḵu si sinagung Apudyus.

Hebrews 12:2

Isisimoḵ taḵu'ḵ Jesus te siya puun ḵan magangputan ni pammati taḵu. Ḵad adinapun imbaine natoy atte kros para ḵan ditaḵu gapu si gangganase anguuway ḵan siya. Pun sinsadi, awade tutuḵdu si madawinan Apudyus we maḵapangat ḵan siya.

Hebrews 10:12

Yaḵon aḵ Kristu, namingpingsane indatunna long-agna para'tta basuḻ taḵu'ḵ inggana. Nagangput ḵad, tummuḵdu si madawinan Apudyus.

Mark 16:19

Nagangput ḵad da imbagan Apu Jesus ḵan dida, nipangatu'd langit woḵ tummuḵdu'tte madawinan Apudyus.

Hebrews 8:1

Annaya pionni ye ibaga: Awad de ḵangatuwane padi taḵu we tutuḵdu si madawinan ni tronon Apudyus we ḵangatuwan ad langit ya maḵapangat ḵan siya.

Hebrews 6:20

Ummuna'ḵ Jesus nillumnoḵ si igaw Apudyus we para ḵan ditaḵu. Siya nambalin ḵangatuwane padi taḵu'ḵ ingganae isun ni ḵinapadin Melchizedek.

Colossians 3:1

Gapu ta nidoga ḵayu si ummuliyan Kristu, singtonyu da banage awad ad langit si igaw Kristu we tutuḵdu si madawinan Apudyus we maḵapangat ḵan siya.

Romans 8:38

Ḵad aaddi ye naippun ḵallamog maḵaisina'tte ayatna ḵan ditaḵu. Te taḵon ay nu matoy taḵu baḵon nu matattagu taḵu, ay-ayatona ditaḵu. Taḵon ay da anghel, da aḻan, da turaye adipun maila, da maḵwa ḵan ditaḵu sinsana ya sa umali ye aḻgaw ya da ḵabooḻan.

Romans 8:34

Ngai ḵad ain maḵwae angoddong ḵan ditaḵu'ḵ madusa? Naippun te aḵ Jesu Kristu natoy woḵ ummuli. Pun siya tutuḵdu si madawinan Apudyus we maḵapangat ya angiyugud ḵan ditaḵu.

Matthew 22:44

“ ‘Ḵanan Apudyus atte Apuḵ: Tumuḵduḵa'tte madawinanḵu inggana'ḵ oḻgoḵ da ḵabusuḻnu.’

Hebrews 1:3

Sa Abeng angil-an taḵu si ḵadayawan Apudyus ya miyiissu ḵinaapudyusna. Ḵad siya amagatup atta losane mipagapu si ḵabooḻan ni ugudna. Ginangputna ḵad pinapoḻḵas da tagu'tta basuḻda, nipauli'd langit woḵ tutuḵdu si madawinan Apudyus we ḵangatuwan ya maḵapangat ḵan siya.

1 Corinthians 15:24

Ḵad nu dumatong anungus da losan, oḻgon Kristu da losane pangat, ḵaḻabbongan ḵan ḵabooḻan ḵad ipuḻangna ampangatana ḵan Apudyus we Amana.

Acts 3:21

Ḵasapuḻane inggaw aḵ Jesus ad langit inggana'ḵ dumatong timpu we pabaruwon Apudyus da losan te siya inkarina mipagapu'tta profetanae nanserbi ḵan siya si awe.

Acts 1:11

woḵ ḵananda, “Diḵayu we naḻpu'tte probinsiya'd Galilee, ngaipa ḵayu sisiḵad sinae tatangngadonyu'd langit? Aḵ Jesus we innilayu we nipangatu'd langite naḻpu ḵan diḵayu, mipauli bose iissuna nangil-anyu si ḵesanana'd langit.”

Mark 12:36

Te aḵ Ari David we mismu ngannona'ḵ Kristu Apuḵ. Te sa imbagana, impaspasmoḵ ni Ispiritu Santu ḵan siyae ḵanana, “ ‘Ḵanan Apudyus atte Apuḵ: Tumuḵduḵa'tte madawinanḵu inggana'ḵ oḻgoḵ da ḵabusuḻnu.’ ”

Hebrews 1:13

Ḵad naippun nangibag-an Apudyus atta anghelna'tte isun ni annae imbagana'tte Abengna we ḵanana, “Tumuḵduḵa'tte madawinanḵu we ampangat inggana'ḵ oḻgoḵ da ḵabusuḻnu.”

Luke 20:42

Te aḵ Ari David we mismu, ngannona aḵ Kristu Apuḵ si inggilina'tte iblun da de Psalm. “ ‘Ḵanan Apudyus atte Apuḵ: Tumuḵduḵa'tte madawinanḵu

Matthew 28:18

Pune sadi, ummadani'ḵ Jesus ḵan dida woḵ ḵanana, “Losane ḵaḻabbongan ad langit ya sina'd luta naatod ḵan saḵon.

Hebrews 1:6

Anna ḵade madam-an angibuunan Apudyus si annae lubung atte Abengna we anna saadna'tta losane isun di panguḻu, ḵanana, “Ḵasapuḻane losan atta anghel Apudyus analluḵudae andayaw ḵan siya.”

Hebrews 4:14

Pun gogomgoman taḵu pammati taḵu te aḵ Jesus we Abeng Apudyus siya maḵabooḻe ḵangatuwane padi taḵu we ummoy ḵan Apudyus ad langit.

John 13:32

Ḵad nu midayaw aḵ Apudyus mipagapu ḵan siya, idayaw os Apudyus we mismu ya idayawnae dagus.