1 Peter 3:20 - Sa Ugud Apudyus

²⁰ Da sanae ḵalidodwae nibabaḻud, ḵalidodwan da tagu we adipun tummuttuwa gapu si adidapun namatiyan ḵan Apudyus si timpun Noah si awe. Sa nangwaan Noah si bapur, inan-anusan Apudyus we nanguuway si amatiyan da tagu ḵan siya yaḵon adidapun tummuttuwa gapu si adidapun namatiyan, abuse waḻu we tagu da tinagun Apudyus si timpu we nalitapan ni lubung.

1 Peter 3:20 Referans Kwoze

2 Peter 2:5

Ḵad isuna bose adimpun Apudyus ḵinadaguwan da tagu si awe ye timpun Noah. Gapu ta ḵabasbassuḻanda, nilitapna lubung woḵ naaminda naumbuḻ. Yaḵon aḵ Noah we nangiwaḻagawag si naun-unane antatagu, tinagun Apudyus ya da pitu we ḵabaḻyanna.

Hebrews 11:7

Mipagapu si pammatin Noah, nandongoḻ atta imbagan Apudyus mipanggob atta banage maḵwa si umali ye aḻgawe daannapun yan ilan. Tinuttuwana'ḵ Apudyus woḵ nangwa'ḵ daḵoḻe bapur ta matagudae simbaḻyan. Gapu si pammatina, impailanae nankamali da tagu'tte lubunge adidapun amati ḵan Apudyus ya dusaon Apudyus oḵyan dida. Pun imbelang Apudyus aḵ naun-unan mipagapu si pammatina.

Matthew 7:14

Yaḵon gapu ta ansuḻpit lewangan ya ansigab daḻane umoy si biyag aḵ inggana ḵan Apudyus, aḵit da maḵaodas.”

2 Peter 3:15

Sosomḵonyu we sa gapunae naanus Apu taḵu, pionae awad wayan da tagu ta taguwona dida. Sadi da insuḻat Paul we ay-ayaton taḵu we sunud taḵu ḵan Kristu ḵan diḵayu sigun si lainge innatod Apudyus ḵan siya.

Romans 9:22

Isuna bos ḵan Apudyus. Taḵon ay nu piona ipaila sangana ḵan ḵabooḻanae anusa'tta labbongna'ḵ madusa yaḵon inan-anusana dida.

Luke 12:32

“Adi ḵayu maḵimut, taḵon ay nu aḵit ḵayu we disipuluḵ te aḵ Apudyus we Ama taḵu allaylayade nanomsomoḵe midoga ḵayu si ampangatana.

Ephesians 5:26

ta itotoḵḵon ditaḵu we namati'ḵ taguna gapu ta pinapoḻḵasna ditaḵu'tte danum ya sa Ugud Apudyus.

Acts 2:41

Pun da nangawat si ugudna, nampabonyagda. Umoye tuḻullibu belang da nidoga.

1 Peter 1:9

Te awatonyu ambanagan ni pammatiyu we siya mataguwan da ḵalidodwayu.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

1 Peter 2:25

Te sa awe, nalimu taḵu we isun da karnero yaḵon sinsadi annae nipauli taḵu ḵan Kristu we angaayyuwan atta ḵalidodwa taḵu.

1 Peter 3:19

Ummoy ispirituna nawwaḻagawag atta nibabaḻude ḵalidodwan da nanḵaḵatoy.

1 Peter 4:19

Pun diḵayu we ampaḵapaḵaḻam gapu si pinion Apudyus, ipapatiyu ḵoon da ambaḻu ya itaḻgodyu da ḵalidodwayu we ustu ḵan Apudyus we mataḻgodane nangwa.