1 Peter 2:23 - Sa Ugud Apudyus

²³ Inang-angyagda ḵad, adipun os ummang-angyag. Nampaḵaḻamonda ḵad, adinapun inḵoḻkog dusa ḵan dida yaḵon nantaḻgod ḵan Apudyus we naun-unan anḵuḵuwisna.

1 Peter 2:23 Referans Kwoze

1 Peter 4:19

Pun diḵayu we ampaḵapaḵaḻam gapu si pinion Apudyus, ipapatiyu ḵoon da ambaḻu ya itaḻgodyu da ḵalidodwayu we ustu ḵan Apudyus we mataḻgodane nangwa.

Hebrews 12:3

Sosomḵon taḵu inon Jesus we nanganuanus si ummamdane ampaḵaḻamane ḵingwan da ḵabasbassuḻan ḵan siya ta adi taḵu madismaya ḵan ḵumuya.

Acts 4:29

Sinsadi Apu, dongngom da sanae iḵoḻḵogda ḵan diḵani ye sammilum. Ittam ud diḵani'ḵ tuḻode angibagabaga si ugudnu.

2 Timothy 4:8

Pun sinsadi awad de insaganan Apu we para ḵan saḵone gungunae ittona'tta losane naun-unane tagu. Ittona anna si umali ye aḻgawe anguwisana'tta losane tagu sigun si ustu we anḵuḵuwisna. Ḵad daḵampun aḵ abusaḵ aḵ gungunaana nu adi da losane ummayu si mipauliyana.

2 Timothy 1:12

ḵad sadi gapun ni ampaḵapaḵaḻamaḵ. Yaḵon adiyaḵpun mabain te igammuḵ pinatiḵe awad de ḵabooḻanae angayyuwan atta intaḻgodna ḵan saḵon inggana'ḵ dumatong aḻgawe ḵasin umali'ḵ Kristu.

Luke 23:46

Napapḵaaw aḵ Jesus woḵ ḵanana, “Ama, itaḻgodḵu ḵalidodwaḵ ḵan siḵa.” Imbagana ḵad sadi, naḵaan angosna.

Revelation 19:11

Pun innilaḵ ad langite nabuḵatan woḵ inninggaw itaḵe ḵabayu. Sa nangabayu ḵad, nangadanan aḵ Mataḻgodan ya Tuttuwa. Ḵad naun-unan anḵuḵuwisna ya naun-unan os inonae maḵagubat atta ḵabusuḻna.

1 Peter 3:9

Nu awad angwa ḵan diḵayu'ḵ lawweng, adiyu ibaḻos. Nu awad os an-ugud aḵ lawweng, adiyu songbatan aḵ lawweng yaḵon iluwaḻuyu ḵan Apudyus ta bindisyunana dida. Te pinilin Apudyus diḵayu'ḵ mismu we taguna ta maḵatawid ḵayu si bindisyun.

2 Thessalonians 1:5

Sadi angipaila si gattoḵe naun-unane anḵuḵuwis Apudyus atta tagu. Te mipagapu'tte ampaḵaḻamane inan-anusanyu sinsana, nipailae mibagay ḵayu we midoga si ampangatana.

Ephesians 6:9

Ḵan diḵayu bose ap-apuwonda, ḵasapuḻan ose ambaḻu ḵayu'tta musassuyu. Adiyu ḵoḻḵogon dida te igammuyu we sa antotollong Apuyu ad langit, an-iisu ḵayu'tta musassuyu ḵad ippun laḵsigona'ḵ tagu.

Romans 2:5

Yaḵon gapu ta tummungitong da somsomoḵyu ya adiḵayupun ambabawi, amo dog-adog-anyu ḵadusaanyu'tte aḻgawe angipail-an Apudyus atte sangana ya mipaila naun-unane anḵuḵuwisna'tta tagu.

Acts 17:31

Te inḵoddongna aḻgawe anguwisana'tta losane tagu si lubung. Dinutuḵana'ḵ Jesus we naun-unane anḵuwis woḵ pinanoḵnoḵanae siya dinutuḵana si nanaguwana ḵan siya.”

Acts 9:1

Sa sadi ye timpu, pinagatupan Saul we nangoḻḵog ya nangongat atta disipulun Apu, pun ummoy si ḵangatuwane padi

Luke 23:9

Pun adu da inimusna yaḵon adipun paat summongbat aḵ Jesus.

Acts 7:59

Sa amatubatuwanda ḵad ḵan Stephen, nalluwaḻu woḵ ḵanana, “Apu Jesus, awatom ḵalidodwaḵ.”

Luke 23:41

Yaḵon dita labbongnae madusa te naḵabasuḻta yaḵon sa annae tagu ippun basuḻna.”