1 Peter 2:20 - Sa Ugud Apudyus

²⁰ Ippun labbong ni tagu we madayaw nu anuanusana iyattom dusa gapu'tte ḵingwanae lawweng. Yaḵon nu ampaḵaḻamon diḵayu'tta angwaanyu si ambaḻu ya inan-anusanyu, mas-om aḵ Apudyus ḵan diḵayu.

1 Peter 2:20 Referans Kwoze

1 Peter 2:19

Te mas-om aḵ Apudyus ḵan diḵayu nu anusanyu ampaḵaḻamanyu gapu'tte anosomḵanyu si mipanggob ḵan siya taḵon ay nu ippun ḵingwayu'ḵ lawweng.

1 Peter 3:17

Te nabaḻbaḻu ampaḵaḻam ḵayu gapu si angwaanyu'tte ambaḻu nu siya pinion Apudyus, nu sa ampaḵaḻam ḵayu gapu si angwaanyu'tte lawweng.

1 Peter 3:14

Yaḵon taḵon ay nu ampaḵaḻam ḵayu gapu si angwaanyu'tte ustu, mabindisyunan ḵayu. Pun adi ḵayu maḵimut atta amaḵaḻam ḵan diḵayu ya adi ḵayu ambinsaw,

Luke 6:32

“Nu ayatonyu we abus da tagu we angayat ḵan diḵayu, gungunaan ḵad ain Apudyus diḵayu? Naid te taḵon ay da ḵabasbassuḻan, ayatonda bos da angayat ḵan dida!

Matthew 5:47

Ḵad nu abus ay da ḵailiyanyu'ḵ pionyu ḵaug-uggud, ngai nisabaliyanyu'tta udum? Taḵon ay da Gentil we adipun angigammu ḵan Apudyus ḵoonda bos ḵaḵna.

1 Corinthians 4:11

Inggana sinsadi, nauḻat ḵan nauwaw ḵani, kurang da silupni ya ampaḵaḻam ḵani ya ippun ustu'ḵ boḻoyni.

Mark 14:65

Nagangput ḵad, insaḻad da udume nanuptuppa ḵan siya woḵ binungutda atana woḵ ḵabiḵbiḵunganda. Ḵananda, “Nu lamognu pugtuwan, ibagam ḵan diḵani nu ngai da namiḵung ḵan siḵa?” Da nangguwaḻda ḵad os, nilipalipaḵda.

Matthew 26:67

Pun tinuptuppaanda, sinansantuḵda ya nilipalipaḵda bosaḻna,

Philippians 4:18

Sinsadi masawasawaḻ da ḵasapuḻaḵ te inawatḵu ḵan Epaphroditus da losane indagasyu. Ḵad da sanae indagasyu, isunan ambangu we midatun ḵan Apudyus we mat-opana ḵan lumayadana.

Ephesians 5:10

Padasonyu oḵyan adaḻon da mas-oman Apu ya ḵoonyu dida.

Galatians 4:18

Ustu masosomḵan tagu si buḻunna amod ay nu ambaḻu panggobnae isun ni ḵooḵ ḵan diḵayu, annaaḵ man baḵon nu naidaḵpun.