1 Peter 2:16 - Sa Ugud Apudyus

¹⁶ Ipailayu si antataguyu we napuḵayan ḵayu we tagu yaḵon adiyu usaron napuḵayanyu'ḵ lasunyu we angwa si lawweng yaḵon maila oḵyan si antataguyu we sammilun diḵayu ḵan Apudyus.

1 Peter 2:16 Referans Kwoze

Galatians 5:13

Ḵan diḵayu susunudḵu ḵan Kristu, pinilin Apudyus diḵayu ta mapuḵayan ḵayu ta daḵampun aḵ ḵasapuḻane tuttuwaonyu lintog ta taguwon Apudyus diḵayu. Yaḵon adiyu usaron napuḵayanyu'ḵ lasunyu we angwa'tta pipion da long-agyu. Yaḵon siya oḵyan ḵoonyu an-asiserbi ḵayu gapu si an-asiayatanyu.

Romans 6:22

Yaḵon sinsana napuḵayan ḵayu'tte basuḻ ya nambalin ḵayu'ḵ musassun Apudyus. Ḵad sa ginanabyu, mitotoḵḵon ḵayu'ḵ taguna ta bumaḻu ugaliyu ḵad sa ambanagana awad ḵan diḵayu biyag aḵ inggana.

1 Corinthians 7:22

Te nu musassuḵa'tte napiliyam ta niyossaanḵa ḵan Apu, napuḵayanḵa'tte basuḻ gapu ḵan Kristu. Ḵad nu daḵanḵapun aḵ musassu'tte napiliyam, nambalinḵa'ḵ musassun Kristu sinsadi.

Romans 6:18

Napuḵayan ḵayu'tte basuḻ ḵad nambalin ḵayu'ḵ musassun ni maun-unan.

Galatians 5:1

Pun tuttuwae pinuḵayan Kristu ditaḵu! Piona ugudone napuḵayan taḵu. Pun gogomgomanyu oḵyan ya adiyu ogon iyunude ambalin ḵayu'ḵ musassu.

James 1:25

Yaḵon sa tagu we singsingtona ustuustu we lintoge amuḵay atta tagu ya pagapagatupana ḵoon, bindisyunan Apudyus atta losane ḵoona. Siya kalasin ni tagu we daḵampun aḵ abuse andongoḻ ya naliwatana dingngoḻna yaḵon ḵoona da dingngoḻna.

James 2:12

Pun ummanyu'tta ugudonyu ya da ḵoonyu te aḵ Apudyus ḵuwisona diḵayu si umali ye aḻgaw mibatay atte lintoge amuḵay atta tagu'tta basuḻda.

Ephesians 6:6

Daḵampun ay aḵ asi ḵayu pumangog si annae antotollong da ap-apuwonyu ta piga gay nu maḻyadanda ḵan diḵayu yaḵon ibelangyu we sammilu ḵayu ḵan Kristu ya sipupusu ḵayu oḵyane angwa'tte pinion Apudyus.

2 Peter 2:19

Ikaridae mapuḵayan da sanae tagu nu unudonda da ituttududa. Yaḵon sa ḵatuttuwaan, didae mismu musassu'tta basuḻe angaissaw ya anadail ḵan dida. Te sa tagu, ambalin aḵ musassu si ngaimane angngog ḵan siya.

Colossians 3:24

Te igammuyu we itton Apu ḵan diḵayu gungunae inkarina'tta taguna te nanserbi ḵayu ḵan Kristu we Apu.

Matthew 23:13

Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.

Jude 1:4

Te annat da tagu we illimoddae nidoga ḵan diḵayu we adiḵayupun naḵaimatun ḵan dida. Dida da nipadtu si awe si Ugud Apudyus we asi maḵuwis. Sana da tagu we daḵampun aḵ naapudyusane baliwanda ḵatuttuwaan mipanggob si ḵinabaḻun Apudyus te usaronda Ugud Apudyus aḵ analingodda'tta lawwenge ḵoḵoḵḵonda. Adidapun os bigbigon ḵatuttuwaan mipanggob ḵan Jesu Kristu we abus aḵ Apu we anserbiyan taḵu.

1 Thessalonians 2:5

Iniiggammuyu we daḵampun paat aḵ nan-uḻ-uḻnug ḵani ya aḵ Apudyus anaḵdoḻe daḵampun paat aḵ an-ugud ḵani ta awad maganabni.

John 15:22

Naippun oḵyan maḵabasuḻanda nu adiyaḵ ummali ya naḵaugud ḵan dida. Yaḵon sinsadi, ippun ogon allasunda'tta basuḻda.